SIONE 16

1“Nu viti lakwakamu kwehini kwara a nomiu hauhuriana ne hatu sovi. 2Aira rana taukamu tina noga vale* na tiutangaroa. A taroki ne maravuti te tangaloi rana kwohi mateikamu rana domi kwara rau boloki noi God. #Sione 9.22 3Aira rana vaikamu hokinia hi huri aira rahe kikilaikamirua tea mai Tamagu. #Sione 15.21 4Vae nu viti na kinau vano hi lakwakamu ba, kwara vae lo taro hi rana vaikamu hokinia hi, vae tulu neri domihagwe kwara i nau nu vitia lakwakamu ba.”

A boloki nona Tanungwe Kokona

Vunu i Jisas mo hena nga mo viti kwara, “I nau nahe viti na kinau te hi lakwakamu lo tinatinakakiki, huri nu hugu maikamu radu nga. #Sione 13.19; 16.25 5Vae hikani na vano vaki maia hinea mo horeau, vae hete kwara te katukwale tikamu u uduhuri kiau kwara, ‘?Kona vano vaki ave?’ #a Sione 7.33; b Sione 13.36; 14.5 6Vae hikani nu viti kwehi lakwakamu, a domimiu rau rongo hati haburu. #Sione 16.22 7Vae nu viti bakotoki lakwakamu, u karea kwara na vano tikamu, huri diko nahe vano tea, a Kaihago hi nehe vanamai tea vaki maikamu. Vae diko na vano tikamu vunu nari horae vaki maikamu. #Sione 14.16,26; 15.26 8Lo taro a Kaihago ne vanamai ne matangwasaraki lakwa na tangaloi na varamana #16.8: A tangaloi na varamana. Kona tagai na leo hi lo savta 14.17 lo leo hinea evina halaradu. kwara rau vakasile lo kinau vano hika. Rau vakasile lo noga domidomi lo vaivai hati, rau vakasile lo noga domidomi kwara ihe u bakoto, vunu vake rau vakasile lo noga domidomi kwara i God ne areki na hava tangaloi. #Bol 24.25 9A Kaihago hi ne matangwasaraki kwara rau vakasile lo noga domidomi lo vaivai hati, huri rau bega hauhuri lugu. #Sione 5.38; 6.36,64; 7.5; 10.26; 12.37 10Ne matangwasaraki kwara rau vakasile lo noga domidomi kwara ihe u bakoto, huri i nau na mule vaki mai Tamagu, vae tulu nehe tagaiau te taliku. #Sione 13.1; 14.12,28; 16.28; 20.17 11Vake ne matangwasaraki kwara rau vakasile lo noga domidomi kwara i God ne areki na hava tangaloi, huri i Setano*, a hugwe na tangaloi na varamana, vae i God u arekinia ba vae ne magarakinia. #Sione 12.31; 14.30

12“A kinau u rusa radu nga kwara na viti lakwakamu, vae hikani u rusa haburu lakwakamu kwara tulu ne lai. #1 Kor 3.1 13Vae a Tanungwe hinea u matangwasaraki na vitikareaki huri God ne vanamai, aia neri turukikamu tilo vitikareaki vunuhia. Aia nehe viti huri na nona domidomi tea sibona, vae ne viti a havakinau hinea mo rongo, neri viti huri lakwakamu a kinau hinea rana vanamai. #a Sione 14.17; 15.26; b Sione 14.26; 1 Sione 2.27 14Aia neri tabe hakekiau huri ne lai nogu leo, ne matangwasarakinia lakwakamu. 15Vunuhi na kinau noi Tamagu a nogu. Huri hi, nomo viti kwehi kwara a Tanungwe ne lavi na nogu leo neri matangwasarakinia lakwakamu.” #Sione 17.10

Rana tagai Jisas taliku lai nga

16Hikani i Jisas mo viti kwara, “Nehe tuai tea tulu nehe tagaiau te taliku, vunu takuni tiua hi, nehe tuai tea, tulu neri tagaiau taliku.” #Sione 14.19

17A nona ngwalagelo ratuaki ramo uduuduhuri kinira ramo viti “?U viti kworohoki na kinau hi? Mo viti kwara, ‘Nehe tuai tea tulu nehe tagaiau te taliku, vunu takuni tiua hi nehe tuai tea tulu neri tagaiau taliku.’ Vunu vake mo viti kwara, ‘Na mule vaki mai Tamagu.’ 18?‘Nehe tuai tea’ hi u viti kworohokinia kwehi? Tau lengalengakinia.”

