SIONE 6

I Jisas mo vangani na tangaloi u tari vakailima

(Mat 14.13-21; Mak 6.30-44; Luk 9.10-17)

1Takuni tiua hika, i Jisas mo vano utu taliku vaki tavala Kwai* Tokatoka Lakua Galili* tavaluki, hinea a hinaki kairuaki, a Kwai Tokatoka Lakua Taebirias. 2A vao lakua lengalenga ramo toko huria, huri rau tagai na nona kaivosangi lalakua hi mo toko vakahiki na lengeana. #a Mat 4.25; 8.1; 12.15; 19.2; 20.29; Mak 5.24; Luk 9.11; b Sione 2.23; 6.14 3I Jisas mo galo hake lo vuti mo hugu hivo mana nona ngwalagelo takwa-hi. #Mat 5.1; 24.3; Mak 3.13; Luk 22.39 4A vileki tabulutakiana nona gwaloana noi Isrel* rau kwarekinia a Kanikani* na Tivekiana u garagarani. #Luk 22.1; Sione 2.13; 11.55 5Vae i Jisas mo tagataga laliki mo tagai na vao lakua ramo vanamai vaki maia. Hokinia mo kwaha mai Viliv, mo viti “?Tana voli na hinaka te ave tea kwara tana vanga savi na tangaloi vano hika?” 6U viti hokinia hi, u kahi haro na domi i Viliv. I Jisas u kikilai u rovo ba kwara ne vai havakinau.

7Vunu i Viliv mo daraki lakwai Jisas mo viti “Kwara vae diko tana voli na bereti* kina vatu tari vakavidolua vakairua #6.7: A vatu tari vakavidolua vakairua aia a vatu 200,000. rana kani kwaririgi kehe vae nehe taritarisa te maira.”

8Hikani a nona ngwalagelo katukwale vake i Aduru, i tua i Saemon Pita, mo kwaha maia #Mat 4.18; 10.2; Mak 1.16; Luk 6.14; Sione 1.40 9mo viti kwara, “A natu ngwera hikeni u hagovi na bereti kailima rau vaira kina bale*, mana ikaki kairua kwaririgi, vae ne taritarisa kworoho, huri a vao rau rusa haburu.” #Sione 21.9,13

10Vunu i Jisas mo kwaha maira mo viti kwara, “Tulu viti lakwa na tangaloi vano hi rana hugu.” Takwahini a duvu rau karekarea eia. Hikani a tangaloi ramo hugu hivo. A ngwera kehekeheki u tari vakailima. 11I Jisas mo lavi na bereti, mo lagwakinia lakwai God, vunu mo betekira lakwa na tangaloi vano hi ramo hugu evina. Mo vai hokinia hi mana ikaki vake. Aira vunu rau kani vae rau kugwa u taritarisa hokinia hi rau lengaia. 12Ramo kani vae ramo kugwa, vunu i Jisas mo viti lakwa na nona ngwalagelo kwara, “Tulu vileki na hinaka hini ramo kani doredore. Tana hatu vai behikinira.” 13Hokinia ramo vileki na mamautui-bereti hi a tangaloi ramo kani doredore tina bereti hi kailima rau vaira kina bale. Ramo hokonira tilolo kete hangavulu dongwana kairua.

14A tangaloi takwa-hi ramo tagai na kaivosangi lakua hi i Jisas mo vaia, ramo viti kwara, “Hika a Tangaloi* Duruduruki kareaki hinea ramo toko vitia kwara vae ne vanamai vaki lo varamana.” #Dut 18.15,18; Bol 3.22; 7.37 15I Jisas u kikilai kwara rau rarai ba kwara rana vanamai rana lavia rana bibiria kwara ne kwareki noga hugwe lakua. Vae hokinia hi va lakao tina mahaoki tagaulu vaki lolo vuti aia kahea. #a Sione 18.36; b Mat 14.23; 15.29; Mak 6.46; Luk 6.12

I Jisas mo lakao hivoulu lo kwai

(Mat 14.22-33; Mak 6.45-52)

