NAHUM 2
2
1Tea waina e p̃oka p̃oraworae e sake umai dip̃a ko: naatam̃oli p̃a vavaigoro tokora kasua; p̃a vavaigoro napua, p̃a tasoki namalom̃a ega kasua, nakasuaana mamau anigo ega kasua p̃arua. 2Nalakena Yehovah e moro piragi liliua ki natatap̃auana ki Yakob, dapala natatap̃auana ki Israel: nalakena tea vuti‐luapavakotoana maga eu daki lua puti ra, po mari sa ki ara ni vaine adeada maga. 3Nakokoro ki m̃aau aneana maga e po miala, naatam̃oli navakalo maga eu pei tea sugoroana ki tea miala‐kesakesa: kariot maga eu do pila dakiusi mena ni nasulu naaleatia ni namarim̃ataana aneana, horse adeada maga eu dam̃atam̃alua. 4Kariot maga eu midi doko napua lapa maga, eu dum̃ada saragoro ra napua welewelea maga: naleopunusiana kakada eu laga dakiusi nasulu maga, eu sava dapala navila. 5E midoaki parati ki tea viviatu aneana maga: eu dapilagona nasurataana adeada; eu sava m̃araverave paki p̃aaka kakana, go tokora sili e pei tea marim̃atakisuaana. 6Namatapua maga ni noaisara maga eu dap̃olaga, go nasum̃a kasua ki naveinawotaana e manainai. 7Nawota nagoroi e pei tea tuatiluaana doko lina, po pei tea viragi luapavakotokiana pano, go tea suasua nagoroi aneana maga eu do susue, eu do gigi dapala nadaleo ni tokopea maga waina eu do mua, go eu do dapagi narum̃ada maga. 8Ma Nineveh e pei tea tuai dakiusi m̃oru noai sikai waina e dap̃a doko: ma eu ko do sava pano; eu pioso, po naga, Kuga tu dorogo! Kuga tu dorogo! Ma te naata e da leo kitaku mau. 9Kuga tape tea vuapavakoto ni silver, kuga tape tea vuapavakoto ni kold: nalakena naleo tauakiana eu laapa liu, eu marisa nopu mau, sara naleo wia ni nasogolapaana. 10Nae e p̃alo doko, e pinovinoi, e pei maso maladi: go nap̃op̃o e do sara, go nap̃atua maga ero dum̃ada duki ra, navitivitinuana e doko naware maga mamau puti, go naraeda maga mamau puti eu do datare. 11Tokora sili ki laion maga wai? Go valea ki laion tureai maga wai? Tokora waina laion, go laion goroi, go natuna eu sili paki asa, go te naata e da mari ra eu mataku mau? 12Laion e kati p̃oraworae pataka ni natuna maga, po magi laion goroi aneana maga kati punuvunue, po mari valea aneana maga eu pura ki tea waina e kati soki a, go tokora sili aneana maga ki tea waina e kati p̃oraworae ra. 13P̃a leo, kinau a mari dip̃a ko, Yehovah ki taua maga e noa e, go aga wo dap̃ara ki kariot anigo maga ki naasua, go lova ega wo dae dinomi laion vusavusa anigo maga: go aga wo daelua tea kati‐p̃oraeana anigo m̃elu dua ki maramana, go nadaleo ni tea tautauana anigo maga euga wo da moro pei tea rogoana mau.
Currently Selected:
NAHUM 2: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
