Mareko 7

1KE ame ûkhacaköu thö kâu ta je Faresaio, me keihen hnyat sihnalimen, waleji adre me o ûhedra Jerusalema, 2ke adre me wâ keihen laten ödrin e han ö ʼdra jeû ge je hnyamödrin ae kong, wale ödrin e ca hinyem. 3Anyin ame ca han ta je Faresaio me at Juda hia, adre ne ca bödra ka hinyem wia, kʼ adre me kap hofuc vejec ûnyi ge wahingat: 4ke ûhedra hnyi hna ûcû adre me ca han, ödra ka ca bödra ka soû: ke se hia ta je ûnyi adre me kap me hom, wale he ka hneû ta je utkaia, me je kaia hnân tuluto, me je kaia bras. 5Haba ta je Faresaio me hnyat sihnalimen adre me hnö e, ka habe, Ieû ge lâtâm adre me ca hnu hoton hwakecin wahingat, wale a ödrin e han ge je hnyamödrin ae kong? 6Me e ame ha ködrin, ka habe, E so hna perofeta hnö Isaia gabun hnyat thoi hnyok, ka habe,

Haba tavat ang adre me oganö nya ge je esongodidra,

Ke ûsâkâûö mönya je hnyekudra.

7Ke ûnyi baû bi hnödra hna khudrung könya,

Kʼ adre me nâ ta je hna ûne hnen tavat.

8Öbun e hna degecâ hnanyibu anyin Khong, me kât hmâ je hna ûne hnen at. 9Haingen ame ha kodra, ka habe, Öbun hwege ka degec ut hnanyibu anyin Khong, mʼ öbun e he ka vheno hnobun je hna ûne. 10Anyin a haingö Mose, ka habe, Ogânâ kâmâm me hinyâm; ke, Haba at ame he ka haikongoâ kamen me hinyen, me adre me he ka hlingâ e: 11ke haingöbun, ka habe, Haba at ame he ka ha ka kamen me hinyen, ka habe, Haba anyik ta je ûnyi hnân hom hadruo u, me, Korabana, walang bongon, Adre me ham ka Khong; 12ke öbun e ca hna hmetu bi e he ka ânyâ ke ûnyi hobi kâu kamen me hinyen; 13wale öbun e ohia hofuc hwan Khong ge hnobun je hna ûne, waleji öbun e nâ: ke se hia ta je ûnyi helâe öbun e labö mâdrâ. 14Ke e ame hawâ hmetu tavat ae se hia, me ha kodra, ka habe, Ling nya ju öbun hia, me wâhmakhmeto: 15e ba ûnyi ûheny hnyi hoton at ame dit ka hnyi hnyekon, ae khana he ka okongoâ e: ke haba ta je ûnyi ame didrut gan ame he ka okongoâ at. 17Ke e ame dit hmetu thö hnyin uma ai, ûheny unyin tavat ae se hia, me haba laten adre me hnö e ge ûhöûcû. 18Ke e ame ha ködrin, ka habe, Hawa, e ba minya gabun hna wâhmakhmeto? öbun e ca wâ ae ba ûnyi ûheny hnyi hoton ame dit ka hnyi hnyekon at, ae khana he ka okongoâ e? 19anyin a e ame ca dit ka hnyi oûnykûm, ke so bi ka hnyi tang tiny, me didrut ka hnyi hnyot? E ame ha helâe, me haisoâ ta je jeû hia. 20Ke haingen, ʼ ka habe, Haba ûnyi ame didrut ûheny hnyi hnyekon at, wale ame okongoâ at. 21Anyin a ûheny hnyin, wale ûheny hnyi hnyekon tavat, ame didrut je hna ûnykûme ae kong, me bi ûnyi monu, 22me venöu, me ûhlingö, me venâu âiân ke at, me benyekon, me hwakecin ae kong, me iyawö, me hwakecin ae ikiki, me ihuhnyinköu, me hwege hnyem, me hop, me hwen monu: 23haba ta je ûnyi hia eling ae kong ame dit ûheny hnyi hnyok, me ame okongoâ at. 24Ke e ame todrö ûheny e, me he ka hnyi hnyigoulen Turo me Sidona. Ke e ame dit ka hnyi ke uma, me weny adre me ca he tavat ka wâ e: ke ca khana bi he ka oiyongâ. 25Ke ame long ut ke momo ae hu nokon hlu a delec hanu ae kong, me e ame o but me ta ju hmelen li can. 26At Heleni momo, a mâtrân at Surofoinike. Me e ame sumâtâ e he ka obâ demoni ûnyi ge nokon hlu. 27Ke e ame ha ka momo, ka habe, E mē sekon dö lakon: anyin ae ca so he ka hom jeû an lakon, me khûâ ka ta je kuli. 28Ke haba momo ame thu kâu, ka habe, Eke, Than lö: haba je kuli adre me labö an hmelen laulau je kolon jeû an lakon. 29Me e ame ha ka momo, ka habe, Can hofuc e, he thö, a hia but demoni ûnyi hnyi hnyekon nokom hlu. 30Haba momo ame he but ka hnyi umen uma, me wâ wanakat ame mokut hon hna mokut, ke hia but demoni.

31Me e ame he hmetu ûheny hnyi je hnyegöulen Turo, me vheno Sidona ke ne o but hnyi köiö Galilaia, wanben je hnyigoulen Dekapoli. 32Me adre me hom but kâu at ae wejiji ke teta minya hwan; me adre me khöû kâu he ka ip hnyamen hon. 33Me e ame lelö thö e ûheny unyin tavat ae se hia, me inâ li banyen ka hnyi li hnyikonyen, me e ame hangöjâ, me kâlâ bohmen; 34ke e ame bwele thö hnyi drany ai, me mâng, me ha kâu, ka habe, Efatha, haba bongon, khong ut. 35Me ame lany jut li hnyikonyen, me ok ut toiny bohmen, me e ame fuc wisa. 36Ke e ame hûna kodra, mʼ adre me ca he bi ka omanenâ: ke haba hoton hnen hna hûna hwegiâ kodra, me helâe minya adre me hwege ka omanenâ e. 37Me adre me lâiâ gan hmâ, me ha, ka habe, E so hnen hna ânyâ hia: e ame olöngâ ta je wejiji, me ofucâ ta je hum.

Currently Selected:

Mareko 7: IAAI

Highlight

Copy