A Bolokiana 2

A Tanungwe Kokona mo vanamai

1Lolona a Rani na Pentekos #2.1: A Rani na Pentekos. Kona taga A Kanikani na Pentekos lo Deksenare lo buku hika takuni. mo maravuti, a tangaloi hauhuri savira ramo vileki tabulutaki lo tanotano katukwale. #Lev 23.15-21; Dut 16.9-11 2Heheriki a roro mo vanamai tina mahaleki u roro hoki na langi lakua, mo roro doluaki na ingwa hinea ramo hugu lolona. 3Vunu ramo tagai na kinau aira hoki na luamea na kabu ramo bulukao tiluga savira. 4Hikani aira vunu ramo kukwere kina Tanungwe Kokona ramo tinakaki ramo kwaha kina leo mataroi, huri a Tanungwe u vaira kwara rana kwaha kwehi. #Mat 3.11; Luk 3.16 #a Bol 4.31; 10.44-45; 19.6; b Mak 16.17; Bol 10.46; 19.6; 1 Kor 13.1

5Hikani lo gwatuivanua lakua Serusalem a gwaloana noi Isrel* rusa rau toka takwa-hi hinea aira a tangaloi bakoto, rau domi mavaki God. Aira rau vanamai vataha na vanua lo varamana. #2.5: Vataha na vanua lo varamana. Lo noga domidomi ramo viti huri na varamana, rahe viti huri na varamana te savia, aia rau viti huri na vanuaga kehekeheki hinea aira rau kikilai. 6Lolona a vao ramo rongo na roro hika ramo vileki tabulutaki. Aira vunu rau tukutukui haburu huri vatavatahakinira rau rongora ramo kwaha kina noga leo. 7Hikani rau maruti, rau idila ramo viti “!Kwi, raka! A tangaloi aira vano hi ramo toko kwaha hokinia, aira vunu a ngwera Galili*. #Bol 1.11 8?I kita vunu tamo rongora kworohokinia ramo kwaha vatavataha na noda leo? 9Tau vanamai tina vanua rusa. Tuaki a ngwera Patia, tuaki a ngwera Mitia, tuaki a ngwera Elam, tuaki a ngwera Mesovotemia, tuaki a ngwera Sutia, tuaki a ngwera Kavatosia. Tuaki a ngwera Pontas, tuaki a ngwera Esia*, 10-11tuaki a ngwera Vrisia, tuaki a ngwera Pamvilia, tuaki a ngwera Isiv. Tuaki a ngwera Krit, tuaki a ngwera Arevia, vake tuaki a ngwera lo duvi na vanua Libia hinea garagarani mana gwatuivanua lakua Saerini, tuaki a ngwera Rom. I kita tuaki a gwaloana noi Isrel bakotoki, ratuaki a tangaloi tavalavarea tina gwaloana noi Isrel, ramo bohi tilo huhuiana nona gwaloana noi Isrel, vae i kita vunu tau rongora ramo kwaha vatavataha na noda leo ramo vitiviti huri na bolokiana lalakua hinea i God mo vai.” 12Hikani aira vunu rau idila haburu, rau rongo lengalengakinia, ramo toko uduuduhuri kinira muleki ramo viti “?A kinau hika kworohokinia?”

13Vae tuaki ramo tiuvolohi na tangaloi hauhuri ramo viti “A tangaloi vano hikani rau reraka kina inuinu.”

A leo i Pita

14Hikani i Pita mo maraka hake mana kaihora* kokona hangavulu dongwana katukwale, mo kwaha karakara mo viti lakwa na vao kwara, “Rabela, i kamu hi a gwaloana noi Isrel*, maikamu hi tulu mo toka Serusalem vake, tulu rongo na viti lakwakamu, vae tulu ne kikilai kwara a havakinau. 15A tangaloi vano hika rahe reraka tea kina inuinu hokinia hi tulu mo domi. Hikani a mataniaho galo vohoki. 16Vae a kinau hika a tangaloi* duruduruki i Soel u viti ba tuai kwara,

17‘I God u viti

“A taroki ne vanamai

garagarani mana rani rovonaki,

nari didihi na nogu Tanungwe tilo tangaloi savira.

