Israelfɔ Ɩlʋ 51
51
Ɩwɩasɩnu Mpaɩ
Igyi kanfʋ-lʋ ha ɩlʋ osunapʋ. Ɩlʋá Dawid lɔwa brɛá Bulu ɔnɔsʋ ɔtɔɩpʋ Natan lɛba mʋ wa, mʋ Batseba kle ɔma.
1Oo Bulu, fʋ ɔdwɛá ɩma ɔka sʋ
wa awɩtɔlɛ ha mɩ.
Fʋ nwewun sʋ tsitsi mɩ lalahɛ.
2Fwɩ mɩ tsitsa lɛ mɩ ɩwɩ,
afʋgyʋra mɩ lɛ mɩ lakpantɔ,
3tsufɛ nyin lalahɛá nabwɛ.
Mɩ ansɩ dɩn mɩ lakpansʋ bregyibrɛ.
4Fʋ nkʋlɛ, fʋ nkʋlɛ pɛ napʋ ɩla gyi.
Nabwɛ ɩtɔá igyi lalahɛ fʋ ansɩtɔ.
Mʋ́ sʋ fʋbʋ ɔkpa ha mɩ ɩpɔn,
ɔhaa mɛ́ɛlɛ fʋ ɩla.
5Negyi ɩpɔn brɛá bɔkwɩɩ mɩ.
Brɛá mɩ yin dɛ mɩ ɔmɛ kʋraa a, lakpan ɔbwɛpʋ ngyi.
6Ɔnɔkwalɩá itsu ɩklʋn ɔtɔtɔ fʋtekle.
Mʋ́ sʋ suna mɩ ɩklʋn ɔtɔtɔɔtɔ nyansa.
7Pʋ ɔtsandɩ gyʋra mɩ, mɩ ɩwɩ ɩtɩn.
Bie mɩ ntsu, mɩ anlɩn fɛ atsufolibi.
8Ha mɩ annu asʋn ánɩ́ ɩbɛ́ha ansɩ bégyi mɩ.
Ha ansɩ igyi mɩ awuá fabiabia.
9Bun ansibi mɩ lakpansʋ,
afʋtsitsi mɩ lalahɛ fɛ́ɛ́.
10Oo Bulu, bwɛ ɩklʋn ánɩ́ mʋ́tɔ lɔwankɩ wa mɩtɔ,
afʋlapʋ ɔŋɛ pɔpwɛá ɩbʋ ɔnɔkwalɩ wa mɩtɔ.
11Mátswɩ mɩ tsalɩfwɩ.
Máhɔ fʋ Ɔŋɛ Wankɩhɛ lɛ mɩ ɩbɩ.
12Lapʋ ansigyiá ɩbʋ fʋ nkpahɔtɔ wa mɩtɔ.
Ha fʋ asʋnsʋgyi ɩbwɛ mɩ ɔdwɛla.
13Nósuna aha ánɩ́ bʋtamagyi fʋ mblasʋ fʋ ɔkpa,
lakpan abwɛpʋ béyinki ba fʋ wa.
14Oo Bulu, mɩ nkpa ɔhɔpʋ Bulu,
natsitsa obugya, sikie mɩ.
Mɛnɩ nɔ́wa fʋ nkpahɔ ɔkpayi.
15Mɩ Wie, bwii mɩ ɔnɔ,
mɩ antswɩ ope kanfʋ fʋ,
16tsufɛ afɔdɩɛ tamagyi fʋ ansɩ.
Nɩ nɔbɔ atɔtɔhɛ-afɔdɩɛ ha fʋ kʋraa a, fʋmedekle.
17Afɔdɩɛá fʋtekle gyi ɩklʋn ánɩ́ ɩlanu ɩwɩasɩ.
Oo Bulu, fʋtamakɩ ɔha ánɩ́ alanu ɩwɩasɩ si lakpan bwɛ, ki nwun.
18Bwɛ yile ha Sion, afʋgyi mʋ bʋalɛ.
Layinki yi Yerusalem abunti.
19Mʋmʋ anɩ afɔdɩɛ yile ibégyi fʋ ansɩ,
abɔ́bɔ atɔtɔhɛ-afɔdɩɛ pʋ́ atɔ ogya-afɔdɩɛ#Lew. 16:27,
labɔ nnantswie-afɔdɩɛ fʋ afɔdɩɛ-ɔswɩsʋ ha fʋ.
Currently Selected:
Israelfɔ Ɩlʋ 51: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
