MATIU 23

I Jisas mo kwaha likoki na tangaloi huri na tangaloi kikikila na Uliuli Kokona mana Varisi maira

(Mak 12.38-39; Luk 11.43,46; 20.45-46)

1Vunu i Jisas mo kwaha mana vao mana nona ngwalagelo mo viti kwara, 2“A tangaloi* kikikila na Uliuli* Kokona mana Varisi* rau bakoto kwara rana matangwasaraki na Tangwata* noi Mosis. 3Vae huri hi tulu ne rongohuri savi na kinau rau viti lakwakamu kwara tulu ne vai. Aia vae tulu hatu huri na doridoriga, huri rahe vai te havakinau hinea ramo heretuva luna. #Mal 2.7-8 4Rau kwetibibi na hagohago mava ramo taura tilo tigwa na tangaloi hinea u madi lakwa na tangaloi kwara rana kwali, vae rahe vai na kinau te vohoki kwara rana hago te maira rana kwali na hagohago vano hi. 5Rau vai savi na noga boloki lo mata na tangaloi kwara a tangaloi ra va tagaira. Rau uli na mahigwa na Uliuli Kokona tilo kaikweti hinea a vinu na boboroa, rau kweti gwatuga kinira ramo lisi tilo kabaga vake. Vae tulu tagaira. Rau vai noga rau lalakua sileti na nona tangaloi ratuaki. Vunu vake a vuluvulu na lugwaga rau gwagwaravu sileti na vuluvulu na lugwa na tangaloi ratuaki. #23.5: Kona tagai na bohiana vano hi lo Buku Kokona Tuai lui Dutronome 6.8 mai Namba 15.37-40. #a Mat 6.1,5; b Eks 13.9; Dut 6.8; d Nam 15.38-39 6Rau lagwa kwara rana lai a hagele karekarea nona tangaloi lalakua lolo kanikani, vake rau lengaia kwara rana hugu lolo vale* na tiutangaroa lo hagehagele hinea rau karea karakara. 7Vunu rau lengaia kwara a tangaloi rana vai mavakinira lo nako na tangaloi maira na sara, vunu vake kwara a tangaloi rana kwarekinira kwara, ‘Tisa.’ 8Vae tulu hatu tiraki na tangaloi kwara rana kwarekikamu kwara, ‘Tisa’, huri vunuhikamu tulu vituatua vae a nomiu Tisa katukwale vohoki. 9Tulu hatu kwarekinia te katukwale lo varamana kwara, ‘Mama’, huri i Tamamiu katukwale vohoki lolo taetae. 10Vake tulu hatu tiraki na tangaloi ramo kwarekikamu kwara, ‘Kaitomuaki’, huri a nomiu Kaitomuaki katukwale vohoki, i Vurae*. 11Te tangaloi hinea u lakua karakara lolo livukamiu ne kwareki a nomiu tangaloi boloki. #Mat 20.26-27; Mak 9.35; 10.43-44; Luk 9.48; 22.26 12Ihe te ne lailai hakekinia vae i God ne hivokinia, ihe te hinea ne lailai hivokinia vae i God ne tabe hakekinia ne lakua.” #Job 22.29; Prov 29.23; Esik 21.26; Luk 14.11; 18.14

I Jisas mo kwaha vovohi na doridori na tangaloi hinea rau viti kinau ki ringoga vohoki

(Mak 12.40; Luk 11.39-42,44,52; 20.47)

13Vunu i Jisas mo viti kwara, “I kamu a tangaloi* kikikila na Uliuli* Kokona mana Varisi*, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Aia hokinia kwara tulu hogoi koro na katama lo nako na tangaloi hinea rau lengaia kwara rana mulemai kina tangaloi hinea i God u hugwe korora. I kamu tulu bemiu kwara i God ne hugwe korokamu, vunu tulu tuku tu koro na tangaloi ratuaki kwara rana hatu vanamai vaki mai God kwara ne hugwe korora. #23.13: Lo Buku Kokona tuaki hinea a tangaloi rau ulira tuai, rau hoke na leo hika kina leo hinea mo viti kwara “14 I kamu a tangaloi kikikila na Uliuli Kokona mana Varisi, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Tulu tuku sinasina na gwati ravavine, tulu balu savi na noga kinau. Vunu vake tulu tuku tiutangaroa gwagwaravu kwara tulu ne sina na tangaloi kwara rana domi mavakikamu. Vae tulu ne kwali na kakadiki ne huira haburu.”

