MATIU 22

A tavaluileo huri na kanikani na lakiana

(Luk 14.15-24)

1I Jisas mo kwahakwaha mana tangaloi mo viti na tavaluileo taliku, 2mo viti kwara, “A hala hinea i God u kware na tangaloi kwara rana mulemai kina tangaloi hinea u hugwe korora, aia hoki na hugwe lakua hinea u vai rarai na kanikani huri na lakiana noi natuna. 3Mo hora na nona tangaloi boloki kwara rana viti lakwa na tangaloi hinea u kwarera ba, kwara rana vanamai huri na kanikani, vae rahe lengaia tea kwara rana vanamai. 4Hikani mote hora na nona tangaloi boloki dolua vake mana leo hika. Mo viti kwara, ‘Tulu viti lakwara hinea nu kwarera ba kwara, “A nogu kanikani u raraiana ba hika. A buluki mana natu na buluki rau damoi rau uaana ba. Vataha na kinau u raraiana ba. Tulu vanamai huri na kanikani na lakiana.” ’ 5Vae a tangaloi vano hi rahe domi huri na leo te hi, ra va vano laliki vaki lo noga boloki. Katukwale u vano vaki lo bulana agoago*, kairuaki u vano vaki lolo ingwa na nona hokahokaki. 6Vunu ratuaki ramo kwiribibi na tangaloi boloki vano hini, ramo kwohira ramo kwohi matemateira. #Mat 21.35 7A hugwe lakua hi u lologute haburu, mo hora na nona tangaloi na vuro, ramo vano ramo kwohi matematei na tangaloi na ua tangaloi vano hini, ramo hura letiuki na gwatui-vanuaga. 8Vunu mote kware na nona tangaloi boloki maira mo viti ‘A nogu hinaka na lakiana u raraiana ba, vae a tangaloi nu kwarera rahe taritarisa tea. 9Hika tulu vano vaki lo hala lalakua, vae te hava tangaloi te tulu mo hagwea, tulu mo kwarea vanamai vaki lolo nogu kanikani.’ 10Hikani a tangaloi boloki ramo ngwalua vaki lo hala lalakua ramo vileki tabulutaki savi na tangaloi hinea ramo hagwera, aira hinea rau karea maira hinea rau hati vake. Vae a ingwa na kanikani na lakiana mo kukwere kina tangaloi.

11“Hikani a hugwe lakua mo soro tilolo ingwa kwara ne tagai na tangaloi hinea rau vanamai huri na kanikani, mo tagahagwe na tangaloi katukwale he lugwaki na lugwa na lakiana tea. 12A hugwe lakua mo uduhuri kinia mo viti kwara, ‘?Tua, ku soro kworohokinia vaki hike kohe lugwaki na lugwa na lakiana tea?’ Vae a tangaloi hi he viti na kinau te vohoki. 13Vunu a hugwe lakua hi mo kwaha mana tangaloi boloki vano hini mo viti kwara, ‘Tulu gwaru na kabana mana garuna, tulu vohokinia tivarea vaki lo dodoki. Ne va toko ngara takwahini ne toko va kati raharahaki na livona.’ ” #Mat 8.12; 13.42,50; 24.51; 25.30; Luk 13.28

14Vunu i Jisas mo viti “I God u kware na tangaloi u rusa, vae aia u matai kwahekinira te kairua vohoki.”

A leo uhiuhi huri na voli takis

(Mak 12.13-17; Luk 20.20-26)

15A Varisi* maira ramo vano, ramo tovotovo kwara rana tiusina i Jisas kina leo uhiuhi maira. 16Vunu ramo hora na noga ngwalagelo tuaki mana tangaloi noi Herot #22.16: A tangaloi noi Herot. Aira a bulubulu na tangaloi hinea rahe lengaia tea kwara a ngwera Rom rana hugwe korora, vae rau lengaia kwara a gwaloana katukwale nona hugwe lakua tuai i Herot Lakua ne hugwe korora. A vevehuri huri Herot Lakua, kona taga lo Deksenare lo buku hika takuni. ramo vano vaki mai Jisas, ramo viti kwara, “Tisa, keu kikilai kwara i nigo a tangaloi bakoto, ku tuku huhui na tangaloi savia kina hala noi God lo hala bakoto. Kohe mataku te kina tangaloi, huri kohe domi huri tea kwara a tangaloi u lakua diko he lakua tea. #Mak 3.6 17Ko viti lakwakami. ?Ko domi kworohokinia? ?Diko tana voli a takis lakwai Sisa*, a hugwe lakua Rom, tana galo lo noda Tangwata* diko hetea?”

18Vae i Jisas u kikilai na noga tovotovo hati, mo viti kwara, “I kamu a tangaloi kurakura, tulu viti kinau kina ringomiu vohoki. ?Kworoho tulu mo vai kwara tulu ne tiusineau? 19Tulu vosangiau kina mane* na voli takis.”

Ramo lavi na mane lakwae. 20Vunu mo uduhuri kinira mo viti “?A nakohe mana hinahe hika luna?”

21Ramo daraki ramo viti “A nako i Sisa mana hinana.”

