Amosa 5

1LAP anyi Isaraela lö, long ju hofuc ang wale oge me ha hnân khumöng tenge gubun. 2A ta but hluiny Isaraela; e ame ca he hmetu bi ka tot: adre degec e hon kânân kânâ, e ba at ame he ka otilâ e. 3Anyin a walang hna ha hnen Than Iehova, ka habe, Haba taun ame he ke wan thauzan ûheny hnyin, me ame he ka wan haded biju kolon; ke haba at ama he ke wan haded ûheny hnyin, me ame he ka ten biju kolon, hobi kâu lap anyi Isaraela. 4Anyin a walang hna ha hnö Iehova ka lap anyi Isaraela, ka habe, Elom nya thʼ öbun, mʼ öbun e he ka mot: 5ke ca elâm bi hnyi Beth-ela, ke ca didro ka hnyi Gilegala, ke ca hanyâûâ Bere-seba ai: anyin e hnathu ame he Gilegala ka bâ, ke ame he ka ûnyi baû Beth-ela. 6Elom Iehova thʼ öbun mʼ öbun e he ka mot; wâ e nye gâ but helâ me meic ka lap anyi Josefa, me an e, ke ba at hnyi Beth-ela he ka ume: 7öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa; 8elâm dö at ame ânyâ kukuûnyi me orion, kʼ ame wia hmenon mok ka hnyi hnyomakatu, at ame omenekhulumo lany me me lit; kʼ ame hawâ köien köiö ae gan me hingâlâ ka hnyi kânâ: Iehova ien; 9at ame ie oâ hnaûhango ka at; ae hwege, me ame o ûohia ka hnyi hnabâ. 10Kʼ adre me hûkotiâ at ame û thao hnyi homagoule, me ikikiâ at ame ha wisa. 11Anyin a öbun e uto at ae theduoc, me hûgûnâ gan je hok hwit: anyin a wale öbun e ca he ka labâ je uma öbun e hia but op ge veto adre tretrao: kʼ öbun e ca he ka ic wainainy je hnyei vine öbun e belökâ. 12Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule. 13Anyin a wale, ame he at wâ wia ka laba hnyibu hnyi ûen eling; anyin a ûen e ae kong bi. 14Elâm dö so, ke ca monu bi, mʼ öbun e mot: me ame he Iehova Khongon sabaoth ka tha e mʼ öbun, helâ me hnobun hna ha. 15Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa. 16Anyin a wale, walang hna ha hnen Than Iehova Khongon sabaoth, ka habe, Adre me he ka tenge hnyi ta je gethen ae lau hia; ke adre me he ka ha hnyi ta je hna cit gethen hia, ka habe, Ekölö! ekölö! he adre me he ka hawâ thö tavat belök mʼ adre me tenge, ke tavat ae khanʼ ödra tenge he ka tenge thungaû. 17Ke adre me he ka tenge thungaû hnyi ta je hnyei vine hia: anyin oge me he ka ovhenu u, haingo Iehova. 18Ekölö gabun tavat öbun e weny bong bongu Iehova! hnân eû bong bongu Iehova köbun? e menekholom bi, ke ca melam bi. 19Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on. 20Hawa, ame ca he ka menekholom bong bongu Iehova, ka ba melam? ke hlit hmonyin, ke ba lany hnyin e? 21Iny höcö me hûkotiâ anyibun je bong bijeû, ke oge me ca he ka senyin hnyi anyibun je ûkhacaköu ae ûnyi hnathu. 22Eke, öbun e ne hudo könya anyibun je hudiny leû me hudiny han, me oge me ca he bi nya ka kap: ke oge me ca he ka wâ anyibun je hudiny ûsoköu a halebun je meno ae pipikhenya. 23Hom but gak hwan ânyâm je khumöng; ke oge me ca he ka long hwan ânyâm je nabeli. 24Ke so ame di hna owisa helâ me köiö, me hwakecin ae wisa helâ me wagewe ae hwege. 25Lap anyi Isaraela lö, hawa, öbun e hom könya je hut me bwihlany hnyi ta je huna a fâte hnyi hnyebuba? 26Eke, öbun e hia but hom tilâ Sikutha a tuhöbun me Kiuna anyibun je hnatheat, okhûiny khongubun khong, waleji öbun e ka ânyâ hobi köbun. 27Anyin a wale, oge me he ka hum öbun ka hnyi bâ hnyi hoton Damaseko, haingo Iehova, Khongon sabaoth ien.

Currently Selected:

Amosa 5: IAAI

Highlight

Copy