NAHUM 3
3
1Ai ki natokoana ni nada! E pura ki nasorosoroana maga go navanakoana; tea kati p̃orae e da m̃elu pano mau. 2Nam̃alidaana ni namea varati, go nasaruruana ni tea taliepu maga; na‐sava‐dukutuki‐ana ni horse maga, go natam̃atam̃aluaana ni kariot maga. 3Tea sakesaake horse maga eu do sava dip̃a, lova e do pila, naio e do lida; nalapalapaana ni tea atugiana maga, taua warua ni nap̃atoko mate maga: nanopuana ni nap̃atoko mate e dika; eu do dapilagona ara: 4Nalakena narausiana warua ni nagoroi masausara leom̃atakiana go raewia, waina e pei tea manumatua nalo ni nawosidoaana maga, waina e do pitua ki nalauna maga ki namaripeleana aneana maga, go narei maga ki nawosidoaana aneana maga. 5P̃a leo, kinau a mari dip̃a ko, Yehovah ki taua maga e noa e, go aga wo lagai sugoro kovagoro anigo elagi ki naraem̃a; go aga wo pisei ki nalauna maga nam̃alam̃alaana anigo, go namarakiana maga tea ni namaliereana anigo. 6Aga wo nadi ki naloa mamaragokiana doko ako, po mari ko p̃a wo loa, po lawo ki‐go p̃a wo pei tea leopunusiana sikai. 7Go ega wo pakilina naga tea mamau puti waina eu punusi ko, euga wo sava m̃elu dua ki‐go pano, po naga, Nineveh e po pei maso maladi: sei ega wo dagisi a? Aga wo laaga tea maga waina euga wo pasapakavakale a pae esava? 8Nigo ku p̃ia p̃arua liu, Thebes, kite? Thebes waina e doko nadigi ni noaisara Naile, waina noai maga eu dalivirigoro e; waina p̃aaka kakana e pei natasi, go nakoro kakana e pei noai? 9Ethiopia go Ityipt ero pei nakasuaana aneana, go e p̃arua lomau; Put go Lubim ero pei tea silae ko maga. 10Ma nae e pei tea viragi‐lua‐ana pano, e paki navei‐naviti‐ana: tea vusavusa aneana maga eu pei tea nadi‐ki p̃oroworosiana nap̃au ni napua lapa maga mamau puti: go eu nadi ki gole raki naatam̃oli dodomadaganiana aneana maga, go naatam̃oli vakilagi aneana maga eu pei tea soli‐puti‐ana ki namori maga ni vatu. 11Nigo ma, p̃a wo matamaloku, p̃a wo daratara; nigo ma, p̃a wo laaga tokora nasava‐sili‐ana sikai nalakena tea kokona ki‐go maga. 12Nasum̃a kasua anigo maga euga wo dakiusi napuliva maga waina eu dau ki nawa matua vea: waina eu pe vei tea variakiana, nawada eu pe rowo paki nawoka ni tea kanikani. 13P̃a leo, narei anigo m̃aleoputo kakam̃a eu pei nagoroi mau; namata‐pua maga ni navanua anigo eu dap̃olaga doko raki tea kokona ki‐go maga: nakapu e gani dinomi tea walagoto anigo maga. 14P̃a tum̃am̃a pautu noai raki nakelugoroana, p̃a mari nasum̃a kasua anigo maga euga kasua: p̃a vaki tokora ni naruku po dip̃adoa e, p̃a mari upu ni brik ega kasua p̃ia. 15Tokora wanogoe nakapu ega wo gani ko asa; lova ega wo daelua ko, ega wo gani puoli ki‐go dakiusi tipekini: p̃a tum̃am̃a mari ko p̃a laapa dapala tipekini, p̃a tum̃am̃a mari ko p̃a laapa dapala midiri. 16Ku mari naatam̃oli sorisori anigo maga eu laapa liu m̃asoe maga ni nakoroatelagi: tipekini e mari sa ki po diri pano. 17Tea maraki anigo maga waina eu suni vauvau eu dapala midiri maga, tea midiri anigo maga eu dakiusi taua maga ni midiri waina eu sili doko nakoro ulua maga naaleatia ni namaladiana, ma ragi waina elo e sake, eu diri pano, go tokora waina eu doko asa e da pei tea ataeana mau. 18Tea leo parati ki anigo maga eu maturu daratara, nawota ni Assiria O: tea viviatu anigo maga eu maturu: narei anigo maga eu daperavera doko tava maga, go naata waina ega viragi saisai ki da e dika. 19Namanuka anigo e da disu pakitano mau; wotu anigo e pavaga p̃arua sa: tea laapa waina eu dogo narogorogoana nalo kakam̃a, eu do p̃osawosa ki nam̃elearuda dap̃au ko; nalakena sei e ko doko waina tea sa anigo e ko da pakilina ki nia pitip̃atip̃a mau?
Currently Selected:
NAHUM 3: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