Hikani i Jisas mo daraki mo viti kwara, “U karea, a kinau hinea a noi Sisa tulu bete lakwai Sisa. A kinau hinea a noi God, tulu bete lakwai God.” #Rom 13.7

22Lolona ramo rongo na leo hi rau idila haburu, ramo tirakinia ramo vano tiua.

A leo uhiuhi huri na marakaana tina mateana

(Mak 12.18-27; Luk 20.27-40)

23Lo raniki aia hini a Satiusi* ratuaki ramo vanamai vaki mai Jisas. Aira hini rau tuku viti kwara a tangaloi rau mate vae ranahe maraka te taliku tina mateana. #Bol 23.8 24Ramo uduhuri kinia ramo viti “Tisa, i Mosis u viti kwara, ‘Diko a tangaloi he bava te natu mo mate, i tuana ne laki mana gwatina raru ne bava natu ne lai tanotano i tamana hi mo mate.’ #a Dut 25.5; b Jen 38.8 25A tangaloi rau vituatua aira kaibitu rau hugu hikeni. A natu tomua mo laki mo mate he bava te natu, hikani i tuana mo lavi na gwatina. 26Vae mo mate hoki i tuana, vunu kaitoluki, vae aira kaibitu hi aira vunu rau hokinia. 27Ki rovonaki a vavine hi mo mate. 28?Vae lo rani kwahaia hi a mateana rana ahi taliku lo Rani na Marakaana vae ne kwareki i vavinehihe? Aira vunu rau laki maia.”

29I Jisas mo daraki lakwara mo viti kwara, “Tulu vakasile vohoki, huri i kamu tulu he kikilai na Uliuli* Kokona tea mana huirana noi God vake. 30Lolona a mateana rana maraka taliku vaki lo ahiana, rana hoki na kaihora maira lolo taetae, a ravavine mana ngwera ranahe laki tea. 31Vae huri na mateana kwara rana maraka taliku, nu domi kwara i kamu tulu he valu tea a havakinau hinea i God mo viti lakwakamu lo Baevolu kwara, 32‘I nau a God noi Evraham, a God noi Aesik, vake a God noi Sekov.’ Aia a God na tangaloi rau ahi, hete God na tangaloi rau mate.” #Eks 3.6,15,16

33Lolona a vao ramo rongo na leo hika rau idila haburu kina nona huhuiana. #Mat 7.28; 13.54; Mak 11.18

A tulikileo hinea u lakua karakara

(Mak 12.28-34; Luk 10.25-28)

34Lolona a Varisi* ramo rongo kwara i Jisas u voho koro na leo nona Satiusi* ramo hugu butu, a Varisi ramo vanamai tabulutaki. 35Katukwale tiura, aia a tangaloi kikikila na Tangwata* mo vai kwara ne tiusina i Jisas kina leo uhiuhi. 36Mo uduhuri mo viti “?Tisa, a tulikileo makive u lakua karakara tina tulikileo ratuaki lo Tangwata?”

37I Jisas mo daraki lakwae mo viti “ ‘Ko lagwa mana nomu Hugwe i God kina domimu vunuhia, mana mamaurianamu vunuhia, mana domidomimu vunuhia.’ #Dut 6.5; Jos 22.5 38A tulikileo hi u lakua karakara u mava haburu. 39Kairuaki u mava haburu hokinia nga. Aia u viti ‘Ko lagwa mana tangaloi laliki maiko, komo vai tabetabekinira hokinia komo vai tabetabekinigo sibomu.’ #Lev 19.18; Mat 5.43; 19.19; Rom 13.9; Gal 5.14; Sem 2.8 40A Tangwata doluaki noi Mosis mana huhuiana nona tangaloi* duruduruki, rau tu lo tulikileo hi kairua.” #a Rom 13.10; b Mat 7.12

A leo uhiuhi huri i Vurae

(Mak 12.35-37; Luk 20.41-44)

41Lolona a Varisi* ramo vileki tabulutaki, i Jisas mo uduhuri kinira 42mo viti kwara, “?Tulu domi kworohokinia huri i Vurae*? ?U gwalo vanamai luihe?”

Ramo daraki ramo viti kwara, “Aia u gwalo vanamai lui Devit.” #Sione 7.42

43I Jisas mo uduhuri kinira mo viti kwara, “?Vae kworohokinia a Tanungwe Kokona mo lalahi i Devit kwara ne kwarekinia kwara ‘a nogu Hugwe*’? I Devit u viti kwara, #2 Saml 23.2

44‘A Hugwe i God

u viti lakwa na nogu Hugwe kwara,

“Ko hugu hikeni lo matuagu, ko mabu,

tarisaki hi na vai na nomu tavaluivuro

rana hugu tavutimu,

rana kwareki a nomu tangaloi* boloki vuroki.” ’ #Sam 110.1; Bol 2.34-35; 1 Kor 15.25; Hib 1.13

45?Vae diko i Devit u kwarekinia kwara, ‘a nogu Hugwe’ ne viti kworohokinia kwara i Vurae aia a nona gwaloana?”

46Hete kwara te katukwale u vai lai kwara ne daraki na leo i Jisas. Vae tina rani hini rau mataku kwara rana uduhuri te leo uhiuhi ki Jisas taliku. #Mak 12.34; Luk 20.40

Currently Selected:

MATIU 22: HWT

Highlight

Copy