Genese 38

1KE hnyi ûen eling Juda ame he but ûnyi ge je liamekeiny më, me sâû ka ke at a at Adulama, Hira ien e. 2Ke Juda ame wâ eling ke hlu nokon ke at Kanana, Sua ien; me e ame hom e me tha e më. 3Kʼ ame erkin dut, me e ame hnokoâ da; ke e ame hwenyi ien Era. 4Kʼ ame erkin hmetu but me hnokoâ da, me hwenyi ien Onana. 5Ke e ame hnokoâ hmetu ke da minya, me hwenyi ien Sela: ke Juda e Keziba hnyi hnen hna hnokoâ. 6Ke Juda ame hok öiö Era nokon a bân, Tamara ien. 7Ke at ae kong Era noku Juda hnyi hnyimakö Iehova; ke Iehova ame hlingâ. 8Ke Juda ame ha kö Onana ka habe Laba ju ka momo âiân tuhâm, me hom e we bi mâtrâniny tuhâm. 9Ke a wâ but Onana a ga me ca he ka mâtrâniny bi; me e ame laba ka momo âiân tuhan, kʼ ame hingâlâ ka hnyi kânâ wâ e nye bi mâtrâniny tahan. 10Ke kong hnyi hnyimakö Iehova hnen hna ânyâ: me e ame hlingâ e minya. 11Ke Juda ame ha kö Tamara a ûngon, ka habe, Laba safac ju hnyi hnyaban kâmâm, ke ne o but ame gan dut Sela a tökuk: anyin a haingen, Wâ e nye mok minya ju helâ me latuhan. Kʼ ame he Tamara me laba hnyi hnyaban kamen. 12Ke se hia je bong me ame mokcu nöku Sua öiö Juda; ke ame hnyibi but Juda, me e ame he Timenatha ai ka tavat adre me subâ leûnen haleny mamoe, tha e me hanen ju Hira at Adulama. 13Ke adre me thumetu Tamara, ka habe, Wâ bi, ame he Timenatha ai ûngom ka subâ leûnen haleny ji mamoe. 14Ke e ame uny jut je ûkhaûen safac, me tube e hnen mano hnân tubi hayimak, me khaû, me e ame laba ju hnyi homagöule e Enaima hnyi gethen he Timenatha ai; anyin a e ame wâ a ga gan dut Sela, kʼ adre ca ham kâu me me âiân. 15Ke a wâ but e Juda, me ame ûnykûme a e momo hnyi gethen, anyin a hia but tube hnyimakan. 16Ke e ame saû kâu eû hnyi haten gethen, me ha, ka habe, Oge ma na he köu; anyin ae ca khana a ûngon e. Ke haingen, ka habe, Ieû ûnyi u me he ka ham könya, mʼ u me he ka he könya? 17Ke haingen, ka habe, Oge me he ka kunâ köu ke nokon got hanen hnahat meno. Ke e ame ha kâu, ka habe, U me he ka ham könya haten ke ne o but u me he ka kunâ? 18Ke haingen, ka habe, Ieû haten oge me he ka ham köu? Ke haingen, ka habe, Wale hnân ohmâ haten gam me nyingen, me uci hnyi hnyamâm. Me e ame ham kâu, me he kâu, me ame erkin dut. 19Kʼ ame todrö momo, me he but, ke a hia but uny mano hnân tube hnyimakan, me e ame khavâ hmeto je ûkhaûen safac. 20Ke Juda ame kunâ hanen at Adulama me nokon got, me me hom hmetu haten unyin momo: ke ame ca wâ. 21Me e ame hnö tavat aten hnyei, ka habe, Ewa momo hnyi gethen hnyi Enaima waleji eû hnyi haten gethen? Ke haingödrin, ka habe, E ba momo hnyi gethen eang. 22Me e ame hmetu kö Juda, me ha, ka habe, Oge me ca wâ e; ke walang hna ha hnen aten hnyei, ka habe, E ba momo hnyi gethen eang. 23Ke Juda ame ha, ka habe, Hnen ju unyin momo, wâ adre nye hlumʼ ötu: wâ bi oge hia but kunâ got ang, kʼ u je ca wâ momo. 24Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ. 25Kʼ adre hia but hom momo, me e ame ûkhûnöng ka ha ka ûngon, ka habe, Oge erkin hnen at a anyin ta je ûnyi eang: ke haingen minya, ka habe, Wâhmakhmeto ju u, anyi ia ta je ûnyi eang, wale ûnyi hnân bi haten, me nyingen, me uci. 26Ke Juda ame wâhmakhmetoâ e, me ha, ka habe, E wisa at eang huk: anyin oge ca ham Sela a nökuk kâu. Ke ca tha e hmetu më. 27Ke wâ bi ame o but ûen ame he ka hnokoâ, li hûnye eû hnyi hnyekon. 28Kʼ ame he ka hnokoâ me haba ke at ame inâ but hnyamen, me haba momo at ame tuö erkin ame hom me hûkâlâ hnyi hnyamen hnyiban tö ae dra, me ba, ka habe, wale at ame bân. 29Ke e ame thu hmetu hnyamen, me wâ bi ame o but liamekeiny më: me haingen momo, ka habe, A hawa u je ûhanyöû ka ûnyi gam hna ânyâ? kʼ ame hwenyi ien e Farez. 30Ke hwaban e ame o liamekeiny mē ae hu hna hûkâlâ hnyi hnyamen tö ae dra: kʼ adre hwenyi ien e Zera.

Currently Selected:

Genese 38: IAAI

Highlight

Copy