Zekaraya 12
12
E Che Sivwi Jerusalẹm Vwobọ
1Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma. 2Nighere, mi muegbe mi vwo ru Jerusalẹm vwọ dia uko ro kpogho kẹ ihwo ejobi re yarierẹ phihọ; o ji mu kpahe Juda ro vwo se ogodogo riariẹ Jerusalẹm. 3Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ. 4Vwe ẹdẹ yena, Ọrovwohwo na tare, Me cha vwẹ uguegue teye iyesi kiyesi, Me Me rha vwẹ orhuẹ mu ohwo rọ gua. Ẹkẹvuọvo mi che rhie ẹro mẹ phihọ ke uwevwi ri Juda, ọke re Me da vwẹ eruedje teyọ iyesi kiyesi rẹ ihwo na nu. 5Etiyin orua ri Juda ke cha ta kẹ oma rayen, Ihwo ri Jerusalẹm wan oma rẹ Ọrovwohwo rẹ otuofovwi rẹ Ọghẹnẹ rayen na, vwo ogangan.
6Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo . 7Ọrovwohwo ephiokparobọ kẹ uwevwi ri Juda rere urinrin rẹ uwevwi ri Devid vẹ urinrin rẹ ihwo ri Jerusalẹm vwo je rhuọnọ ọ ri Juda. 8Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen. 9Je vwẹ edẹ yena ke Me guọnọ obo Me vwọ ghwọrọ ẹgborho ejobi ri mu kpahe Jerusalẹm. 10Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako. 11Omemuohọ vwi Jerusalẹm vwẹ ẹdẹ yena kọ họhọ oma rẹ mu phihọ kẹ Hadadrimmọn vwẹ uphephẹ ri Mẹgiddo. 12Otọ che muomahọ, ekru ọvuọvo kẹ oma rọye, ekru rẹ uwevwi ri Devid kẹ oma rọye, te eya rayen kẹ oma rayen; ekru rẹ uwevwi ri Netan ke oma rọye, te eya rayen ke oma rayen; 13ekru re uwevwi ri Livae kẹ oma rọye, te eya rayen kẹ oma rayen; ekru re ihwo re Shime ke oma rọye, te eya rayen ke oma rayen; 14Kugbe ekru ri chekọ ejobi, ọvuọvo rọye, te eya rayen kẹ oma rayen.
Currently Selected:
Zekaraya 12: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
