Matana Enjil 23
23
Bag. 23.
1Yesu wide jemachigon tenna hiranigongi bain wetidirsum: 2„Musena kursin dogor abajiligon wide Farisichigon tegsan. 3Irgi hafadew an wetidirran malegi hafadoswe, wide tekked awgongenwe. Ama tinna awdigi awmenwe! 4Mine tiri aweran, wala aawminan. Mine tiri gumri dulorigi adigdigran, binjitakkimeniligi. Wide zolina ketfin dogor akujurran, won tiri suba wekked guyigrarki awerismendangon. 5Awid male awrangon aawran, zoligi uruw an, wide hijabigi bojogirrangon wide tinna kade chin a ewigi nosogirrangon. 6Wide azumachir agari owoldichigi awerisran wide jamachir urkanegi akashran. 7Widegon salamigi sugir adollan. Wide zoli tirgi: ‚Wo tirtiehiy an’ uwerangi awerisran. 8Ama irgi zol wer: ‚Tir an’ uwemen agad. Mine inna tir werum. Ir malegon timbesim. 9Wala zol wekki ariddogor: ‚Ambab an’ uwemenwe. Mine intimbab werum. 10Tekkon simer dal terum. Wala zoliged ‚Arif an’ uwetakkimenwe. Mine inna arif werum. 11Tekkon komisbul teran. Inna edi dulgon inna nugdan agad. 12Tennewertigi sokelgon bishugudin. Tennewertigi shugudilgon bisoketakkin.“
13„Elekengon urmud indum, wo abajili wide wo Farisichi, koi owikoni. Mine iri simechina mulkigi zolin owolged akobrun. Wala iri atomnun, wala atoligi atowanmunun.“
14„Urmud indum, wo abajili wide wo Farisichi, koi owikoni. Mine ir teran azabachina kachigi akalili. Wide iri awerisrungi kikerunna jiradilo salagi anosogirrun. Inin jiradilo dinad edi dul inna bibagdanin.“
15„Urmud indum, wo abajili wide wo Farisichi, koi owikoni. Mine iri essigon aridtondogor agiriderun, inna tarigar zol wekki unduredirw an. Wide toroskingon, ajehenebnatodtirrun. Gir owiged indogochir akosanin.“
16„Urmud indum, wo iri akiyeli dugri, aweli: ‚Jamaged jodkin, wermunum an. Ama jamana dehebked jodil digbun an.’ 17Wo doshi wide dugri, edi saï eleken edi dul terre? Dehebo wala jama dehebki anumegril? 18Wide awerun: ‚Gojarna kuluged jodkin, wermunum an. Ama gojir tendogor kujbulged jodil digbun an.’ 19Wo doshi wide dugri, edi saï edi dul terre? Gojro wala kuluna kid, gojarki anumegril? 20Zol kuluged jodil kulugedgon wide tendogor kujbul malegedgon ajodin. 21Jamaged jodilgon tekked ajodin wide tedder agilgedgon. 22Simeged jodilgon artina arijked ajodin wide tendogor agilgedgon.“
23„Urmud indum, wo abajili wide wo Farisichi, koi owikoni, wide dimniregi aarili nanaïrton, wide yasmindoton, wide komundoton, wide awarkiyir mugsun sheriar dalna edi dulgi, hagigon rahmagon wide imangongi. Ingugi awar indogochir dan, mangi wakemendungon. 24Wo iri, akiyeli dugri, kakegi abarili, ama kamgi agolili.“
25„Urmud indum, wo abajili, wide wo Farisichi, koi owikoni. Iri, dibitegon kisibkonna bochigi aewili! Tenn aregon kabkarkon wide urumgonged kasibum. 26Wo Farisi dugur, koyalgi dibitegon wide kisibkonna aregi seregir ew. Tenna bochigon bibartebin.“
27„Urmud indum, wo abajili wide Farisichi, koi owikoni. Mine iri techi arochi galg erun, bochiged ashranbuli. Won tiri areged dielina kidted wide siyattiged wide nejasagonged eyeburan. 28Ikke teran irgon zoligi serechim an abinetidirrun. Ama inn areged koi owikaneged wide miligedgon eyeburun.“
29„Urmud indum, wo abajili wide Farisichi, koi owikoni. Mine ir terrun nebichina techigi agoili, wide salahina techigi asayidili. 30Wide awerun: ‚Ar on tinna ugrosdichi ekokrun, ari tirgodon bisawkomnun nebichina gewir.’ 31Ikke iri innewertichin dogor ashehederun, ir inna kidir nebichigi berelin affichi terrum an. 32Ikke iri imbabina asedigi aeyegirrun. 33Wo āyachi, wisi dugurna affichi, minegon bidosrun dinad jehenebdirton? 34Inna jiradilo teran ai anna kidir irgi aïshintidirrin nebichigon, kurbuligon, wide abajiligongi. Tiddeton bagidti ir bibeirrun wide bisoligrirrun. Wide bagidton inna jamachir bitukirrun. Wide biturirrun medine werroton medine owittigir, 35indogochir ta bog an gew salahindi ariddogor bogel malegi, Habilna gewirton Zakariya Barakiyana todir junbokon, ir tekki besunna tirti jamagon wide gojarna kulugonna barer. 36Aleged irgi wetidirrin, in male in jiln idin dogor bitanogin.“
37„Wo Urushalim, wo Urushalim, er nebichigi abel, wide ishinbuligi kuluged akuyiril! Gir mukkottekki ai enn affichigi jamegrarki werissire, darbad tenna farahigi tenn awrin togor ajamegrin nawre? Ama er birigkomnum. 38Ahan inna kachi harabachiyan irgi bikewidtidirran. 39Mine ai irgi wetidirrin, elekenton ir aigi binalmunun, irkolan werunbokon: Barkebun artin eriged bital an.“
Currently Selected:
Matana Enjil 23: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