16A mataniaho mo soro a nona ngwalagelo ramo duvule vaki lo kwai tokatoka lakua. 17Ramo galo tilolo aga, ramo toko hua utuhi na kwai hi taliku vovohi na gwatuivanua Kavaneam. U bongi, vae i Jisas he vanamai te vaki maira radu nga. 18A langi lakua mo here a navo lalakua ramo maraka. 19A ngwalagelo noi Jisas ramo hua kwara te kilometa kailima diko kaiono ba. Hikani ramo tagai Jisas mo lakao hivoulu lo kwai. Mo toko vanamai vaki garagarani mana agaga rau mataku haburu. 20I Jisas mo kwaha maira mo viti kwara, “Tulu hatu mataku, i nau hika.#6.20: I nau hika. Kona taga na leo hi lo savta 4.26 lo leo hinea evina halaradu.” #Mat 14.27 21Ramo lagwa ramo lavia tilolo agaga. Heheriki a aga hi mo maravuti lo vanua hini ramo hua vovohia.

A tangaloi rau soro haro i Jisas

22Mavukona a vao hi ramo hugu tavalakwai hi tavaluki, ramo taga kwara noinoa kinia a aga katukwale vohoki u tu takwa-hi. #6.22: Lo duviki na ves hi tomuaki aira Kwalaha rau viti hokinia hika kwara, Mavukona a vao hi ramo hugu tavalakwai hi tavaluki, ramo taga kwara nenoana a aga katukwale vohoki u tu takwa-hi. Rau kikilai kwara i Jisas he huri na nona ngwalagelo te lo aga hi, aira rau vano kahera. 23A aga tuaki rau vanamai tina gwatuivanua Taebirias, ramo kwalao hake garagarani mana vanua hinea a Hugwe* mo lagwaki na bereti* lakwai God eia vunu a vao ramo kania. #Sione 6.11 24Hikani a tangaloi ramo taga kwara i Jisas u tikei takwa-hi, a nona ngwalagelo vake rau tikei, ramo galo tilolo aga vano hi ramo kwalao vaki lo gwatuivanua Kavaneam, ramo soro haroa.

I Jisas a hinaka na ahiana

25Lolona a tangaloi ramo hagwe i Jisas tavalakwai tokatoka lakua tavaluki ramo viti lakwae kwara “?Tisa, ku maravuti hike kihokua?”

26I Jisas mo daraki mo viti kwara, “Kareaki na viti lakwakamu, i kamu tulu soro haroau, hete huri na nogu kaivosangi lalakua, vae tulu tuku soro haroau huri tulu kugwa tabetabeki kina bereti* hi tulu mo kania. #Sione 6.11-12 27Tulu hatu boloki huri na hinaka hinea vae ne va tikei, aia tulu boloki huri na hinaka hinea ne eno vaki lo ahiana vaki tuai. A hinaka hika, i nau a Natu* na Tangaloi nari betea lakwakamu kwara tulu ne lai, huri i God i Tamagu u mataiau ba kina nona bakotoana kwara na vai kwehi.” #Sione 4.14; 6.50,51,54,58

28Vunu aira ramo uduhuri kinia ramo viti kwara, “?Kena vai na havakinau kwara kena vai na bolokiana hinea i God u lengaia kwara kena vaira?”

29I Jisas mo daraki mo viti kwara, “A bolokiana hi i God mo lengaikamu kwara tulu ne vaia aia hika. Aia u horeau vae tulu ne hauhuri lugu.”

30Aira ramo uduhuri kinia ramo viti “?A hava kaivosangi lakua hinea kona vaia kwara kena tagai na nomu huirana, kena hauhuri lumu? ?Kona vai na hava bolokiana? #Sione 2.18 31Tuai i ratubuda rau kani a kinau u kwareki a mana* lo vanua vuroki. Aia hoki na Uliuli* Kokona mo viti kwara ‘Aia u hile na hinaka lakwara u vanamai tina taetae kwara rana kani.’ ” #a Eks 16.15; Nam 11.7-9; Neh 9.15; Sione 6.49,58; b Sam 78.24; 105.40

32I Jisas mo viti kwara, “Kareaki na viti lakwakamu. I Mosis he bete te hinaka hi lakwakamu kwara u vanamai tina taetae, vae i Tamagu u betekamu kina hinaka bakotoki u vanamai tina taetae. #6.32: Lo hala kairuaki a domidomi na duviki na leo i Jisas hi kairuaki aia hokinia hika kwara, A havakinau hinea i Mosis mo betea lakwakamu kwara tulu ne kani, aia hete hinaka hinea u vanamai tina taetae. Aia i Tamagu u betekamu kina hinaka bakotoki u vanamai tina taetae. 33A hinaka hinea i God mo hilea aia hi u hivo vanamai tina taetae u hile na ahiana lakwa na tangaloi na varamana.” #Sione 6.41,51

