MATIU 14
14
A mateana kai Sione a tangaloi na bavtaes tangaloi
(Mak 6.14-29; Luk 9.7-9)
1Lo taro hi i Herot, #14.1: I Herot. I Herot hi aia i Herot Antivas. Kona taga lo Deksenare lo buku hika takuni. a hugwe lakua na vanua Galili*, mo rongo na roro i Jisas. 2Mo viti lakwa na nona tangaloi lalakua kwara, “I Sione a tangaloi na bavtaes tangaloi aia u ahi taliku, vae huri hi u vai na bolokiana vano hi lo huirana.”
3-4I Herot mo viti kwehi huri aia u lavi Herotias i vavinehi i tuana i Viliv. Vunu i Sione a tangaloi na bavtaes tangaloi u viti lakwai Herot tigwaravu kwara, “He taritarisa tea kwara kona laki mai Herotias.” Vae huri hi i Herot mo hora na nona tangaloi ramo kwiribibi i Sione, ramo gwarua ramo taua lolo ingwa na gwarugwaru huri i Herotias aia u viti. #a Luk 3.19-20; b Mat 11.2; Sione 3.24 #Lev 18.16; 20.21 5I Herot u lengaia kwara ne kwohi mateia, vae u mataku kina gwaloana noi Isrel* takwahini huri rau hauhuri kwara i Sione aia a tangaloi* duruduruki. #Mat 11.9; 21.26; Luk 1.76; 7.26 6Lo rani a hukao i Herot mo diu, i natu i Herotias a vavine mo vai hakwana lolo nako na tangaloi doluaki. I Herot u lagwa haburu, 7mo tauki na leo terekaki lakwae kwara, “Nu hahariki kwara na bete na kinau lakwako te haro nga hinea kona uduhuri.” 8Lo domiana noi retahina mo longi ti Herot mo viti kwara, “Ko bete lakweau hika lai nga a gwatu i Sione a tangaloi na bavtaes tangaloi, lo rova.” 9A hugwe lakua hi u rongo hati, vae huri u hahariki u rovo ba lakwae tomuaki koro na nako na nona vao doluaki hinea rau vanamai huri kanikani, mo hora kwara ne vaiana hoki na natu vavine mo lengaia. 10Hokinia ramo sio utuhi na gwatu i Sione lolo ingwa na gwarugwaru. 11Vunu ramo lavia lo rova, ramo betea lakwa na vavine hi, mo lavia lakwai retahina. 12A ngwalagelo noi Sione ramo vanamai, ramo lavi na tarabehina ramo tanomia, vunu ramo vano ramo viti lakwai Jisas.
I Jisas mo vangani na tangaloi u tari vakailima
(Mak 6.30-44; Luk 9.10-17; Sione 6.1-14)
13Lolona i Jisas mo rongo na roro i Sione, mo tiraki na vanua hini lo aga, mo vano vaki lo vanua vuroki aia kahea. A tangaloi rusa ramo rongoa, ramo tiraki na gwatui-vanuaga ramo huria auta. 14I Jisas mo galo hake tina aga, mo tagai na vao lakua hi, lolo domina u hakavira haburu vohoki, mo vakahikinira hinea rau lenga. #Mat 9.36; 15.32
15Lo mataniaho evina a nona ngwalagelo ramo vanamai vaki maia ramo viti “Hikani u raviravi, a vanua hike a vanua vuroki. Ko hora na vao rana vano vaki lo gwatugwatui-vanua rana voli te kaga hinaka.” #Mat 15.32; Mak 8.3
16I Jisas mo daraki mo viti kwara, “?Rana vano huri aha? I kamu tulu bete te hinaka lakwara rana kani.”
17Ramo daraki ramo viti kwara, “Hike maikami a bereti* kailima mana ika kairua vohoki.” #Mat 15.34; Mak 8.5
18I Jisas mo viti “Tulu lavira vanamai.”
