Jona 2
2
1ME Jona ame hic kö Iehova a Khongon eû hnyi hnyin wâ. 2Ke e ame ha, ka habe,
Oge me tenge kö Iehova hnyi anyik vec,
Me e ame thu könya;
Oge me khöû ûnyi hnyi hnyekon hedis,
Me u je long ifucik.
3Anyin u je khûö nya ka hnyi dok ae dit, hnyi wanben köiö,
Kʼ ame igigili nya hnen wekhet
Kʼ ame khutukhaûö nya hnen ânyâm je waköiö, ke ânyâm je wabulu.
4Me haingök, ka habe, Adre me hota degeci nya ûnyi hnyi hnyimâkâm;
Ke so bi, oge me he hmetu ka bwele ka hnyi umâm uma ae kap.
5A igigili nya köiö, ke ne o but ka hnyi hanu;
Ame hûlûlûö nya hnen dok ae dit;
A wadrâ bok hnen leûnen hme.
6Oge û but ka hnyi je taben je bucen;
E bi huk hmeledrany me je ohmâiny nyiele balua;
Ke so bi, Iehovah Khonguk lö, u je hia but öliâ melik ûheny û hnyi thop.
7Hnyi ûen ame momonu hanuk eû hnyik, oge me ûnykûmi Iehova:
Ke ame o but köu hijik hic ka hnyi ânyâm dok ae kap.
8Haba tavat adre me hnyok ka ta je ûnyi ae ûnyi baû me thoi,
Me adre me degec hing betenge kodra bi.
9Ke oge me he bi nya ka bi hut köu me hwan ole;
Oge me he ka thamuâ anyik khöbi.
Haba ûhomeli ûnyi ga Iehova.
10Ke Iehova ame fuc ka wâ, me e ame hmitö Jona hmetu hot ai.
Currently Selected:
Jona 2: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
