Yohane 8
8
KHAOLO 8.
1MI Yesu a ea kua thabeñ ea Olefa.
2Mi a ba a tla ka go sale mosho mo tempeleñ, mi bathu botle ba tla go ena, mi a lula, a ba ruta.
3Mi bakuari le Bafarisai ba lere mosari go ena, eo o cueroeñ mo khokahaloñ.
4Mi ka ba sina mo emisa ha gare, ba mo raea, Moruti, mosari eo, o cueroe a sale hela mo khokahaloñ.
5Mi Moshe o re laotse mo molaoñ ha ba bantseñ yalo ba khobotlerioe ka maye. Mi uena ua reñ?
6Mi yana ba bua yalo ba mo raela, gore ba ne le se ba mo pateletsañ ka shona. Mi Yesu a inama, mi a kuala ka monuana mo mbuñ.
7Mi ka bantse ba motsa a ikinamolola, mi a ba raea, Eo o sinañ boleo mo go lona, a a mo konope ka leincue ya ntla.
8Mi a ba a inama, mi a kuala mo mbuñ.
9Mi yana ka ba utlua ye, mi ka ba itsisicoe rure mo ligakoloriñ tsa bona, ba coa, moñue le moñue, ba simolola ka eo mogolu, le go oa bohelo; mi Yesu a tlogeloa a le esi, le mosari a eme ha gare.
10Mi Yesu ka a ikinamolola, mi a si ka a bona ope ha e si mosari; a mo raea, Mosari, basekisi ba gago ba kae? A ga go ope eo o gu sekisitseñ?
11Mi a re, Ga go ope, Morena. Mi Yesu a mo raea, Le ’na, ga ki gu sekise. Ea, mi u si tlole u leoha.
12¶ Mi Yesu a ba a bua nabo, a re, Ki ’na leseri ya lehatse; eo o ’ntsalañ morago ga a kitla a tsamaea mo hihiñ, mi o tla na le leseri ya botselo.
13Eriha gona Bafarisai ba mo raeañ, Ua shupa ga gago; cupo ea gago ga e amarure.
14Yesu a araba, a ba raea, Leha ki shupa ga me, cupo ea me ki amarure; gone kia itse kua ki coañ gona, le kua ki eañ gona; mi lona ga lo itse kua ki coañ gona, le kua ki eañ gona.
15Loa sekisa kaha nameñ; ga ki sekise ope.
16Mi leha ’nko ki sekisa, tsekisho ea me ki amarure; gone ga ki ’nosi, mi ’na le Rra eo o ’nthomileñ.
17Mi le gona go kuariloe mo molaoñ oa lona, Cupo ea bathu ba tu e le amarure.
18Ki ’na eo ki shupañ ga me, mi Rra eo o ’nthomileñ oa shupa ga me.
19Eriha gona ba mo raeañ, Rago o kae? Yesu a araba, Ga lo ’nkitse, le Rra ga lo mo itse; Ha lo lo ’nkitse, le ena Rra lo ko lo mo itsile.
20Yesu a bua mahuku a ha letluleñ ya lohumo, ka a ruta mo tempeleñ; mi go si ope eo o mo cuarañ, gone oura oa gague o e si o tle.
21Eriha gona Yesu o bañ a ba raea, Kia ea, mi lo tla ’mpatla, mi lo tla shuela mo libeñ tsa lona, mi kua ki eañ gona, ga lo kake loa tla gona.
22Eriha gona Bayuda ba reñ, A o tla ipolaea, gone a re, Kua ki eañ gona, ga lo kake loa tla gona.
23Mi a ba raea, Lona, lo ba tlatse, ’na, ki oa gorimo; lona, lo ba lehatse ye, ’na, ga ki oa lehatse ye.
24Ki gona ki lo reileñ, lo tla shuela mo libeñ tsa lona. Gone ha lo sa rumele ha ki le ena, lo tla shuela mo libeñ tsa lona.
25Eriha gona ba mo raeañ, U mañ? Mi Yesu a ba raea, E sale eo ki mo lo buleletseñ mo tsimologoñ.
26Ki na le lilo lintsi go bua, le go sekisa ga lona; mi eo o ’nthomileñ, e le oa amarure, mi lilo tse ki li utluileñ go ena, ki cona tse ki li buañ mo lehatsiñ.
27Ba si ka ba tlaloganya ha a bua nabo ga Rra.
28Eriha gona Yesu o ba raeañ, Etlare lo sina tlatlosa Moroa mothu, eriha gona lo tla itseñ ha ki le ena, mi le gona ga ki rihe sepe ka ’nosi, mi ki bua lilo tse yaka Rre a ’nthutile.
29Mi eo o ’nthomileñ o na le ’na. Rra ga a ’ntlogele ’nosi, gone kia riha ka gale se se mo khatlañ.