19Mo viti lakwa na vao kwara rana hugu lolo duvu, vunu mo lavi na bereti hi kailima mana ikaki kairua, mo lalangao vaki lolo taetae, mo lagwaki God huri. Mo volo utuutuhi na bereti vano hi mo betekira lakwa na nona ngwalagelo, a nona ngwalagelo ramo hileki lakwa na vao. 20Aira vunu rau kani vae rau kugwa. Vunu a nona ngwalagelo ramo hokoni na hinaka hinea a tangaloi ramo kani dore, a kete hangavulu dongwana kairua rau kukwere. #2 King 4.43-44 21A gwira na ngwera hinea ramo kanikani u tari vakailima, vae rahe valuki na ravavine te mana sakwarigi.
I Jisas mo lakao hivoulu lo kwai tokatoka lakua
(Mak 6.45-52; Sione 6.15-21)
22Vunu i Jisas mo hora na nona ngwalagelo ramo galo tilolo agaga, ramo vano tomua vaki tavalakwai tokatoka lakua tavaluki, vunu mo hora na tangaloi rusa ramo mulemule. #Mat 15.35-39; Mak 8.6-10 23Mo hora na tangaloi tiua mo rovo, vunu mo galo hake vaki lo vuti aia kahea kwara ne tiutangaroa. Vae mo bongi i Jisas aia kahea takwahini. #Luk 6.12; 9.28 24Lo taro hi a aga aia varea sea lolo kwai tokatoka lakua, a navo mo toko vohoki lalikinia, huri a langi u here u huira haburu vovohira. 25Luirani, i Jisas mo lakao hivoulu lo kwai vaki maira. 26Lolona a ngwalagelo ramo tagaia mo lakao hivoulu lo kwai, ramo mataku haburu, ramo viti kwara, “!Ii! !A tamate!”
Ramo vingaraki rau mataku. #Luk 24.37 27I Jisas mo kwaha maira heheri mo viti kwara, “A domimiu ne hatu kilukilu. I nau hika. Tulu hatu mataku.”
28Vunu i Pita mo kwaha mo viti kwara, “Hugwe*, diko i nigo kareaki, ko viti lakweau kwara na venatu hivoulu lo kwai vaki maiko.”
29I Jisas mo daraki mo viti “Vanamai.”
Hikani i Pita mo ngwalua tina aga mo tinakaki mo lakao hivoulu lo kwai vaki mai Jisas. #Sione 21.7 30Vae lolona mo rongo na langi mo here u huira, mo mataku haburu, mo tinakaki mo dono tegetano tilolo kwai. Mo ngara mo viti “!Hugwe! !Vakahikiau!”
31Heheriki i Jisas mo hokaki na kabana mo kwiribibia mo viti kwara, “A nomu hauhuriana u kelekele haburu. ?Kworohokinia komo domi kairua?” #Mat 8.26
32I rarua vunu raru mo galo tilolo aga, a langi hi mo hivo. #Mak 4.39 33A ngwalagelo lolo aga ramo sovi hivo kina domi mavakiana vovohi Jisas. Ramo viti kwara, “Kareaki i nigo i Natu i God.” #Mat 16.16; 26.63; 27.54; Mak 14.61; 15.39; Luk 22.70; Sione 1.49
I Jisas mo vakahiki na lengeana lo gwatuivanua Genesaret
(Mak 6.53-56)
34Ramo kao utuhi na kwai tokatoka lakua hi ramo vano vaki lo vanua Genesaret. 35Takwahini a tangaloi ramo taga kikilaki i Jisas. Hikani ramo hora leo huri na lengeana dali na vanua takwahini ramo lavira aira vunu vaki mai Jisas. 36Ramo kwaha maia kwara ne tirakinira rana kihi na gweregwere na lugwana. Vae aira vunu hinea rau kihia ramo rongo karea. #Mat 9.20-21; Mak 5.27-28; Luk 8.44
Currently Selected:
MATIU 14: HWT
Highlight
Share
Copy
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
