2 ŊWED CORINTH 13
13
Mme Akpatre nduri-Utɔŋ ye Ekɔm
1EMI edi ɔyɔhɔ eridi mi utim ikata ke ɔtɔ mbufo; ke inua ntiense iba mme ita ke kpukpru ikɔ eyesɔŋɔ eda. 2Nte mma ŋkebem iso ndɔhɔ mbufo ke udiana ini emi ndude ye mbufo, ntre ke emi mmonyuŋ nduhe do, mmebem iso ndɔhɔ mmɔ emi eduede ke ini eke ebede, ye kpukpru mmɔ eken, nte ndituaha owo mbɔm ke mma ntɔŋɔ ntak ndi. 3Sia mbufo eyomde ŋwut mbufo nte edi Christ esine mi ke idem etiŋ ikɔ, Enye idige anana-odudu ke ɔtɔ mbufo: Enye eneneŋere okop idem ke otu mbufo. 4Koro ekowot Enye ke cross ke mmem-idem, edi Enye ke odudu uwem ke emi ke odudu Abasi. Nnyin nde idi mmeme ke Enye, edi iyeda odudu Abasi isaŋa ye Enye idu uwem inɔ mbufo. 5Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo. 6Edi mmodori enyin nte mbufo emefiɔk ete nnyin idige mbukpo. 7Imekpe Abasi ubɔk ite mbufo ekudue ke baba ŋkpɔ kiet; ibeŋeke man ikpetie nte nti owo, edi man mbufo enam se inende okposuk edi nte ebatde nnyin nte mbukpo owo. 8Koro nnyin mikemeke ndinam ŋkpɔ mbiɔŋɔ akpanikɔ, edi inanam ŋkpɔ ida ye akpanikɔ. 9Nnyin idat esit ke ini imemde, edieke mbufo esɔŋɔde idem. 10Nnyin inyuŋ ibeŋe ntem, ite mbufo ekpekam ekabare efɔn ema. Emi esin ŋwet mme ŋkpɔ nnɔ mbufo ke ini mmenduhe kaŋa do, mbak ami ndisɔŋ ido ye mbufo, ke ini ndidide ke ɔtɔ mbufo, ye odudu eke Ɔbɔŋ ɔkɔnɔde mi ndida nnam mbufo ekɔri ke ido Esie, idige ndida nsuan mbufo.
11Ke akpatre ikɔ, nditɔ-ete, etie suŋ. Ekabare efɔn ema; ekut ndɔŋesit; enyene esit kiet; etie emem-emem; ndien Abasi ima ye emem eyedu ye mbufo. 12Ekɔm kiet eken ye edisana ntim-inua. 13Kpukpru ikɔt Abasi ete ekɔm mbufo.
14Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.
Currently Selected:
2 ŊWED CORINTH 13: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
