SALMOS 4
4
Chishicuna Diosta mañanamanta
Cantaccunata pushac cuerdayuc tocanacunahuan cantachichun David ruhuashca Salmomi.
1¡Cashcata ruhuac Dioslla, ñuca
caparishpa mañashcata uyaiyari!
Canmi ñuca llaquihuan cacpica,
cushichircangui.
Ñucata llaquishpa,
ñuca mañashcata uyaiyari.
2Huañuclla runacunalla,
¿ima horascamantac
imapish yanga llulla dioscunata
mashcashpa, ñucata
yangapi churanguichiclla?
¿Maicamantac yanga causaillata,
llullanallata mashcanguichic?
3Mandac Dios paita yuyaricta
paipaclla cachun acllashcataca
yachaichicyari.
Ñuca paita caparishpa mañacpica
uyangallami.
4Paipac ñaupapi chucchuichicyari,
ama ashtahuan juchallichicchu.
Camapi siririshpa shungupi
upalla tucushpa yuyarichicyari.
5Cashcata ruhuashpami,
animalcunata Diosman cushpa
huañuchina canguichic.
Diospi shunguta churaichicyari.
6Taucacuna rimashpaca: «¿Pitac
allita ruhuashpa ricuchingayari?»
nincunami.
Mandac Dioslla, cambac ñahuihuan
ñucanchicta achicyachiyari.
7Canca paicuna achca granota,
vinota japishpa cushicushcamanta
yallimi ñucataca
shungupi cushichingui.
8Can Mandac Diosmi ñucataca
imatapish mana manchashpa
causachun ruhuashcangui.
Chaimantami cushilla
siririshpa sueñusha.
Currently Selected:
SALMOS 4: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
