SALMOS 3
3
Tutamanta Diosta mañanamanta
David paipac churi Absalonmanta miticushpa ricushpami cai Salmota ruhuarca.
1¡Mandac Dioslla, ñucata
piñaccunaca yallitami mirarishca!
Taucacunami ñucata llaquichingapac
shayarincuna.
2Taucacunami ñucataca: «¡Diosca
paitaca mana quishpichingachu!»
nincuna.
3Ashtahuanpish Mandac Dioslla,
escudo shinami ñuca muyundita
jarcangui.
Canca sumaimana cushichicmi cangui.
Ñuca umata alzachishpa
sinchiyachicmi cangui.
4Ñucaca caparishpami
Mandac Diosta mañarcani.
Chaitaca paipaclla
urcumantami uyarca.
5Ñucaca sirirircanimi,
sueñurcanimi.
Mandac Dios ñucata cuidacucpimi,
cayandi riccharircani.
6Ñucata piñaccuna ñuca muyundita
huaranga huaranga shayaricpipish
mana manchanichu.
7¡Mandac Dioslla, jatariyari!
¡Ñuca Dioslla, quishpichiyari!
Canmi ñucata piñaccunataca
jazapi huactarcangui.
Canmi millaita ruhuaccunapac
quiruta paquircangui.
8Can Mandac Diosmi quishpichic cangui.
¡Can acllashcacunata bendiciaiyari!
Currently Selected:
SALMOS 3: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
