Yohane 7
7
KHAOLO 7.
1MORAGO ga lilo tse Yesu a tsamaea mo Galilea; gone a gana go tsamaea mo Yuda, gone Bayuda ba batla go molaea.
2Mi yana moriho oa metlagana oa Bayuda oa bo o le gauhe.
3Eriha gona bomonnaue ba mo raeañ, Coa monu, mi u ee kua Yuda, gore barutoa ba gago le bona ba bone tiho tse u li rihañ.
4Gone ga go ope eo o rihañ señue mo bosaitsioeñ, mi ena ka esi a batla go itsioe mo ponatsegoñ. Ha u riha lilo tse, iponatse lehatsiñ.
5Gone bomonnaue le bona ba sa rumele mo go ena.
6Ki gona, Yesu a ba raeañ, Motla oa me ga o si o tle; mi motla oa lona oa bo ontse o etlericoe.
7Lehatse ga le kake ya lo ila; mi ’na, lea ’nkila, gone ki shupa ga yeona ha tiho tsa yeona e le boshula.
8Eañ kua morihoñ, ga ki ee kua morihoñ, gone motla oa me, ga o e si o rihege.
9Mi ka a sina bua lilo tse nabo, a tlola mo Galilea.
10¶ Mi ka bomonnaue ba sina ea, eriha gona le ena o eañ kua morihoñ, esiñ ka ponatsego, mi ekete ka go sa itsioeñ.
11Eriha gona Bayuda ba matlañ mo morihoñ, mi ba re, O ha kae?
12Mi gabo gole ñoñorego e kholu mo bathuñ kaga gague; gone bañue ba re, O molemo; mi ba bañue, ba re, ’Nya; o tsietsa bontsi.
13Leha gontse yalo, gabo go si ope eo o buañ kaga gague mo bathuñ ka ntla ea poiho ea Bayuda.
14¶ Mi yana ka e le ha gare ga moriho Yesu a tsena mo tempeleñ, mi a ruta.
15Mi Bayuda ba gakhamala, ba re, Monona eo, o itse likualo yañ, ka a sa li rutoe?
16Yesu a ba araba, mi a re, Thuto ea me, ga si ea me, mi e le ea eo o ’nthomileñ.
17Leha e le mañmañ eo o ratañ go riha thato ea gague, o tla itse ga thuto, ha e le ea Morimo, leha ki bua ga me.
18Eo o buañ ga gague ka esi, oa batla go itlotla; mi eo o batlañ tlotlo ea gague eo o mo romileñ, eo ki ena oa amarure, mi ga go tsiamololo epe mo go ena.
19Moshe a ga a lo naea molao, mi ga go ope oa lona eo o bulukañ molao? Lo batlelañ go ’mpolaea?
20Mi bontsi yoa araba yoa re, U na le modemona, u batloa emañ go gu bolaea?
21Yesu a araba, a ba raea, Ki rihile tiho ñue mi lotle lo gakhamarioa ki eona.
22Ki gona Moshe o la a lo naea boguera, esiñ gone e le yoa ga Moshe, (mi bo coa mo go bo‐rra;) mi loa isa mothu boguera ka tsatsi ya sabata.
23Ha mothu a isioa boguera ka tsatsi ya sabata, gore molao oa ga Moshe o si tloloe; a lo bogale le ’na, gone ki horisitse mothu gotle mo tsatsiñ ya sabata?
24Si sekiseñ kaha ponaloñ, mi sekisañ ka tsekisho ea tsiamo.
25Eriha gona bañue ba Yerusalema ba reñ, Eo a ga si ena eo ba batlañ go molaea?
26Mi, bonañ, oa bua ka thanolo, mi ga ba mo ree sepe. Balaori a ba itse rure, ha eo e le Keresete rure?
27Leha gontse yalo, raea itse monona eo kua o coañ gona; mi mogañ Keresete o tlañ, ga go ope eo o tla itseñ kua o coañ gona.
28Eriha gona Yesu o bitsañ mo tempeleñ ka a ruta, a re, A loa ’nkitse, mi a loa itse kua ki coañ gona? Mi ga kia itlela ka ’nosi, mi eo o ’nthomileñ o amarure, eo lo sa mo itseñ.
29Mi kia mo itse; gone ki coa go ena, mi o ’nthomile.
30Eriha gona ba batlañ go mo cuara, mi go si ope eo o melañ liatla; gone oura oa gague o e si o tle.
31Mi bantsi mo bontsiñ ba rumela mo go ena, mi ba re, Etlare ha Keresete a tla, a o tla riha licupo lintsi bogolu mo go tse, monona eo o li rihileñ?
32¶ Mi ka Bafarisai ba utlua ha bontsi bo ñoñorega kaga gague yalo, Bafarisai le baperiseti ba bagolu ba roma batlañka go mo cuara.
33Eriha gona Yesu o ba raeañ, Ki sa na le lona ka bokhutsanyane, mi kia ea go ena eo o ’nthomileñ.
34Lo tla ’mpatla, mi ga lo kitla lo ’mpona: mi kua ki gona, ga lo kake loa tla gona.
35Eriha gona Bayuda ba ranañ, Eo, o tla ea kae kua re si kitlañ re mo hitlela? A o tla ea go ba ba halaricoeñ mo Bagerikiñ, a ea go ruta Bageriki?
36Lehuku ye o le buañ, ya reñ, Lo tla ’mpatla, mi ga lo kitla lo ’mpona, mi kua ki gona, ga lo kake loa tla gona?
37Mo tsatsiñ ya bohelo, ea bo e le tsatsi ye legolu ya moriho, Yesu a ema, mi a bitsa, a re, Ha moñue a nyoriloe a a tle go ’na, a noe.
38Eo o rumelañ mo go ’na, linoka tsa metse a a tserileñ li tla elela li coa mo mpeñ ea gague, yaka likualo li buile.
39(Mi a bua yalo ga Moea, o ba ba rumelañ mo go ena ba tla o bonañ; gone Moea oa Boitsepho o lo o e si o neloe, gone Yesu a e si a galalerioe.)
40¶ Ki gona erileñ bontsi yoa bathu bo sina utlua lehuku ye, yoa re, Amarure eo ki moperofeti eo.
41Bañue ba re, Eo, ki Keresete. Mi bañue ba re, A Keresete o tla coa Galilea?
42Likualo a ga lia re, Keresete o tla coa mo losikeñ loa ga Davide, le mo motsaneñ oa Betalehema, ha Davide o la a le gona.
43Mi yalo ga na khaogano mo bontsiñ kaga gague.
44Mi bañue ba yona ba rata go mo cuara; mi go si ope eo o mo latsañ liatla.
45¶ Eriha gona batlañka ba tlañ go baperiseti ba bagolu le go Bafarisai, mi ba ba raea, Lo lo sa mo leretseñ?
46Batlañka ba araba, Ga go e si go ko go ne monona ope eo o buañ yaka monona eo.
47Eriha gona Bafarisai ba ba arabañ, Le lona a lo tsiericoe?
48A bañue ba balaori, khotsa ba Bafarisai, ba rumetse mo go ena?
49Mi bontsi yo, yo bo sa itseñ molao, bo rogiloe.
50Nikodemo (moñue oa bona, eo o la a tla go Yesu bosigo,) a ba raea,
51Molao oa rona a o sekisa mothu o e si o mo utlue pele, le go itse se o se rihañ?
52Ba araba, ba mo raea, A le uena u oa Galilea? Botsisa, u bone, gone ga go coge moperofeti ope mo Galilea.
53Mi moñue le moñue a ea kua tluñ ea gague:
Currently Selected:
Yohane 7: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