I raranatumiu

a ngwera mana ravavine

rana duruki na leo tiau.

A nomiu ngwalagelo

rana taga a vakatabobo,

vunu a nomiu ngwarasea,

nari vosangira kina kinau lo boborea. #Joel 2.28-32

18Io, vake a nogu tangaloi* boloki vuroki

a ngwera mana ravavine,

lo rani aira vano hi

nari bete na nogu Tanungwe lakwara,

rana duruki na leo tiau.

19Vae i nau na vai a idilakiana

aulu lo taetae

kwara ne vosangi na nogu huirana.

Na vai a kaivosangi

lo varamana evina vake,

a dai, a kabu mana kabuiahu ngongota.

20A mataniaho ne dodoka,

a vula ne kara hoki na dai.

Vunu a nogu Rani, #2.20: A nogu Rani. Kona taga A RANI NONA HUGWE lo Deksenare lo buku hika takuni. i nau a Hugwe i God,

ne maravuti.

Aia a rani lakua hinea u karea haburu.

21Lo taro hi,

diko te tangaloi ne kware lo hinagu,

vae ne ahi.” ’ #Rom 10.13

22“Gwaloana noi Isrel. Tulu rongo na leo vano hika. I Jisas aia a ngwera Nasaret, i God mo lalahia mo vai na vaisea mana idilakiana mana kaivosangi rusa kwara ne vosangi lakwakamu kwara i God u horae. I kamu tulu kikilai hika huri u vaiana lo livukamiu. #Sione 3.2 23I God u kikilai, lo nona domiana sibona u domikinia ba kwara ne tau i Jisas tilo nomiu huirana. Tulu mo hago mana tangaloi doridori hati, ramo durua tilo kaibetu mo mate. #a Bol 4.28; b Mat 27.35,50; Mak 15.24,37; Luk 23.33,46; Sione 19.18,30; Bol 3.15 24Vae i God u rakatia tina mateana, mo lavia tina huirana na mateana, huri a mateana he vai lai tea kwara ne kwiribibia. #a Mat 28.6; Mak 16.6; Luk 24.5; Bol 3.15; b 2 Saml 22.6; Sam 18.4; 116.3 25A hugwe lakua i Devit u viti huria kwara,

‘Nu tagai na Hugwe i God

aia koro na nakogu tigwaravu,

huri aia tavaluki maiau lo matuagu,

kwara vae na hatu rongo hati. #Sam 16.8-11

26Huri na kinau hi

a domigu u lagwalagwa,

u havutiau haburu

lo leogu nomo viti.

A tarabehigu ne mabu,

na domi tiluna hi,

27huri i nigo konahe tiraki na tanungwegu tea

kwara ne eno lo tanotano na tanungwe na tangaloi

hinea rau mate,

konahe tiraki na tarabehigu tea

kwara ne madamada,

huri i nau a nomu Tangaloi Kokona. #Bol 13.35

28I nigo ku vosangiau

kina hala vaki lo ahiana,

vae ne havutiau haburu

huri komo loli maiau.’

29“Rabela. Na kwaha maikamu na matangwasaraki kwara a hugwe lakua i Devit a tubuki hini, u mate ramo tanomia. A tabuna u eno maikita vaki na hika. #1 King 2.10; Bol 13.36 30Vae a hugwe lakua i Devit aia a tangaloi duruduruki, u kikilai kwara i God u tuliki na leo u huira lakwae kwara vae katukwale tina nona gwaloana ne kwareki a hugwe lakua hokinia. #a Sam 132.11; b 2 Saml 7.12-13 31A hugwe lakua i Devit u tagaia kwara a havakinau hi i God ne vai, vae hokinia mo viti huri na marakaana noi Kraes* lolona mo viti ‘I God he tirakinia tea kwara ne eno lo tanotano na tanungwe na tangaloi hinea rau mate, a tarabehina he madamada tea.’ #Sam 16.10 32I God u rakati Jisas hi tina mateana, vae i kami vunu keu hago lo leoki luna. #Luk 24.48; Bol 1.8 33I God u tabe hakekinia tilo matuana, vunu i Jisas mo lavi na Tanungwe Kokona tiua hokinia i Tamana mo tuliki, u didihia hika tilumai vae hokinia hi tulu mo taga tulu mo rongo. #a Mak 16.19; Bol 7.55,56; Rom 8.34; Kol 3.1; Hib 1.3; 8.1; 10.12; 12.2; 1 Pita 3.22; b Sione 14.16-17; 15.26; Bol 1.4 34A hugwe lakua i Devit sibona he vano tea vaki lolo taetae, vae aia u viti

‘A Hugwe i God u viti

lakwa na nogu Hugwe* kwara,

“Ko hugu hikeni lo matuagu, ku mabu.

