Mareko 4

1KE e ame hwân hmetu he ka ûne hnyi hobat köiö. Ke ame ûkhacaköu kâu tavat ae se hia hmonyin, me e ame ölö thö ka hnyi hon hu, me laba ju hnyi köiö: ke haba tavat ae se hia adre me laba hnyi hobat köiö. 2Ke se hia ta je hofuc e ame nʼ ödra a deny ta je ûhöûcû, me ha kodra hnyi hnen hna ûne, ka habe, 3Long ju: Wâ bi, ame he but at belök he ka jijingâ wan: 4ke e ame jijingâ me ame kolu but keihen eû hnyi baten gethen, me ame o but ta je meno ame gâ, me an dö. 5Ke ame kolu but keihen ka hnyi dok ae hudei, wale ae ca haki hnyin kânâ, me ame ie kû thö, anyin ae ca haki bi kânâ: 6ke ame o but seûno me ame le but; me mokcu, anyin ae ba iwân. 7Ke ame kolu but keihen hnyi wanben ta je ûö ae ûdedö, me ame kû thö ta je ûö ae ûdedö me takoû but, me ba ju wan. 8Ke ame kolu but keihen ka hnyi hon kânâ ae hoso, me kû thö me hlau but, me wa; me ame hu wan dut, ûsa thote, me sikste, me wan haded. 9Ke e ame ha, ka habe, Haba at ae hu hnyikonyen ka löng, löng ju.

10Ke a he but tavat ae se, me haba hnyat ödrin e tha laba mē, me hnyat minya a twelv, adre me hnö e ge bongon je ûhöûcû. 11Haingen ame ha ködrin, ka habe, Adre me ham köbun he ka wâhmakhmeto ta je ûnyi ae iyong hnyi dokhu dokhon Khong: kʼ adre me ânyâ ta je ûnyi hia hnyi ta je ûhöûcû hobi kodra eû: 12mʼ adre me he ka wâ, a wâ thibi, kʼ adre me ca wâ ûnykûme bi; ke long, a long thibi, ke ca wâhmakhmeto bi; wâ adre nye hwio thö, mʼ adre me he ka thang degecâ but anyidra ta je hulö. 13Haingen kodra, ka habe, Hawa, e ca khanʼ öbun ûhöûcû eang? ke ama kâmâu ka khanʼ öbun ta je ûhöûcû hia? 14Haba at belök ame tā hofuc. 15Haba je hna jijingâ hnyi baten gethen, me wale adre me tā hofuc hnyin; ke adre me long ut me ame ie o but Satana me hom dö hofuc adre me tā unyidra. 16Ke walang je hna jijingâ hnyi dok ae hudei, a tavat adre me long hofuc me ie kap senyinâ; 17ke ba iwân eû hnyidra, waleling mʼ adre me ca tethmâ bi; ke e ka o hlöuhlöu me ûöveci can hofuc, me adre me ie thö thö. 18Ke haba keihen wale adre jijingâ hnyi wanben ta je ûö ae ûdedö; wale tavat adre me long hofuc, 19me ame didro ta je hna ûnykûme je ûnyi eang hmeledrany, ke iyawöiny omjeû, ke behnyekon ka ta je thatûnyi, me kû takoû but hofuc, me ame ca wa bi. 20Ke walang je hna jijingâ hon kânâ ae hoso; a tavat adre me long hofuc, me kap, me hu wan dut, ûsa thote, me sikste, me wan haded.

21Ke e ame ha kodra, ka habe, Hawa, adre me hom lamepa he ka ip hnyi hmelen kumete, ame ne hna mokut, kʼ adre me ca he bi ka ip hon taben? 22Anyin ae ba ûnyi adre me ikhâlâ, a gʼ adre me ca he bi; ka omanenâ; ke ba ûnyi adre me oiyongâ a gʼ ame ca he ka he hnyi melam bi. 23Haba at ae hu li hnyikonyen, long ju. 24Ke e ame ba kodra, ka habe, Wâ wia eâu öbun ta je ûnyi öbun e long: ke haba tulut öbun e tuluto, me adre me he bi ka tuluto köbun; me adre me he ka bi hanen köbun. 25Anyin adre me he ka ham ka at ae hu gan: kʼ adre me he ka hom ge at ae ba ta ûnyi, ûnyi e ame hu.

26Ke e ame ha, kaʼ habe, E ûcû dokhu dokhon Khong me at ame khûâ je wan ka hnyi kânâ; 27kʼ ame mokut hnyi je hnyinghet, kʼ ame hmak dö hnyi ta je hnyomakatu, ke ame kû thö bâtân me beû but, ke ca khana bi bongon. 28Ke haba kânâ ame ka hamen bi okûâ jeû; ame bân bâtân, me ame vhöng ut, me biliny ka bekhöt wan hnyi hlanyin. 29Ke e ka metu but wan e ame ie inâ but hele, anyin a ûen dut menu.

30Ke e ame ha, ka habe, Ate me he ka oûco dokhu dokhon Khong me ieû? Ke ewa ûhöûcû ate me he ka oûco mē? 31E ûcû me wan sinapi, ödra ka tā hnyi kânâ, wale thibi e wan ae ûhnyûkong hmelen ta je wan hia eang hmeledrany, 32ke ödra ka hia but tā, me ame kû thö me gan hmâ but hon ta je ûö hia ae ometu, me ame vhei but je vheiny ae gan; me me khana ta je meno ethö ka tabâ hnyi hmenuiny.

33Ke se hia ta je ûhöûcû helâe e ame khetâ hofuc kodra hnyin, hoton hnödra hna khana he ka long: 34ke e ame ca fuc kodra, ke ba ûhöûcû: ke e ame ha bongon ka laten a hake ödrin ke. 35Ke hnyi bong eling hnyi sahac, e ame ha ködrin, ka habe, Otin e he ka kec ka hnyi ke keihen. 36Ke ödrin e hna but tavat ae se hia, me ödrin e kâcâ e hon hu ai. Ke tha e mē ke je hu. 37Me ame o but boûdet ae gan, ke ame khutu ta je waköiö ka hnyi hu, me ame he but ka unöngöt dö hu. 38Ke e ame mokut hon hunöng hnyi obiny hu: me ödrin e bwebwelâ e, me ha kâu, ka habe, At ûne lö, u me ca ûnykûme a otin e he but ang ka mok? 39Me e ame hmak dö me thawâ ang, me ha ka köiö, ka habe, Ca mede, ca bwebwet hmetu. Me ame hia but ang me ta but hau ae gan hmâ. 40Me e ame ha ködrin, ka habe, Ieû gabun öbun e ot? Hawa, e tiga ca hu gabun labageju? 41Me ödrin e ot gan hmâ me ûhnenamököuâ, ka habe, Ehö at ang, wale me me long kâu hnen ang me köiö?

Currently Selected:

Mareko 4: IAAI

Highlight

Copy