AMOS 6
6
1Ai ki tea maga waina eu doko dam̃ate doko Sion, go ki tea maga waina eu doko p̃ia doko tava ni Samaria, naatam̃oli vakilagi maga ni nalauna wia liu, waina tea ni nasum̃a ni Israel eu rumai punusi ra! 2Kuga tuagoto paki Kalneh, po leo punusi a; go kuga vae tokora wanogoe pano paki Hamath warua: go pae tokora wanogoe siwo paki Cath ni Filistine maga pano: nara eu p̃ia liu namarakiana maga waia, kite? Kite kokoi adeada e p̃arua liu kokoi animu, kite? 3Ku midoa ki nia naga kuga toropusi naaleatia ni nasaana ega toko uvea, ma ku mari malo tasake ni namaripavakotoana e umai paki m̃aladigi; 4Ai ki tea maga waina eu kere one nawewele maga ni napati ni elefant, po dum̃ada pitosi ra vala adeada maga, po do gani shiip natuna maga m̃elu navata, go kau natuna maga m̃elu m̃aleoputo ni kelu; 5Waina eu lega nalegaana p̃alo maga ki nadaleo ni harp; waina eu dum̃ada madeada mari tea woka naleo ni nalegaana maga, dakiusi David; 6Waina lasa munu adeada ni waine e pei boul, go waina eu dum̃ada puvurai ki da ki naroro lolo wia liu maga; ma eu da susue nalo ni narogokitesaana ni Yosef mau. 7Nalakena tea wanogoe sala waia nara euga wo pei tea vea maga ki tea maga waina euga vei tea viragi‐lua‐pavakotoana pano, go namari‐darataara‐ana ki tea maga waina eu dum̃ada pitosi ra, ega wo pano puoli. 8Yehovah Sup̃e e pivisa doko natapuana aneana, Yehovah, Sup̃e ki taua maga, e noa e: e naga, Kinau a mamarago ki navakilagiana ni Yakob, po pilosi nasum̃a kasua p̃aakagoroana aneana maga: nalakena tea wanogoe aga wo pitua ki natokoana go tea mamau puti waina eu doko asa doko. 9Go ega wo pakilina, waina naatam̃oli rualima sikai eu pe vei tea toropusiana doko nasum̃a sikai maau, ma euga wo mate. 10Go ragi waina naata sikai tea ni m̃aladigi ki nia sikai waina e maneana mari natap̃arakiana sikai, ega wo dape dakati a naga ega tape lua navatuna maga m̃elu dua ki nasum̃a, go ragi waina ega wo noa ki tea waina e doko em̃ago tukituki ni nasum̃a, ega wo naga, Naata sikai e ko doko sikoti ko doko, kite? Go ega wo naga, Ee; go ega wo naga, P̃a vunuta; nalakena tuga ta noa nagisa ni Yehovah mau. 11Nalakena kuga leo, Yehovah e pitip̃aki, go nasum̃a ki tea vakilagi ega wo pei tea atugiana po pei tea mari‐p̃oraworaeana, go nasum̃a ki tea vakitano ega wo pei tea marip̃oroworosiana. 12Horse maga eu do sava vatu maga, kite? Tea sikai ega wo sisi natasi ki oks maga, kite? Ma nimu ku doa naleanaana e pei noai kokona, go nawa ni namarinaleoleanaana e pei nakokonae: 13Nimu waina ku laelaeagoro naleo p̃alo sikai, waina ku naga, E da pae nakasuaana aginami mau naga au dum̃agami maginami peani napati maga, kite? 14Ma kuga leo, aga wo sike nalauna sikai ega tuleana dip̃a mu, nasum̃a ni Israel O, Yehovah, Sup̃e ki taua maga, e noa e; go euga wo diesoki mu pae tokora ni nasiliana paki Hamath pano pa pa liliu noaisara ni Arabah.
Currently Selected:
AMOS 6: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