35tarisaki hi na vai na nomu tavaluivuro rana hugu tavutimu,

rana kwareki a nomu tangaloi boloki vuroki.” ’ #Sam 110.1; Mat 22.14; Mak 12.36; Luk 20.42-43; Hib 1.13

36“I kita a gwaloana noi Isrel savikita kwara tana kikilai bakotoki kwara i Jisas hikani aia hini tulu mo durua tilo kaibetu, i God mo vaia mo kwareki a noda Hugwe, vake i Vurae*.” #Bol 5.30-31

A tangaloi rusa ramo hauhuri lui Jisas

37Lolona ramo rongo na leoki hi mo hokoti na domiga, ramo viti lakwai Pita mana kaihora* kokona ratuaki kwara, “?Ratua, i kami kena vai kworoho?” #Luk 3.10,12,14

38I Pita mo viti lakwara kwara, “I kamu vatavatahakikamu tulu ne halebohi tina nomiu hatiana, tulu lai a bavtaes lo hina i Jisas Kraes, vae i God ne domidomi koro nomiu doridori hati. Vunu i kamu tulu neri lavi na hilehile noi God a Tanungwe Kokona, #Bol 3.19 39huri i God u tuliki na leo lakwakamu mai raranatumiu, vake lakwa na tangaloi rau vakahao radu. A tuliki leo hi u eno luga aira vunu hinea a Hugwe a noda God u tuku kwarera vaki maia sibona.” #a Aes 57.19; b Joel 2.32; Rom 10.13

40I Pita mo heretuva lakwara kina leo rusa vake, mo kwahabibira, mo viti “Tulu vakahikikamu sibomiu vae tulu nehe rongo hati tea mana tangaloi hati lo vanua leia.” #Dut 32.5; Sam 78.8; Vil 2.15 41Hikani aira hini ramo hauhuri lo leona ramo lai a bavtaes, a valuvaluga hinea ramo bulu maira u tari vakaitolu lo rani hi. #Bol 2.47; 4.4; 5.14; 6.7; 11.21,24; 21.20

A doridori karea nona tangaloi hauhuri

42A tangaloi hauhuri, tigwaravu lo doridoriga rau vileki tabulutaki kwara rana huhui tina kaihora* kokona. Rau bulubulu tabulutaki, rau kanikani vunu ramo kani a kanikani kokona, rau tiutangaroa tabulutaki. Tigwaravu rau huiratakinia. #Bol 2.46; 20.7 43Lo taro hi i God mo vai na idilakiana rusa mana kaivosangi lalahi na kaihora kokona, vae a tangaloi savia rau mataku haburu. #a Bol 5.5,11; 19.17; b Bol 5.12; 6.8; 14.3; 15.12 44Doluaki na tangaloi hinea rau hauhuri ramo bulu tabulutaki vunu ramo hilehileki noga vivilagoki. #Bol 4.32 45Ramo hokaki noga vivilagoki mana noga vanua ramo hileki maneki lakwara doluaki hokinia ramo lengaia. #Bol 4.34-35 46Vataha na rani ramo vano tabulutaki vaki lo Vanua* Kokona noi God, vake ramo hileki kaga hinaka tabulutaki tataga, ramo kanikani lo lagwalagwa. #a Luk 24.53; b Bol 2.42 47Ramo kaluhaki God, a tangaloi doluaki ramo domi mavakinira. Vataha na rani a Hugwe* u vakahiki na tangaloi, mo vaira ramo bulu lo bulubulu hi, vae ramo toko rusa vakevake. #Bol 2.41; 4.4; 5.14; 6.7; 11.21,24; 21.20

Currently Selected:

A Bolokiana 2: HWT

Highlight

Copy