SIONE 15

I Jisas aia hoki na vikai kareaki

1Hikani i Jisas u viti kwara, “I nau hoki na vikai kareaki, i Tamagu aia a kaitagahuri na vikai hi. 2Vunuhi na rangaki hini lugu rahe kwai tea, ne taira leletiu, vae vunuhi na rangaki hini rau kwai karea ne tai vakahakinira kwara rana kwai vakevake. #Mat 3.10; 15.13 3I kamu tulu ngwasara ba kina leo hinea nomo vitira lakwakamu. #Sione 13.10 4Tulu hariki lugu, hokinia i nau nomo hariki lumiu. Diko i kamu tulu nehe hariki te lugu, tulu nehe kwai lai tea, hoki na ranga nehe kwai lai tea sibona, diko he hariki tea lo viuki. #a Rom 11.17-18; 2 Kor 3.5; b Sione 6.56

5“I nau a viuki, i kamu a rangarangaki. Aira hi rau hariki lugu, i nau luga, ranari kwai ne bulu. Diko tulu he hariki te lugu tulu nehe vai lai te kinau vohoki. #a 1 Kor 12.12,27; b Sione 15.16; d 2 Kor 3.5 6Aira hi rahe hariki te lugu aira hoki na rangai-vikai vuroki hinea a tangaloi rau vohokinira leletiu, ra va goru. A tangaloi rana vileki tabulutaki na rangai-vikai hinea rau goru, rana vohoki tabulutakinira tilolo kabu rana va kao. #Mat 3.10; 7.19; 13.42 7Diko tulu hariki lugu, vake a leogu ne eno lumiu, vunu i kamu tulu ne uduhuri na havakinau tea hi tulu lengaia, vae tulu ne lavia. #Mak 11.24; Sione 14.13; 17.23 8Tulu ne mulemai kina nogu ngwalagelo luna hi, i kamu tulu ne kwai ne bulu. Lo halaki aia hi a hina i Tamagu ne tabe hakekiana. #Mat 5.16 9I nau nu lagwa maikamu hoki i Tamagu u lagwa maiau. Tulu hariki ne madi lo nogu lagwaana. 10Diko i kamu tulu rongohuri na nogu tulikileo, tulu neri hariki ne madi lo nogu lagwaana, hokinia i nau nu rongohuri na tulikileo noi Tamagu nu hariki lo nona lagwaana. #a Sione 14.15; b 1 Sione 2.5; 5.3

11“I nau nu viti na leo vano hi lakwakamu kwara a nogu hahavutiana ne eno lumiu, vae ne havutikamu haburu. #Sione 17.13; 1 Sione 1.4 12A nogu tulikileo aia hika, kwara tulu ne lagwalagwa maikamu, hokinia hi i nau nu lagwa maikamu. #Sione 13.34; 1 Sione 3.11,23; 2 Sione 5 13Hete lagwaana kwara u lakua siletia hika, kwara a tangaloi ne tiraki na mamaurianana huri rabuluina. #Sione 10.11; Rom 5.8; 1 Sione 3.16 14Diko i kamu tulu vai a havakinau hi nomo tuliki lakwakamu, i kamu i rabuluigu. #Luk 12.4 15I nau nahe kwarekikamu tea kwara a tangaloi boloki taliku, huri a tangaloi boloki he kikilai tea a havakinau hi a nona masi mo vai. Vae nu kwarekikamu kwara i rabuluigu, huri nu viti lakwakamu vatavataha na kinau hi nomo rongora ti Tamagu. 16I kamu tulu he mataiau tea, vae i nau nu mataikamu, nu rivukikamu kwara tulu ne vano tulu ne boloki, tulu ne kwai ne bulu, vae a kwaimiu ne eno vaki tuai. Vunu tulu ne uduhuri a havakinau hi ki Tamagu lo hinagu, vae ne bete lakwakamu. #a Sione 6.70; 13.18; b Sione 15.5; d Sione 14.13,14; 16.23 17A nogu tulikileo hika lakwakamu kwara, ‘Tulu lagwalagwa maikamu.’ ” #Sione 13.34; 1 Sione 3.11,23; 2 Sione 5

A tangaloi na varamana rana vai taratarakikamu

18Vunu i Jisas mo viti kwara, “Diko a tangaloi na varamana #15.18: A tangaloi na varamana. Kona tagai na leo hi lo savta 14.17 lo leo hinea evina halaradu. rau vai taratarakikamu, tulu ne domihagwe kwara aira rau vai taratarakiau tomua ba. #a Mat 10.22; 24.9; Mak 13.13; Luk 6.22; Sione 17.14; 1 Sione 3.13; b Sione 7.7 19Kwara vae diko tulu huri na domiana nona tangaloi na varamana aira vano hi rana lagwa maikamu huri tulu ne bulu maira. Vae i nau nu mataikamu tina tangaloi na varamana, vae tulu he bulu te maira. Huri hi a tangaloi na varamana rau vai taratarakikamu. #a Sione 4.5; b Sione 17.14 20Tulu domidomi-bibi a leo hika nomo viti lakwakamu. ‘A tangaloi* boloki vuroki he lakua tea sileti na nona masi.’ Diko aira rau vai bulabulakikiau, rana vai bulabulakikikamu vake. Kwara vae diko rau rongohuri na nogu leo, rana rongohuri na nomiu leo vake. #Mat 10.24; Luk 6.40; Sione 13.16 21Vae aira rana vaikamu kwehini huri i kamu a nogu. Rana vai kwehi huri aira rahe kikilaia te hinea mo horeau. #a Sione 16.3; b Mat 5.11 22Kwara vae diko nahe vanamai tea, vake nahe kwaha te maira, kwara vae a noga hatiana ne tikei. Vae hika ranahe viti lai tea kwara kworoho ramo vai na hatiana hika. #Sione 9.41 23Ihe u vai taratarakiau, u vai tarataraki i Tamagu vake. #Luk 10.16; Sione 5.23; 1 Sione 2.23 24Kwara vae nahe vai na boloki lalakua te hika lo livukaga, hinea a tangaloi vake dolua ranahe vai lai tea, kwara vae a noga hatiana ne tikei. Vae rau tagai na nogu boloki lalakua, vunu ramo vai tarataraki-kamirua mai Tamagu. #a Sione 14.11; b Sione 9.41 25U mule luna hokinia hi kwara a havakinau u uliana ba lo noga Tangwata* ne kworo, hi mo viti kwara, ‘Aira rau vai taratarakiau haro vuroki vohoki.’ #Sam 35.19; 69.4

26“A Kaihago ne vanamai neri hago leo huriau. Aia a Tanungwe u matangwasaraki na vitikareaki huri God, hinea u vanamai ti Tamagu, vae i nau nari horae vanamai ti Tamagu vaki maikamu. #Sione 14.26 27I kamu vake tulu neri hago leo huriau, huri i kamu tulu hugu maiau tina tinatinakakiki vaki na hika. #a Bol 1.8; 5.32; 1 Sione 4.14; b Luk 1.2; Bol 1.21-22

Currently Selected:

SIONE 15: HWT

Highlight

Copy