30Mi ka a bua yalo, bantsi ba rumela mo go ena.
31Eriha gona Yesu o raeañ Bayuda ba ba rumelañ mo go ena, Ha lo nna mo hukuñ ya me, lo tla bo lo le barutoa ba me ba amarure.
32Mi boamarure, lo tla bo itse, mi boamarure bo tla lo golola.
33¶ Ba mo araba, Re losika loa ga Aberahame, mi ga re e si re ke re ne batlañka ba ga ope; Mi ua reñ, Lo tla gololoa?
34Yesu a ba araba, Amarure, amarure, kia lo raea, Moñue le moñue eo o leohañ, ki motlañka oa boleo.
35Mi motlañka ga a ne mo tluñ ka bosina bokhutlo, mi Moroa o na ka bosina bokhutlo.
36Ki gona ha Moroa a tla lo golola, amarure lo tla gololoa.
37Kia itse ha lo losika loa ga Aberahame; mi lo batla go ’mpolaea, gone huku ya me le sina bonno mo go lona.
38Ki bua se ki se bonyeñ mo go Rre, mi le lona, loa riha se lo se bonyeñ mo go rra enu.
39Ba araba, mi ba mo raea, Aberahame ki rra ecu. Yesu a ba raea, Ha lo le bana ba ga Aberahame, lo ko lo riha litiho tsa ga Aberahame.
40Mi yana lo batla go ’mpolaea, mothu eo o lo buleletseñ boamarure yo ki bo utluileñ mo Morimoñ: Aberahame o la a sa ka a riha yalo.
41Lo riha tiho tsa rra enu. Eriha gona ba mo raeañ, Ga rea tsaleloa mo khokahaloñ. Re na le rra o moñue hela eboñ Morimo.
42Mi Yesu a ba raea, Ha Morimo e le Rra enu, lo ko lo ’nthata, gone ki rule mo Morimoñ, mi ki tlile; gone le ’na ki sa itlela, mi ena o ’nthomile.
43Ana lo sa tlaloganyetseñ puo ea me? era gone lo sa kake loa utlua lehuku ya me.
44Lo ba diabolo rra enu, mi lo rata go riha likeleco tsa rra enu. O la a le molai oa bathu le mo tsimologoñ, mi a si ka a ema mo boamarureñ, gone go sina boamarure bope go ena. Ha a bua kako, o bua ga gague, gone e le ena kako, le rra eona.
45Mi ’na, gone ki lo bulelela boamarure, ga lo ’ntumele.
46Ki ohe oa lona eo o ka shupañ ga me ga boleo? Mi ha ki bua boamarure, ga lo ’ntumeleleñ?
47Eo e leñ oa Morimo, oa utlua mahuku a Morimo, ki gona lo sa utlueñ, gone ga lo ba Morimo.
48Mi Bayuda ba araba, ba mo raea, A ga re bue ka go siameñ, U Mosamaria, mi u na le modemona?
49Yesu a araba, Ga ki na modemona, mi ki tlotla Rre, mi lona lo ’ntlosa tlotlo.
50Mi ga ki batle khalalelo ea me; moñue o gona eo o batlañ, le eo o sekisañ.
51Amarure, amarure, kia lo raea, Leha e le mañmañ eo o tla bulukañ huku ya me, ga a kitla a bona loshu ka bosina bokhutlo.
52Eriha gona Bayuda ba mo raeañ, Yana rea itse ha u na le modemona. Aberahame o shule, le baperofeti, mi a ua re, Leha e le mañmañ eo o bulukañ huku ya me, ga a kitla a utlua loshu ka bosina bokhutlo?
53A u mogolu go Aberahame rra ecu eo o shuleñ? le baperofeti ba shule; u itiha mañ?
54Yesu a araba, Ha ki ikhalaletsa, khalalelo ea me ga si sepe; Rre, ki ena eo o ’nkhalaletsañ, eo lo reñ, ki Morimo oa lona.
55Mi ga lo mo itse; mi kia mo itse; mi ekare ha ki re, Ga ki mo itse, ’nkabo ki cuana le lona, ki le moaki; mi kia mo itse, mi ki buluka huku ya gague.
56Aberahame rra enu o la a tlologeleloa ka boitumelo gore a bone tsatsi ya me, mi o la a le bona, mi a itumela.
57Eriha gona Bayuda ba mo raeañ, ga u na linyaga li faevte, mi a u bonye Aberahame?
58Yesu a ba raea, Amarure, amarure, kia lo raea, Pele Aberahame a e si a tsaloe, Ki leo.
59Eriha gona ba culetsañ maye go mo khobotletsa ka aona; mi Yesu a icuba, mi a coa mo tempeleñ, a ralala gare ga bona, mi a heta yalo.
Currently Selected:
Yohane 8: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
