JENESIS 10
10
1Go tea maga waia eu pei navakilinaana maga ni Noah natuna naanoai maga, Shem, Ham, go Yafeth: go natuda naanoai maga eu madeada pakilina edaku ki natave.
2Yafeth natuna naanoai maga; Comer, go Makok, go Madai, go Yavan, go Tubal, go Meshek, go Tiras. 3Go Comer natuna naanoai maga; Ashkenas, go Rifath, go Tokarmah. 4Go Yavan natuna naanoai maga; Elishah, go Tarshish, Kittim, go Dodanim. 5Nara naure maga ni nalauna maga eu pei tea tap̃otawotaeana ara navanua adeada maga, sara naatam̃oli pae namenada maga; pae naworada maga, nalauna adeada maga.
6Go Ham natuna naanoai maga; Kush, go Misraim, go Put, go Kanaan. 7Go Kush natuna naanoai maga; Seba, go Havilah, go Sabtah, go Raamah, go Sabteka: go Raamah natuna naanoai maga; Sheba go Dedan. 8Go Kush e pesi Nimrod: nae e atulake pei tea marimatua navanua. 9E pei tea valako marimatua narae ni Yehovah: nalakena tea wanogoe eu noa, Dakiusi Nimrod tea valako marimatua narae ni Yehovah. 10Go naatulakeana ni namarakiana aneana e pei Babel, go Erek, go Akad, go Kalneh, navanua ni Shinar. 11E m̃elu dua ki navanua wanogoe paki Ashur pano, po davagi Nineveh, go Rehoboth‐Ir, 12go Kalah, go Resen namawota ni Nineveh go ni Kalah (tea wanogoe e pei natokoana warua). 13Go Misraim e pesi Ludim, go Ananim, go Lehabim, go Naftuhim, 14Go Pathrusim, go Kasluhim (waina Filistine maga eu m̃elu ara pano), go Kaftorim.
15Go Kanaan e pesi Sidon tea takalapa aneana, go Heth; 16Go naworawora ni Yebus, go naworawora ni Amor, go naworawora ni Cirkash; 17Go naworawora ni Hivah, go naworawora ni Arka, go naworawora ni Sina; 18Go naworawora ni Arvad, go naworawora ni Semara, go naworawora ni Hamath; go ragi edaku naworawora maga ni Kanaan eu sokapule. 19Go kokoi ki naworawora ni Kanaan e pae Sidon pano, waina ku paki Cerar, pa pa pa po paki Casa; waina ku paki Sodom go Comorrah go Admah go Seboim, pa pa pa po paki Lasha. 20Tea maga wanogoe eu pei Ham natuna naanoai maga, pae naworaworada maga, pae namenada maga, navanua adeada maga, nalauna adeada maga.
21Go magi Shem, tama ni Eber natuna maga mamau puti, tai takalapa ni Yafeth, natuna maga eu maneana ma pakilina. 22Shem natuna naanoai maga; Elam, go Ashur, go Arpakshad, go Lud, go Aram. 23Go Aram natuna naanoai maga; Us, go Hul, go Cether, go Mash. 24Go Arpakshad e pesi Shelah; go Shelah e pesi Eber. 25Go natuna naanoai dua ero magi Eber pakilina: nagisa ni tea sikai Pelek; nalakena naaleatia aneana maga, maramana e pei tea tap̃otawotaeana; go nagisa ni taina e pei Yoktan. 26Go Yoktan e pesi Almodad, go Shelef, go Hasarmaveth, go Yerah; 27Go Hadoram, go Usal, go Diklah; 28Go Obal, go Abimael, go Sheba; 29Go Ofir, go Havilah, go Yobab: tea mamau puti wanogoe eu pei Yoktan natuna naanoai maga. 30Go natokoana adeada e pae Mesha pano, waina ku paki Sefar, tava ni taleva ni elo sake. 31Tea maga wanogoe eu pei Shem natuna naanoai maga, pae naworaworada maga, pae namenada maga, navanua adeada maga, pae nalauna adeada maga.
32Tea maga wanogoe eu pei Noah natuna naanoai maga naworaworada maga, pae navakilinaana adeada maga, nalauna adeada maga: go nara nalauna maga eu pei tea tap̃otawotaeana ara maramana edaku ki natave.
Currently Selected:
JENESIS 10: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
