Israelfɔ Ɩlʋ 50
50
Ɩpan Gyi Afɔdɩɛá Bulu Tekle
Asaf kanfʋ-ɩlʋ.
1Bulu, Otumipʋ, Nana Bulu dɛtɔɩ.
Alatɔɩ tɩ ɔyɩtɔ aha fɛ́ɛ́,
tsu owi ɔdalɩkpa yeyi mʋ́ ɔkplɩwiekpa.
2Bulu tɔwankɩ tsu Sion,
wuluá ɩbʋ akɩlɛ ɔyɩtɔ fɛ́ɛ́.
3Anɩ Bulu ɔba, ɔmɛ́ɛkpa ɔnɔ bun.
Ogya plɛnplɛn gya mʋ nkpa, ɩdɛ ntobi hɔ.
Afu kinkiinkin lɛkafia mʋ.
4Alatɩ ɔsʋ mʋ́a asɩ befia
ánɩ́ obégyi mʋ aha asʋn.
5Ɔbɛɛ, “Mlɩkpa aha ánɩ́ bʋtamakpa mɩ ɔma wa abatɔ ha mɩ.
Aha amʋʋ bʋtɔbɔ afɔdɩɛ, ka ntam ha mɩ amʋ!”
6Ɔsʋsʋ ɩdɛ mʋ ɔnɔkwalɩ ɔwan lɛ,
tsufɛ Bulu onuto amʋ gyi asʋn ogyipʋ. Ɩya.
7“Oo! mɩ ɔmá, mlɩnu asʋn ánɩ́ nɛ́blɩ.
Israelfɔ, nɛ́lɛ mlɩ ɩwɩ asʋn blɩ.
Mɩ anfɩ gyi mlɩ Bulu nɩ.
8Megyi afɔdɩɛá mlɩdɛbɔ ha mɩ ɩwɩ asʋn ndɛblɩ.
Mlɩ atɔtɔhɛ-afɔdɩɛ ɩbʋ mɩ ansɩtɔ bregyibrɛ.
9Tamɛ hɔ mmɔ́ɔhɔ mlɩ nnantswie
mʋ́a mlɩ akpala,
10tsufɛ pututɔ mʋ́a abʋsʋ mbwɩ fɛ́ɛ́
bʋgyi mɩ klɛ.
11Mɩbʋ afutɔ mbubwi pʋ́ mbwɩá bʋna ɔsʋlʋsʋ fɛ́ɛ́.”
12“Nɩ akʋn dɛ mɩ a, mmɛ́ɛbla mlɩ,
tsufɛ mɩbʋ ɔyɩ mʋ́a mʋ́tɔ atɔ fɛ́ɛ́.
13Ntamawɩ nnantswie aye,
ntamanun akpala obugya.
14Pʋ ɩpan bɔ afɔdɩɛ ha mɩ,
afʋka akɔá fotsula ha mɩ Ɔsʋsʋʋsʋ Mʋ Wie.
15Kpoli mɩ fʋ ɔkplankɛ, nɛ́lɛ fʋ;
afʋwa mɩ numnyam.”
16Tamɛ Bulu dɛ ɔha lalahɛ mʋ́ fɩtɛ ɔbɛɛ,
“Ɔkpa ɔmɔmʋ sʋ fʋdɛ mɩ amandɩɛ blɩ,
ntