Zekaraya 13
13
1Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.
2Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na. 3Re ọ da dianẹ ohwo rhoma vwẹ oma ru ọmraro, ọsẹ vẹ oni rọye ri vwiẹrẹ me ta kẹ nẹ, Wọ cha rhọ-ọn, kidie wọ vwẹ odẹ rẹ Ọrovwohwo vwọrọn efian, ọsẹ vẹ oni rọye ri vwiẹrẹ na mi duvwo fi vwẹ ọke rọ da mraro na. 4Vwẹ ẹdẹ yena oma cha vo kọmraro kọmraro vẹ emramrẹ rọye ọ sa vwẹ adja ya rọ da phiẹ ohwo-o, 5Ẹkẹvuọvo kọ cha ta, Me dia ọmraro-o, mẹvwẹ oghwẹrẹ, kidie otọ na ọme nẹ ọke-emọ mẹ rhe. 6O da dianẹ ohwo nọrọ, Didi era re he uko wẹn na? Kọ ta, Era ra nyavwe vwẹ uwevwi rẹ igbeyan mẹ.
Ihwehwe re Isuigodẹ rẹ Ọrovwohwo
7Vrẹn, E ọlọkọ, vwọ kpahe osuigegede Mẹ,
vwọ kpahe ohwo ro mudia kere ovwẹ na, Ọrovwohwo rẹ otuofovwi tare .
Nyavwe osuigegede na, rere vwọ mrasan hra,
Me cha rhẹriẹ obọ mẹ kpahe emọ rẹ igegede na.
8Vwẹ otọ na ejobi, Ọrovwohwo tare, a cha gharọ ẹkẹn erha
ra da ghwọrọ e che bru ẹkẹn ivẹ no, ẹkẹn ọvo kọye cha rhọ
9Ki mi che phi ẹkẹn rerha nana phihọ erhanre,
re ruo fon kirobo re ru idọnọ fuan ye,
ka davwe ayen kirobo ra davwe oro na.
Ayen se odẹ Mẹ,
ki mi nyo ke ayen.
Ke Me ta nẹ, Ayen ihwo mẹ,
Kẹ ayen ta nẹ, Ọrovwohwo na Ọghẹnẹ Mẹ.
Currently Selected:
Zekaraya 13: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
