Hanana Enjil 20
20
Bag. 20.
1Jumana ugros koyaldir Meryem Majdaliya fejirroton, masilna belarn owollo, tenai targi uru nalsum kulu gergijbungi ten agilloton. 2Bod rejae tasum Butrusnai wide hiran owitti Yesu adolsinnai. Wide wetidirsum: „Anna tirtigi injessan. Wala aïyirmunun sayer uskursangi.“ 3Butruskon wide hiran owittigon belligi tenai tasan. 4Owingarigon ittiwrigodon bodbusan. Ama hiran owitti Butruski nogirgi tenai owolgir tasum. 5Wide suriye uru nalsum kefeni burangi. Ama ter tokomnum. 6Tenna aharro Siman Butrus tekki tebae ta ten tur tosum. Wide uru nalsum kefeni burangi. 7Mendil tenna urdogor kujbuel kefenigodon bukomnum. Ama garrigi agar werro agudan busum. 8Mani wattigi hiran owitti, koyallo tarel, tekkon tēr tosum. Wide nalos amnesum. 9Mine tiri elgon kitabki iyirbukomnan: ‚Dielin barerton bimbelingi lezmebun.’ 10Hirani owingari tinna agarkir rejae bujusan.
11Ama Meryem tenai kute tebsum, oyingon. 12Wide ter aoyingon tēr suriyesum. Teddo nalsum malaika owigi kade aro wekki degedagrangon, wekkon urnai, owittigon osichinai, Yesuna jita businn agarro. 13Tekki wetirsan: „Wo en, er ma oyin?“ Tirgi wetidirsum: „Anna tirtigi injessan, wala aïyirminim sayer uskursangi.“ 14Ingi weros aharkir lefte urusum Yesu kute tebingi. Ama ter iyirbukomnum Yesu ter esingi. 15Yesu tekki wetirsum: „Wo en, er ma oyin? Nigi er abirgin?“ Man tenna wattir tekki jenaini term anagsum. Wide wetirsum: „Wo anna tirti, er on tekki inj ekokin, aigi weden uskursinn agarki. Ai wide tekki binjedrin.“ 16Yesu tekki wetirsum: „Merye!“ Man aharkir dire wide wetirsum: „Rabuni!“ — wo fegir ane teran. 17Yesu tekki wetirsum: „Aigi kumimen. Ai elgon abonai kujkomnim. Ama ambesinai jurgi wetidir ai ann abogir wide inna abogir kujburingi, anna artinai wide inna artinai.“ 18Meryem Majdaliya targi hiranigi wetidirsum: „Ai artigi nalsim wide aigi wedensum in weregi.“
19Man sharena tur, jumana ugros koyaldir, hirani jamebusanna agarna babi kobijbusan, Yahudichina sarkeged. Yesu targi seler kute tebos wide wetidirsum: „Gendar indogochirum.“ 20Ingi werosirgi tenna ichigon wide tenna berigongi amnirsum. Hirani guresan Yesugi nalos. 21Yesu owittiged wetidirsum: „Gendar indogochirum. Aigi abo ishinsin nawre aigon irgi aïshinirri.“ 22Ingi weros ufos wide wesum: „Newerti gadisebulgi arwe! 23Ir zenbigi gafretirranna tirtigi bigafirtakkitirin. Won morogirtirrunna tirtigi bimorogirtakkitirin.“
24Ama Tuma, diminde owirton wer, Tawam an aweran, dakomnum Yesu tasinna wattigi. 25Hirani echeli tekki wetirsan: „Ar Yesugi nalsun.“ Tirgi wetidirsum: „Ai on tenna ichir musmarin agarki nalmenkirin, wide anna sobagi musmarin agarro undurmenkirin wide anna igi tenna berir undurmenkirin, amnemnim.“
26Ugros idun aharro hirani arer esan. Tumagon tirgodon esum. Babi kobijburangon Yesu targi wide seler tebsum. Wide wesum: „Gendar indogochirum.“ 27Tumagi wide wetirsum: „Atta enn igi indogir. Widegon anna ichigi nal. Wide enna igon atta anna berir undur. Wala imankiyanmen, ama imankolan.“ 28Tuma rude wetirsum: „Anna tir wide anna arti!“ 29Yesu tekki wetirsum: „Er aigi nalos amnesum, wo Tuma. Barkeburan aigi nalmen amneleli.“
30Ayachi digrichi ingun masir Yesu awsum tenna hiranin owollo. In kitabir bajtakkikomnan. 31Ama ingu bajtakkisan, irgi amnew an Yesu ter komisbul, artina tod, ter engi. Widegon ir on amnekrun, tenn eriged ayar bindanin.
Currently Selected:
Hanana Enjil 20: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
