Matana Enjil 28
28
Bag. 28.
1Samten agabir, jumana ugros koyaldir, fejirkodon, Meryem Majdaliyagon, wide Meryem owittigon tasan, tegi nalw an. 2Teddo wide aridna kerkerar dul wer ta nogsum. Mine artina malaika wer simerton shugur targi kulugi tena babdogorton gergijos wide tendogor tegossum. 3Tenna koigon barig galg esum. 4Tenna kadegon aroy esum telij nawite. Tenna sarkeged tegi harsedagili kerkerrigi dibuli galganossan. 5Malaika ecchi owingarigi wetidirsum: „Sarkimenwe! Mine ai iyirburin ir Yesu solitakkelgi akashrungi. 6Ter indomnum. Ter imbolossum, ter wesin nawite. Ta soli nalwe ter businn agarki. 7Ir wide shutte jurgi tenna hiranigi wetidirwe ter imbolossingi diarroton. Ahan tekkon inn owolgi barin Jelilgir. Mando iri tekki binallun. Ai irgi ahan wetidirossim.“ 8Tiri wide terton shutte, sarkeged wide guratti dul wekked, bolos bodsan, tenna hiranigi wetidirw an. 9Tiri juburangon Yesu tirgi abidirgi wide wesum: „Salam alekum.“ Tiri wide tale torgi tenn osichirton morogred wide sejdetirsan. 10Yesu tirgi wetidirsum: „Sarkimenwe! Jurgi ambesigi wetidirwe: ‚Jelilgir juw’ an. Teddogon tir aigi binallan.“
11Tir juburangon aharserelirton weri mediner targi fegirina samli duligi wetidirsan ta nogel malegi. 12Tir wide samligodon jamos, wide ittiwrigodon urki digros, askarigi dugu digri wekki tidiros, 13wetidirsan: „Wewe: ‚Tenna hirani ugugi targi, ari nerburungon, mag injessan.’ 14Ingon wali gijrekkin, ari tekki bibeddirun irgi wer durmeningi.“ 15Tir wide dugugi ared tirgi wetidirsan nawre wesan. In weregon Yahudichin ulugki eyegredagin olongunbokon.
16Ama hirani diminde weri Jelillo, jebel Yesu tirgi amintidirsinder tasan. 17Tir wide tekki nalos sejdetirsan. Ama tiddeton weri mursigredagsan. 18Yesu wide talin torgi tirgodon bain wesum: „Gudra male aigi tirtakossum, simergon wide ariddogorgon. 19Ir wide tale jurgi uma malegi kurkidi wide kidirirwe abon eriged wide toddiged wide newerti gadisebuldiged. 20Wide kurkidirwe, ai irgi wetidirsin malegi morogirw an. Ahan aigon irgodon erin ugros malegi, wide alamna bajarbokon.“
Bajsum.
Currently Selected:
Matana Enjil 28: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
