Markusna Enjil 2
2
Bag. 2.
1Wide Kafrinahumir owittiged tosum ugrosi werin aharro. Gijirsan ter ka werror engi. 2Tenna watten digrichi weri bod sug targi kagi eyegrossan, babki kusarki marosranbokon. Werertongon ahutbetidirsum.
3Wide tennai targi sowibul wekki, kemis kagrangon, attatirsan. 4Wide tekk abidi eskergi bawtanmendangi iyiros, jemana digrikaneged, kana habikagi dawlos ter dabusinn agarro, wide odilgi tenna angareged shugudi tenn owollo uskursan.
5Yesu tinna imangi nalos sowibulgi wetirsum: „Anna tod, enna zenbichi ekki gafrebutirran.“ 6Abajilirton weri mandori esan tegos. 7Tinnewertichigodon awesan: „Won in ma ikke jedifadted abainin? Ni wer eske zenbichigi gafren, arti agudeg anmenkin?“ 8Tenna saayen Yesu hisesum tennewertigi, tiri ikke tinnewertichir awesangi. Tirgi wetidirsum: „Ir ma inn achir ikke ajileru? 9Edi saï shorore? Sowibulgi wetirar: ‚Enna zenbichi gafrebutirran’ an? Wala wetirar: ‚Imbel, enna angaregi injed talos’ an? 10Ama irgi iyirw an zolna tod gudragi ariddogor kongi, zenbichigi gafradti — “ sowibulgi wetirsum: 11„Ekki awetirrin, imbel, enna angaregi sok injed enna kagir talos.“ 12Tenna saayen imbolos wide tenna angaregi sok injed malen owollo belsum. Male wide ajibos, artigi mejidti tiros, wesan: „Kidir ini galigki ar nalkomnun.“
13Wide owittiged essin garkir belsum. Wide jema kamil tekk abidi tangad, ter kurkidirsum.
14Ter nogbungon nalsum Lawi Halfana todti, makiski aarann agarro agingon. Tekki wetirsum: „Aigi tebae.“ Tekkon imbel tebaesum.
15Yesu Lawina kar dabungon mekisn idirton wide zenbikonirton digrichi weri targi Yesugon tenna hiranigodongon kaler tegsan. Mine digrichi weri tiddeton tekki tebaed tasan. 16Ama abajili weri Farisichirton tekki mekisn idigon wide zenbikonigodongon akalingi nalos, tenna hiranigi wetidirsan: „Won mine ter akalin wide anin mekisn idigon wide zenbikonigodongon?“ 17Yesu ingi gijredirgi wetidirsum: „Afyadkoni tabibki akashminan, odilig anmenkin. Ai takomnim adeligi uwetidirri an, ama zenbikonigi.“
18Hanana hiranigon wide Farisichigon dertigi aïnjisan. Targi tekki wetirsan: „Hanana hiranigon wide Farisichigon ma dertigi aïnjiran. Enna hirani ma dertigi aïnjimendan?“ 19Yesu tirgi wetidirsum: „Won erkenekolna tiwrichi dertigi aïnjirana, erkenekol tirgodon engon? Erkenekol tirgodon danna mishengi eske dertigi injimnan. 20Ama ugrosi weri bitaran, tedder erkenekol tinnaiton bisoketakkin. Mani wattigi dertigi binjikandan.“
21„Won wekkon kade erna guda wekki anijmunum kade kursel werro. Mine kade er kurselgi ared bidigrin. Urbirkon owoldin dogor bikosanin. 22Wala zol wer hamur er wekki girba kursel werro agiwundurmunum. Mine hamur er girbagi biwachirin. Hamurkon bibogin. Girbagon binefakiyanin; Ama hamur erki girba erro agiwundurran.“
23Samtergon guchin bareged talebusum. Tenna hirani ilena sornigi taleburangon merka jigidka ufos kalarki ugudisan: 24Farisichi tekki wetirsan: „Uru, tir ma samter hilemeningi aawran?“ 25Tirgi wetidirsum: „Kidir geryekomnun Dawud awsingi, hajergi wide origsin kello, tekkon wide tekkodon daligon? 26Mine Abyasar fegirina samil dulna ugrosir, artina kar torgi kal gendibulgi kalsum, tenna kale fegiri agudechigi hilebutidirsingi. Wide tekkodon daligon tidirsum.“ 27Yesu wide wetidirsum: „Samte zolna joro teran awtakkisum. Wala zol samten joro awtakkikomnum. 28Ikkegon zolna tod ter samtena tir teran.“
Currently Selected:
Markusna Enjil 2: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
