A Bolokiana 3

A tangaloi lukuluku u ahi

1Lo rani katukwale i Pita mai Sione raru vano vaki lo Vanua* Kokona noi God lo mataniaho dori lakua lo taro na tiutangaroa. #Bol 10.3,9,30 2A ngwera katukwale u vora u luku. Vataha na rani a tangaloi rau kwalia vanamai vaki lo matakihala katukwale na loloiara* na Vanua Kokona noi God rau kwarekinia a Matakihala Karea. Mo toko longi a mane* tina tangaloi hi ramo toko vano vaki lolo Ara Kokona na Ingwa Kokona noi God. #3.2: A Ara Kokona na Ingwa Kokona noi God a korokoro luna kwara a tangaloi hinea rau lenga diko a tangaloi tavalavarea tina gwaloana noi Isrel rana hatu soro tilolona. #Sione 9.1; Bol 14.8 3Lolona mo tagai Pita mai Sione raru mo soro, mo uduhuri kirarua kwara raru ne bete te kinau lakwae. 4Raru mo taga vovohia, i Pita mo viti kwara, “Ko tagaikamirua.” #Bol 6.15; 13.9; 14.9; 23.1 5Hokinia mo tagairarua, u domi kwara ne lai te kinau tirarua. 6Hikani i Pita mo viti lakwae kwara, “I nau a nogu mane tikei vohoki, vae nana bete lakwako a kinau hi a nogu eia. Lo hina i Jisas Kraes*, a ngwera Nasaret, ko maraka ko lakao.” #Bol 3.16; 4.10; 16.8 7Vunu mo tabea kina matuai kabana, mo hago maia kwara ne tu. Heheriki vake a garuna mana hokehoke na huina ramo huira taliku, 8mo rovo hake, mo tu bakotoki kina garuna mo tinakaki mo lakao laliki. Hikani mo vano vaki lolo Ara Kokona na Ingwa Kokona mairarua, mo lakao mo vai vidividi mo kaluhaki God. #a Bol 14.10; b Sione 5.14 9A vao doluaki ramo tagaia mo lakao mo kaluhaki God. 10Vae ramo taga kikilakinia kwara a tangaloi longilongi hi mo hugu lo Matakihala Karea na loloiara na Vanua Kokona, rau idila haburu kinia, rau tukutukui haburu lo kinau hi i God mo vai lakwae. #Sione 9.8

A heretuva noi Pita lo Vanua Kokona noi God

11A tangaloi rau idila haburu ramo kwalao vaki mai Pita mai Sione mana tangaloi longilongi hi lolo varada na titiba na Vanua* Kokona noi God hinea rau kwarekinia a Varada nona hugwe lakua i Solomon. #3.11: A Varada nona hugwe lakua i Solomon, rau tabe mana titiba na Vanua Kokona noi God kwara a tangaloi rana vileki tabulutaki eia, rana hili tina uha mana aho. Lo tanotano hi a tangaloi longilongi hi mo kwiribibirarua. #Sione 10.23; Bol 5.12 12Lolona i Pita mo tagai na vao, mo viti lakwara kwara, “!Gwaloana noi Isrel*! ?Kworoho tulu mo idila kina kinau hika, tulu mo tagataga hurikami? ?Tulu domi kwara keru vai na tangaloi hikani mo lakao kina nomaru huirana, diko huri kwara i kamirua a tangaloi kokona? !Hete vohoki! 13Vae a God noi Evraham, i Aesik mai Sekov, a God noi ratubuda, aia u bete na nona karekarea lakwa na nona Kaihora i Jisas, aia hi tulu mo tirakinia tilo kaba na tangaloi lalakua. I Paelet* mo domiki utu kwara vae ne tirakinia, vae takuni tiua tulu mo bemiu kinia koro na nako i Paelet. #a Eks 3.6,15; Mat 22.32; Mak 12.26; Bol 7.32; b Aes 52.13; Sione 13.32; d Luk 23.14-23; Sione 18.38-40; 19.12-15 14I Jisas aia u kokona, u bakoto, vae tulu bemiu kinia, tulu mo viti lakwai Paelet kwara ne huri na domimiu ne tiraki na tangaloi uaua tangaloi kwara ne mule tina ingwa na gwarugwaru. #Mat 27.20-21; Mak 15.7,11-12 15Hokinia tulu kwohi matei na gwataki na ahiana. Vae i God u rakatia tina mateana. I kami keu kwareki a hagoleo huria. #a Bol 4.10; 5.30; b Luk 24.48; Bol 1.8; 2.32 16Hikani a huirana na hina i Jisas hi mo vai na tangaloi lukuluku hikani mo huira. Tulu tagaia, tulu kikilaia ba. A kinau hi i God u vai lakwae huri keu hauhuri lo hina i Jisas. A nomai hauhuriana lui Jisas mo vai na tangaloi hi a garuna mo karea hikani hokinia i kamu vunu tulu tagaia.