34Hikani ramo viti lakwae kwara, “Ko bete na hinaka hi lakwakami tigwaravu.” #a Sione 4.15; b Mat 6.11; Luk 11.3

35I Jisas mo viti lakwara kwara, “A hinaka na ahiana, i nau. Ihe hi u vanamai vaki maiau nehe marakatia te vohoki. Ihe hi u hauhuri lugu nehe madoku te vohoki. #a Sione 6.48,51,58; b Sione 4.14 36Vae nu viti lakwakamu ba kwara tulu tagaiau vae tulu he hauhuri te lugu. #Sione 20.29 37Vunuhi na tangaloi hinea i Tamagu u betera lakweau rana vanamai vaki maiau. I nau nahe horara tea letiu hinea rau vanamai vaki maiau, #a Sione 17.2,7,24; b Mat 11.28 38huri i nau nahe hivo vanamai tea tina taetae kwara na boloki lo kinau hinea i nau nu lengaia sibogu. Nu vanamai kwara na boloki lo lengalengaiana nona hinea mo horeau. #Mat 26.39; Mak 14.36; Luk 22.42; Sione 4.34; 5.30 39Aia hini mo horeau u lengaiau kwara na hatu tirakinia kwara te katukwale tiura hi mo betera lakweau. U lengaia kwara vae na rakatira tilo ahiana taliku lo rani ki rovonaki. #Sione 10.28,29; 17.12; 18.9 40I Tamagu u lengaia kwehi, kwara savira hinea rau tagaiau i nau i Natuna rau hauhuri lugu rana ahi vaki tuai. Vae i nau nari rakatira tilo ahiana taliku lo rani ki rovonaki.” #Sione 6.44,54; 11.24

41A gwaloana noi Isrel* ramo tinakaki ramo kwaha ruturutu kinia huri mo viti kwara, “I nau a hinaka nu hivo vanamai tina taetae.” #Sione 6.33,35,51,58 42Hikani ramo viti kwara, “A tangaloi hika i Jisas i natu i Sosev. Tau kikilai tamana mai retahina. ?Vunu kworohokinia hika mote viti kwara u hivo vanamai tina taetae?” #Mat 13.55; Mak 6.3; Luk 4.22

43Vunu i Jisas mo viti “Tulu hatu kwaha ruturutu kiau. 44Hete katukwale kwara ne vanamai vaki maiau, vae kehekeheki i Tamagu hi mo horeau aia neri reveia lakweau. Vunu i nau nari rakatia tilo ahiana taliku lo rani ki rovonaki. #a Sione 6.65; b Sione 6.39,40,54; 11.24 45A tangaloi* duruduruki tuai rau ulibibi na leo hi kwara, ‘Vunuvunuhi na tangaloi, i God ne huhuira.’ Vatavataha na tangaloi rana rongo i Tamagu, rana huhui tiua, vae rana vanamai vaki maiau. #Aes 54.13; 1 Tes 4.9 46I nau nohe viti tea kwara te tangaloi u tagai Tamagu. Hetea. Vae i nau vohoki nu vanamai ti God, i nau kehekeheki nu tagai Tamagu. #Sione 1.18 47Na viti bakotoki lakwakamu, ihe hi u hauhuri lugu ne ahi vaki tuai. #Sione 3.15,16,36 48A hinaka na ahiana, i nau. #Sione 6.35,41,51,58 49I ratubumiu rau kani a mana lolo vanua vuroki, vae rau mate. #Sione 6.31,58 50Vae a hinaka hi u hivo vanamai tina taetae u dolua. Ihe hi ne kani luna nehe mate tea. 51A hinaka tatoka hi u hivo vanamai tina taetae, i nau. Diko te katukwale ne kani na hinaka hi ne ahi vaki tuai. A hinaka hinea na hilea lakwae, aia hi a tarabehigu hinea na hilea lakwa na tangaloi na varamana kwara vae rana ahi.” #Sione 6.33,58

52A leo hi mo vaira ramo lologute, ramo viroro mulekinira, ramo viti kwara, “?A tangaloi hika ne bete kworohoki na tarabehina lakwakita kwara tana kania?”

