Luk 13

Kurhẹriẹ eyẹ gbe Ghwu

1Evo hẹ etiyin vwẹ ọke yena ri gbe ikun rẹ ihwo ri Galili kẹ ri Pailet vwẹ ọbara rayen gua izobo ze. 2Ọ da kpahe kẹ ayen, We rori nẹ ihwo ri Galili nana ri me ru imwemwu nọ ihwo ri Galili ejobi, fikiridie ayen reoja ọtiọna? 3Me ta kẹ wẹ, Ẹjo, ẹkẹvuọvo jokpa nẹ we kurhẹriẹ ovwan je ghwọrọ ọtiọye rhe. 4Eyẹ ihwe gbẹ ẹrenre yena rẹ ọguan ri Sailọm she teye ghwu na, we rori nẹ e ma dia igburhi nọ ayen ejobi re dia Jerusalẹm na? 5Me ta kẹ wẹ, Ẹjo, ẹkẹvuọvo jokpa nẹ we kurhẹriẹ ovwan je ghwọrọ ọtiọye.

Itẹ rẹ Urhe rẹ Owe ro Jẹmọ na

6O de kpe itẹ nana. Ọshare ọvo da kọn owe phihọ ogba ri vain rọye; ọ da rhe rhe guọnọ ubi vwẹ enu rọye ọ gbe mrẹ ọvuọvo-o. 7Ọ da ta kẹ ohwo rọ rhuẹrẹ phihọ vain na, Nighe, Etiyin ikpe erha re Me guọnọ uhi vwẹ enu rẹ owe nana, mẹ mrẹ ọvuọvo-o. She kufia; die orhuoghi rọye vwo m iovwi otọ na? 8Ọ da kpahe kẹ, Yan jovwo enukpe na tavwe, ọrovwovwe, re mi bru otọ kẹ re e ku erhurhu phihọ. 9Ọ da mọ emamọ vwẹ ukpe rọ cha yẹ o yoma; ẹkẹvuọvo ọ gbe mọ-ọ, ku wo se she teye otọ.

Esivwi Aye rẹ Okpono vwẹ Ẹdidjala

10Asakiephana ko yono vwẹ sinagọg ọvo vwẹ ẹdidjala. 11Aye ọvo hẹ Etiyin rọ honvwa ikpe ihwe gbẹ ẹrenre re; o de sa uke ọ gbe sa riẹn oma rọye-e. 12Ọke ri Jesu vwọ mrẹ, o de se ọ da ta kẹ, Aye, e sivwi uwe nẹ ehonvwo wẹn. 13Ọ da ghwẹ obọ kpahọ, siẹvuọvo na ọ da ghwa kpovi, o de jiri Ọghẹnẹ. 14Ẹkẹvuọvo ilori ri Sinagọg na, rẹ ivun miovwẹ fikiridie Jesu sivwiri vwẹ ẹdidjala, da ta kẹ ihwo na, Ẹdẹ esan ọye ihwo vwo ru iruo, yanrhe vwẹ ẹdẹ yena re e sivwi uwe, ọ dia ẹdidjala na-a. 15Etiyin Ọrovwohwo da kpahe kẹ, Ovwan imemesi na! Ovwan ohwo ọvuọvo rha rhan erhuẹn eyẹ ekẹtẹkẹtẹ rọye nẹ urhuẹ-ẹn, we mi suo ra da ame? 16O rhe fo kẹ aye nana, ọmọtẹ rẹ Ebraham na, rẹ Idẹbono gbare ikpe ihwe gbẹ ẹrenre na, ra rhan nẹ ifi vwẹ ẹdidjala na? 17Rọ vwọ ta ọnana re oma da vo ukọn rọye, ihwo na ejobi da ghọghọ fiki rẹ emu rẹ urinrin ro ruru na.

Itẹ rẹ Ubi rẹ Uyerhie na

(Matiu 13.3t-32; Mak 4.30-32)

18Ọ da ta, Kidie a vwẹ uvie rẹ Ọghẹnẹ vwo dje? Kidie re họherọ? 19Ọ họhọ ubi rẹ uyerhie rẹ ohwo reyọre ọ da kọn phihọ udju rọye; ọ da djẹ rhi hirhe phihọ okpurhe, emephran rẹ obenu da rhe bọn ẹho phihọ abọ rọye.

Itẹ rẹ Iphuephu na

(Matiu 13.33)

20Ọ da rhoma ta, Kidie re họhọ uvie rẹ Ọghẹnẹ? 21Ọ họhọ ọko erha rẹ aye phare mu chere, o de rhi phu tuturutu.

Anurhoro Ọhwahwa na

(Matiu 7.13-14, 21-23)

22Ọ da yanran wan irho vẹ ẹko, o yono, jọ yan hirhe opharo ku Jerusalẹm. 23Ohwo ọvo da ta kẹ, Ọrovwohwo, imihwo tutuno re cha rhọ vwọ? Ọ da ta ke ayen, 24Pharhe re wọ sa ro anurhoro ọhwahwa na; kidie buebu, me ta kẹ wẹ, re cha guọnọ ro yẹ ayen sa ruọ-ọ. 25Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e. 26Etiyin ku wo che muhọ ẹta, Avwanre rere avwanre dare vwẹ irharo wẹn, wo ji yono vwẹ irhuvwu rẹ avwanre. 27Ẹkẹvuọvo ko ta, Me ta kẹ wẹ, Me riẹn asan wo nurhe-e; bi nẹ uvwe oma, ovwan ihwo ejobi ri ruẹ orukuruku. 28Kẹ etiyin wọ da viẹ wọ da reako wẹn, vwẹ ọke wọ da mrẹ Ebraham kugbe Aizik kugbe Jekọp kugbe emraro na ejobi vwẹ uvie rẹ Ọghẹnẹ ra da djẹ ekpuyovwi rẹ ovwan ro otafe. 29Ihwo ki nẹ obaro ọnre rhe vẹ obuko ọnre te obọhwẹre ọnre te obọrhe ọnre, ki che tidia vwẹ udoemu vwẹ uvie rẹ Ọghẹnẹ. 30Nighe, ihwo re ka uko cha karo, e re karo cha ka uko.

Jesu muomahọ kẹ Jerusalẹm

(Matiu 23.37-39)

31Vwẹ unọke yena dẹn na Farisi ẹvo da rhe, e da ta kẹ, Yanran nẹ etinẹ, kidie Herọd che hwe we. 32Ọ da at kẹ ayen, Yanran ra ta kẹ urhirako yena, Nighe, me djẹ idẹbono mi sivwẹ nonẹ kugbe odẹ rọ cha, ẹdẹ rerha yẹ iruo mẹ reri. 33Dede na mi kpo obo me ra nonẹ kugbe odẹ rọ cha kugbe ẹdẹ rọ kpaherọ; kidie a sa ta nẹ ọmraro ghwu nẹ Jerusalẹmu-u. 34E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn. 35Nighe, a sen uwevwi rẹ ovwan. Me ta kẹ wẹ, wọ gbe cha mrẹ vwẹ-ẹ bẹsiẹ wọ vwọ ta, Ebruba kẹ ọ rọ cha vwẹ odẹ rẹ Ọrovwohwo na.

Currently Selected:

Luk 13: UBV77

Highlight

Copy