15“I kamu a tangaloi kikikila na Uliuli Kokona mana Varisi, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Tulu mo kwalao laliki lo aga, tulu mo vano utuhi na ureure maira tulu mo tinakaki tavaluki vaki tavaluki, tulu mo soro haro na tangaloi kwara te katukwale ne bohi ne huri na nomiu huhuiana. Vae lolona mo hurikamu tulu mo vaia mo mulemai kina tangaloi hati hinea u taritarisa kwara ne vano vaki lo kabu na kakadiki hokikamu, huri u hati, u hati vakairua siletikamu.

16“I kamu a kaitomuaki a matamiu rau dodo, a rongoana hati lakua lakwakamu. Tulu viti kwara, ‘Diko a tangaloi u hahariki tilo Ingwa Kokona noi God nona hahariki he madi tea, vae diko u hahariki tilo kol lolo Ingwa Kokona noi God a nona hahariki u madi.’ #Mat 15.14; 23.24; Rom 2.19 17A matamiu rau dodo, tulu reraka. ?Makive u lakua karakara, a kol diko a Ingwa Kokona noi God aia u vai na kol mo kokona? 18I kamu vake tulu viti kwara, ‘Diko a tangaloi u hahariki tilo voda #23.18,19,20: voda. Aira Kwalaha rau viti kwara, kwotakwota., nona hahariki he madi tea, vae diko a tangaloi u hahariki tilo hokohoko hini lo voda, nona hahariki u madi.’ 19!A matamiu rau dodo haburu! ?Makive u mava karakara, a hokohoko diko a voda aia u vai na hokohoko mo kokona? #Eks 29.37 20Huri hi a tangaloi hinea u hahariki tilo voda u hahariki tiluna, vake tilo hokohoko savia hi luna. 21A tangaloi hinea u hahariki tilo Ingwa Kokona noi God u hahariki tiluna, vake tilui God aia u hugu takwahini. #1 King 8.13; Sam 26.8 22A tangaloi hinea u hahariki tilo taetae u hahariki tilo hagehagele i God, vake tilui God a Hugwe Lakua hini u hugu luna. #Aes 66.1; Mat 5.34; Bol 7.49

23“I kamu a tangaloi kikikila na Uliuli Kokona mana Varisi, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Tigwaravu tulu kwiribibi na tangwata hika. Tulu valuki na rau kwaririgi hinea tulu tuku tau lo hinaka kwara ne boniboni, hoki na rau na min*, a rau na dil*, mana rau na kamin*, kwara vae tulu ne bete a rau katukwale lakwai God, tulu ne kwiribibi na rau kaihikwa. Vae tulu he domi huri tea kwara tulu ne rongohuri na huhuiana na tangwata hinea rau mava karakara aira hika, kwara tulu ne vai kinau rana bakoto lakwa na tangaloi, tulu ne hakavi na tangaloi, vunu vake kwara tulu ne kwiribibi na nomiu tulikileo. A kinau mava aira vano hi u taritarisa kwara tulu ne vai, vae tulu hatu domi bulakiki na kinau ratuaki aira vano hi vake. #a Lev 27.30; b Maeka 6.8 24I kamu a kaitomuaki a matamiu rau dodo. Tulu lavi na kanono tina memiu inuinu, vae i kamu tulu donomi na buluki tulu he kikilai tea. #Mat 15.14; 23.16; Rom 2.19

25“I kamu a tangaloi kikikila na Uliuli Kokona mana Varisi, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Tulu vakahaki na gula na nomiu laha mana beleti, vae lolona u kukwere kina kwai na nomiu bohiana hinea rahe taritarisa tea, tulu babalu, tulu domi hurikamu kehekeheki. #Mak 7.4 26I kamu a Varisi a matamiu rau dodo kareaki. Tulu vakahaki na lolo na laha tomua, vunu tavalavarea neri ngwasara vake. #Sione 9.40

27“I kamu a tangaloi kikikila na Uliuli Kokona mana Varisi, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. I kamu hoki na tabu. Tavalavarea rau buruira rau lotu rau karea haburu, vae lolona rau kukwere kina hui na tangaloi rau mate rau madamada. #Bol 23.3 28Lo halaki hokinia hini, lo doridorimiu tavalavarea a tangaloi rau tagaikamu rau domi kwara i kamu a tangaloi bakoto, vae a domimiu rau kukwere kina kurakura mana hatiana rusa.” #Luk 16.15

