Ezekiela 38
38
1KE ame o but könya hofuc ho Iehova, ame ha, ka habe, 2Nokon at lö, hnyimâkâm dö kö Gog, aten Magog, a tuhan Rosha, me Meseka, me Tubala, me perofeta ûcon, 3me ha, ka habe, Walang hna ha hnen Than Iehova, ka habe, Wâ bi, ûcûk u Gog, tuhan Rosha, me Meseka, me Tubala: 4ke oge me he ka ohmetu u, me det hnyimâm ge je wage, me oge me he ka lili u but, me ânyâm utbavat hia, je hors, me tavat tabö hors, adre me khavâ khaûen vat ae bekhot, a bunyen ae gan hmâ, tavat ae hu gadra bec, me bec ae gan, ödra hia adre me hok hele vat: 5Peresi, me Aithiop, me Futa, unyidra; tavat hia ae ve hu bec me hnabecen vat: 6Gomera me anyin je deö vai hia; lap anyi Togarema ûhedra hnyi hwadro hmonyin, me anyin je deö vat hia: e se hia je hnyei adre me tha ödra möu. 7Penapena wia thö, eke u ma ka penapenö u bi, u me je deö vat adre me ûkhacaköu unyâm, ke u ma he ka taben kodra. 8Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö. 9Ke u me he ka ölö me o helâ me weneû, u me he ka helâ me ûlâ ame tube hnyei, u, me ânyâm je deö vat hia, me je hnyei ae se hia tha ödra möu. 10Walang hna ha hnen Than Iehova, ka habe, Hnyi ûen eling, ame he ka o je ûnyi hnyi hnyekom, ke u me he ka hu hna ûnykûme ae kong: 11ke u me he ka ha, ka habe, Oge me he ka he ka hnyi hnyei ae hu je taun hnyin ae ba haginy; oge me he ka he kodra tavat adre me laba sot, adre me laba khotkic, ödra hia adre me laba ke ba hak adre op, ke ba ohmâiny me hlinginy homagöule: 12he ka hom hna söh, me hna hûgûnâ; me he ka wia hnyamâm ka hnyi je dok ae ba aten ehac ke adre me labâ walang ang, me ka tavat adre ûkhacaköu ûnyi hnyi je hnyei, tavat a ödra tren je meno me omjeû, tavat adre me laba hnyi wanben hmeledrany. 13Ame he Sheba ka ha köu, me Dedana, me tavat adre me ûcû ûhedra Tasesa, me je nak lionainy hia, ka habe, Hawa, u je o ka hom hna söh? u je hawâ ânyâm ûkhacaköu he ka hom hna hûgûnâ? he ka sukhoûnö sileva me gol, he ka hom ta je meno me omjeû, he ka hom hna söh ae gan?
14Anyin a wale, nokon at lö, perofeta thö me ha kö Gog, ka habe, Walang hna ha hnen Than Iehova, ka habe, Hnyi bong eling e ka laba khotkic lakeik a at Isaraela, hawa ame ca he ka khanö u? 15Ke u mo he ka o ûhem hnyi hnâm, je ke keihen ae sâkâû hnyi hwadro, u, me je hnyei ae se a tha ödra möu, tavat tabö hors hia bunyen ae gan, me utbavat ae gan hmâ: 16ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra. 17Walang hna ha hnen Than Iehova, ka habe, Hawa, u e at waleji oge ha ehac a deny je athnyabaik a je perofetainy Isaraela, tavat adre me perofeta hnyi je bong eling hnyi je huna ae se hia, a oge me he ka oi u ûcûdra? 18Ke haba hnyi bong eling, bong a o hnyin Gog ûcon hnyei Isaraela, haingen Than Iehova, ame he ka manen anyik hmönyin hnyi hnyimakök. 19Anyin a oge hia but ha hnyi hnok hna ciâ, ke hnyi meicin anyik hmönyin, ka habe, E hnathu hnyi ûen eling ame he ka hu hwiöi ae gan hnyi hnyei Isaraela; 20mʼ adre me he ka öbubuny ge hnyimakök ta je wâ eû hnyi köiö, me ta je meno ame gâ ethö, me je menoiny hnyot, me ta je ûnyi hia ame iyâû wale adre me iyâûâ kânâ, me tavat hia hon kânâ, kʼ ame he je bucen ka kolu, kʼ ame he ka ta je dok ae hwatapkolu, kʼ ame he je hna up veto hia ka ta hnyikânâi. 21Ke oge me he bi nya ka hawâ hele vat ûcon hnyi anyik ta je bucen hia, haingen Than Iehova; kʼ ame he anyidra je hele vat ka ve ûcon tavat hia. 22Ke oge me he bi nya ka ivino ûcon ge mok ae cap me dra, ke oge me he ka kunâ kâu, me ka anyin je deö vat, me je hnyei ae se hia unyin, we ae gan, me we wahma ae gan, me meic, me teio. 23Ke oge me he ka oganö nya, me okabi nya bi, ke oge me he ka manen hnyi hnyimakan je hnyei ae se hia; me adre me he ka wâ a inya Iehova.
Currently Selected:
Ezekiela 38: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