53I Jisas mo kwaha maira mo viti kwara, “Kareaki na viti lakwakamu, i nau a Natu na Tangaloi, vae diko tulu nehe kani na tarabehigu tea, vake tulu nehe inumi na daigu tea, vae a ahiana ne tikei lumiu. 54Ihe hi u kani na tarabehigu, u inumi na daigu, u lavi na ahiana vaki tuai ba, vae lo rani ki rovonaki nari rakatia tina mateana vaki lo ahiana vaki tuai. #Sione 6.39,40,44; 11.24 55A tarabehigu aia a hinaka bakotoki, a daigu aia a inuinu bakotoki. 56Ihe te hinea ne kani na tarabehigu, ne inumi na daigu, aia u toka lugu, vake i nau nu toka luna. #Sione 15.5; 1 Sione 3.24 57I Tamagu hi mo horeau aia a gwataki na ahiana, vae nu lavi na ahiana tiua. Lo halaki hokinia hi ihe te hinea ne kani na tarabehigu, ne lavi na ahiana tiau. 58Hika a hinaka u hivo vanamai tina taetae. Aia hete hoki na hinaka hinea i ratubumiu rau kania tuai vae ra va mate. Vae ihe hi ne kani na hinaka hika ne ahi vaki tuai.”

59I Jisas mo toko huhui lolo vale* na tiutangaroa lo gwatuivanua Kavaneam, mo viti na leo aira vano hi.

A leo na ahiana vaki tuai

60A nona ngwalagelo rusa ramo rongo na leona, ramo viti “A huhuiana hikani u madi haburu. ?Ihe ne va rongohuri lavia?”

61A tangaloi rahe viti te lakwai Jisas, vae aia u kikilai kwara a nona ngwalagelo rusa hinea ramo toko huri lalikinia rau tuku kwaha ruturutu kinia. Mo kwaha maira mo viti kwara, “?A leo hika u vaikamu tulu mo rongo hati kwara ne ngwahikamu kiau? 62?Hika kwara vae diko tulu ne tagaiau i nau a Natu* na Tangaloi na mule hake taliku vaki lo tanotano hinea nomo hugu eia tomua, vae kworohokinia? #Bol 1.9-11 63A Tanungwe Kokona aia u hile a ahiana lakwa na tangaloi. A huirana nona tangaloi he hago te vohoki lo kinau hika. A leogu vano hi i nau nomo toko vitira lakwakamu aira a nona Tanungwe, a ahiana luga. #2 Kor 3.6 64Vae i kamu ratuaki tulu he hauhuri tea.” U kwaha hokinia hi huri u kikilai tina tinatinakakiki kwara ihe maira ranahe hauhuri tea. Vunu vake u kikilai kwara vae ihe ne tirakinia tilo kaba na nona tavaluivuro. #Sione 13.11 65Vunu mo hoke na leona, mo viti “Huri na kinau hi vohoki nu viti lakwakamu ba kwara hete tangaloi kwara ne vanamai vaki maiau, vae kehekeheki hi i Tamagu ne tirakinia neri vanamai.” #Sione 6.44

66Huri hi, a nona ngwalagelo rusa hinea ramo toko huria laliki, rau halebohi tiua rahe huria te taliku. 67Hikani i Jisas mo uhi na nona ngwalagelo hi hangavulu dongwana kairua, mo viti kwara, “?Vae i kamu kworohokinia maikamu? ?Tulu lengaia kwara tulu ne tirakiau vake?”

68I Saemon Pita mo daraki lakwae mo viti kwara, “Hugwe*. ?Kena va vano vaki mahe? I nigo a leomu a leo na ahiana vaki tuai. #Sione 6.63 69Vake i kami keu hauhuri, keu kikilai kwara i nigo a Tangaloi Kokona hi ti God.” #Mak 1.24; Luk 4.34

70I Jisas mo viti lakwara kwara, “I nau nu mataikamu hi hangavulu dongwana kairua. Vae katukwale tikamu a tanungwe hati luna.” 71U tuku kwahakwaha u viti huri i Sutas i natu i Saemon Iskariot, huri i Sutas, aia katukwale tiura hi hangavulu dongwana kairua, vae vake takuni mori tiraki Jisas tilo kaba na nona tavaluivuro. #Sione 12.4

Currently Selected:

SIONE 6: HWT

Highlight

Copy