I Jisas mo viti terekaki kwara rana kwali na kakadiki

(Luk 11.47-51)

29Vunu i Jisas mo hoke na leona mo viti kwara, “I kamu a tangaloi* kikikila na Uliuli* Kokona mana Varisi*, a rongoana hati lakua lakwakamu. I kamu a tangaloi kwetukwetutu, tulu viti kinau ki ringomiu vohoki. Tulu vai a tabu karekarea huri na tangaloi* duruduruki, tulu vulehi #23.29: vulehi. Aira Kwalaha rau viti kwara, vulahi. na vatu hinea a tangaloi rau taura kwara rana domidomi-bibi na tangaloi bakoto tuai. 30Tulu viti ‘Kwara vae diko tau hugu tuai vanamai evina lo taro i ratubuda, tanahe vai na kinau tea hinea ramo toko vai ramo kwohi matematei na tangaloi duruduruki.’ 31Lo leo hi tulu viti bakotoki kwara i kamu tulu gwalo vanamai luga hinea rau kwohi matematei na tangaloi duruduruki. #Bol 7.52 32Va, tulu vai vunuhi na kinau hi i ratubumiu ramo tinakaki. 33!I kamu hoki na ngwata! !I kamu hoki na raranatu na ngwata! !Tulu matamataku hokinira! ?Tulu domi kwara tulu ne kwalao kworohokinia tina arekiana noi God kwara vae tulu nehe vano tea vaki lo kabu na kakadiki? #Mat 3.7; 12.34; Luk 3.7 34Vae huri hi na viti lakwakamu, na hora na tangaloi duruduruki, a tangaloi na lolorani, mana tangaloi kikikila na Uliuli Kokona vaki maikamu. Tuaki tulu ne kwohi mateira, tuaki tulu ne durura tilo kaibetu, vunu tuaki tulu ne takwilira lolo nomiu vale* na tiutangaroa, tulu ne livu lalikinira tina gwatuivanua katukwale vaki lo gwatuivanua dolua. #a Bol 7.52; 1 Tes 2.15; b Mat 10.23 35Huri na kinau hi tulu ne kwali na kakadiki huri na tangaloi bakoto savira hinea a tangaloi ramo kwohi mateira, u tinakaki lo tangaloi bakoto hi i Evol, mo rovo lui Sekaraea i natu i Barakia hinea tulu mo kwohi mateia lolo livuka na Ingwa Kokona noi God mana voda. #23.35 voda. Aira Kwalaha rau viti kwara, kwotakwota. #a Jen 4.8; Hib 11.4; b 2 Kron 24.20-21; d Sek 1.1 36Kareaki na viti lakwakamu, i kamu a tangaloi na taro hika vae tulu ne kwali na kakadiki huri na mateana nona tangaloi aira vano hi savia.”

I Jisas u lagwa haburu mana ngwera Serusalem

(Luk 13.34-35)

37Vunu i Jisas mo viti kwara, “!Ee, i kamu a ngwera Serusalem! I kamu tulu tuku kwohi matematei na tangaloi* duruduruki maira, tulu voho matematei na kailai na leo hinea i God mo horara vaki maikamu. Vakarusa nu lengaia kwara na haka korokamu savia, hoki na toa hinea mo kokovi koro i raranatuna, vae i kamu tulu he lengaia tea kwara na vai hokinia hi. #Bol 7.59; 1 Tes 2.15 38Vae u karea, hika tulu ne hugu kwehi. Tulu taga. Hika i God u tiraki na nona Ingwa Kokona lo vanuamiu u eno vuroki. #1 King 9.7-8; Jer 12.7; 22.5 39Vae na viti lakwakamu hika, i kamu vae tulu nehe tagaiau te taliku tarisaki a taroki ne maravuti kwahaia hi tulu ne viti kwara, ‘A Hugwe i God ne vai tabetabekinia hi u vanamai lo hinana.’ ” #Sam 118.26; Mat 21.9; Mak 11.10; Luk 19.38

Currently Selected:

MATIU 23: HWT

Highlight

Copy