19I Jisas u kikilai ba kwara rau lengaia kwara rana uduhuri na leo hi kinia, hokinia mo kwaha maira mo viti kwara, “I nau nu viti ‘Nehe tuai tea tulu nehe tagaiau te taliku, vunu takuni tiua hi nehe tuai tea tulu neri tagaiau taliku.’ ?Aia hini i kamu tulu mo toko uduuduhuri kikamu muleki luna? 20Kareaki na viti lakwakamu, i kamu tulu ne ngara tulu ne tangi, vae a tangaloi na varamana rana lagwa. I kamu tulu ne hahakavi, vae a nomiu hahakaviana ne bohi kina hahavutiana. 21Lo taro hini a vavine u garagarani kwara ne lailai, u rongo hati, huri a tarona u maravuti kwara ne rongo hati. Vae lo taro hini i natuna mo vora, vunu a lolona u bongi kina nona rongoana hati, huri u havutia kwara i natuna mo vora tilo varamana. #Aes 13.8; 21.3; 26.17; Maeka 4.9; 1 Tes 5.3 22Aia hokinia hi maikamu. Hikani i kamu tulu hahakavi, vae i nau na tagaikamu taliku vunu ne havutikamu haburu. A nomiu hahavutiana hi a tangaloi nehe lavia tea tikamu. #Aes 66.14

23“Lo taro hi a raniki hi ne maravuti tulu nehe uduhuri na kinau te vohoki kiau. Kareaki na viti lakwakamu, a havakinau tulu ne uduhuri ki Tamagu lo hinagu aia neri bete lakwakamu. #Sione 14.13,14; 15.16; 1 Sione 5.14-15 24Tarisaki hikani i kamu tulu he uduhuri na kinau te lo hinagu. Tulu uduhuri vae tulu ne lai, hokinia ne havutikamu haburu.” #Sione 15.11; 1 Sione 1.4

I Jisas u gui na hatiana na varamana u rovo ba

25Vunu i Jisas mo vano nga mo viti kwara, “I nau nu viti na kinau vano hikani lakwakamu kina tavaluileo. Vae a taroki ne maravuti nahe kwaha tea kina tavaluileo, vae na viti huri Tamagu lakwakamu lo leo hinea u matangwasara. #Mat 13.34; Mak 4.33-34; Sione 16.4 26Lo taro a raniki hi ne maravuti, tulu ne uduhuri kinau kinia lo hinagu, vae nahe viti tea kwara i nau na uduhuri hurikamu, 27huri i Tamagu sibona aia u lagwa maikamu. Aia u lagwa maikamu huri i kamu tulu lagwa maiau, vake tulu hauhuri kwara i nau nu vanamai ti God. #a Sione 14.21,23; b Sione 3.2; 8.42; 13.3; 17.8 28I nau nu vanamai ti Tamagu nomo vanamai tilo varamana, vae hikani na tiraki na varamana na mule vaki mai Tamagu taliku.” #Sione 13.3

29Hikani a nona ngwalagelo ramo kwaha maia ramo viti “!Aia hi! Hika ku kwaha u matangwasara haburu, hete kina tavaluileo. 30Hikani keu kikilai kwara i nigo ku kikilai vatavataha na kinau. Diko te tangaloi a noga leo uhiuhi eia lolo domiga, vae i nigo ku kikilaia u rovo ba. Hikani u vaikami kemo hauhuri kwara ku vanamai ti God.” #Sione 2.24-25

31I Jisas mo kwaha maira mo viti “?Hika tulu hauhuri? 32A taroki ne vanamai, aia hika, u maravuti ba, tulu ne kwalao girigiri tiau vaki tatamiu vae nana hugu kaheau. Vae hete i nau kaheau kareaki, huri i Tamagu aia maiau. #a Sek 13.7; Mat 26.31,56; Mak 14.27,50; b Sione 8.29 33I nau nu viti na kinau hi lakwakamu kwara vae ne tangwatahakikamu huri tulu hariki lugu. Lo varamana tulu ne rongo hati. Vae tulu tu ne madi. I nau nu gui na hatiana na varamana u rovo ba.” #a Sione 14.27; b 2 Tim 3.12; d 1 Sione 5.4

Currently Selected:

SIONE 16: HWT

Highlight

Copy