17“Vae hikani ratua, i nau nu kikilai kwara a havakinau i kamu mana nomiu kaitomuaki tulu mo vai vovohi Jisas, tulu vai kwehini huri tulu he kikilai tea. #Luk 23.34; 1 Tim 1.13 18Tuai lengalenga i God u vitia lalahi na tangaloi* duruduruki kwara i Vurae*, hinea i God ne hokakinia, vae ne rongo hati lo tarabehina, vae u mule luna. #Luk 24.27,44,46 19Hokinia u taritarisa kwara tulu ne bohi tina nomiu hatiana, tulu halebohi vaki mai God, vae ne kwasu na nomiu doridori hati leletiu. #Bol 2.38 20Hokinia a taro na huirana karagwa ne vanamai tina Hugwe i God, ne rakatikamu taliku, vae ne hokaki i Jisas vaki maikamu, aia hi i Vurae hinea i God u mataia u rovo ba hurikamu. 21Vae ne hugu lolo taetae tarisaki lo taroki ne vanamai huri na kinau savia ne vaiana rana mulemai rana karagwa taliku, hokinia i God mo viti lalahi na bulana tangaloi duruduruki kokona hi tuai lengalenga. 22I Mosis u viti kwara, ‘A Hugwe a nomiu God neri hora na tangaloi duruduruki katukwale tina nomiu vakabela vae ne venatu vaki maikamu hokinia mo horeau. #3.22: Lo hala kairuaki a domidomi na leo i Mosis hi lo duviki tomuaki aia hokinia hika kwara, A Hugwe a nomiu God neri hora na tangaloi duruduruki katukwale tina nomiu vakabela hokiau, vae ne venatu vaki maikamu. Tulu ne rongohuri na kinau savia hinea ne viti lakwakamu. #Dut 18.15,18; Bol 7.37 23Ihe hi nehe rongohuri tea a havakinau hi a tangaloi duruduruki hi mo viti, vae i God ne kwahekinia tina bulana tangaloi ne taua letiu.’ #Dut 18.19; Lev 23.29 24Vae a tangaloi duruduruki savia u tinakaki lui Samuel, vaki maira hinea ramo vanamai takuni tiua, aira vunu ramo viti terekaki na leo, ramo toko viti huri na rani aira hika. #Luk 24.27 25A tulikileo noi God hinea lalahi na bulana tangaloi duruduruki u tulikinira hurikamu, vunu vake a leo harikiana hinea i God mo vai mai ratubumiu tuai aia a nomiu vake. I God mo viti lakwai Evraham kwara, ‘Nari vai tabetabeki na tangaloi savia lalahi na nomu gwaloana.’ #a Jen 22.18; 26.4; b Jen 12.3; 18.18; Gal 3.8 26Hokinia i God mo matai na nona Kaihora mo horae vaki maikamu tomuaki, kwara ne vai tabetabekikamu, ne vaikamu tulu ne halebohi tina nomiu doridori hati.” #Bol 13.46; Rom 1.16

Currently Selected:

A Bolokiana 3: HWT

Highlight

Copy