Matiu 3

Eghwoghwo ri Jọn ri Baptist

(Mak 1.1-18; Luk 3.1-18; Jọn 1.19-28)

1Vwẹ ọke yena Jọn ri Baptist da rhe ko ghwoghwo iyẹnrẹ esiri na vwẹ aghwa ri Judia, ọ da ta nẹ, 2Kurhẹriẹ, kidie uvie rẹ odjuvwu si kẹre re. 3Kidie ọnana hẹ ohwo rẹ Aizaya mraro rọye nẹ,

Urhuru ọvo re kperẹ vwẹ evun rẹ aghwa,

A rhuẹrẹ idjerhe rẹ Ọrovwohwo,

Re ru idjerhe rọye kpọvi.

4Jọn ku ewun rẹ ophiẹn ri kamẹl phihọ, ọ da vwẹ umuamwa rẹ ophiẹn mu ehu; ọ da re ebaka kugbe enyọn re djoma. 5Ihwo buebu de nẹ Jerusalẹm rhe, vẹ Judia kugbe irere re kẹrẹ Jọdan ejobi. 6Ọ da vwẹ ame kẹ ayen vwi Jọdan, ayen da rhọvwe imwemwu rayen.

7Ẹkẹvuọvo ọke rọ vwọ mrẹ otu ri Farisi kugbe Sadiusi ri bruro rhe rhe reyọ ame, ọ da ta kẹ ayen nẹ, Uvwiẹ rẹ eredekọ na, Ono ta kẹ ovwan nẹ wa djẹ nẹ abe rọ cha na? 8Ovwan vwẹ uruemu ọkpokpọ rẹ ekuorhẹriẹ phia, 9we roro nẹ avwanre emọ rẹ Ebrahamu-u, kidie Ọghẹnẹ sa rhẹriẹ ibieragha nana hirhe vwọ emọ kẹ Ebraham. 10Asakiephana ushurhe ọ hẹ otọ rẹ irhe na re, urhe rọ gbe mọ emamọ esiri-i, ke she vwo mu erhanre. 11Ame diodi rẹ ekuorhẹriẹ me vwọ kẹ ovwan na, ẹkẹvuọvo ọ rọ cha vwẹ obuko mẹ na, o gan nọ vwẹ, isabato rọye mi se te ohwo ro muo-o; ọye cha vwẹ Erhi Ọfuanfon vẹ erhanre vwọ họ ovwan. 12Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Ame Ẹreyọ ri Jesu

(Mak 1.9-11; Luk 3.21-22)

13Etiyin Jesu de nẹ Galili rhe Jọdan bru Jọn ra, rere ọ vwẹ ame kẹ. 14Jọn da sen, ọ da ta kẹ nẹ, Me guọnọ nẹ wọ vwẹ ame kẹ vwẹ, komavọ wo rhe vwo bru uvwe cha? 15Ẹkẹvuọvo Jesu da ta kẹ nẹ, Jọ dia ọtiọye; rere emu na ejobi vwọ gba ọ da rhọvwe kẹ. 16Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo. 17Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Currently Selected:

Matiu 3: UBV77

Highlight

Copy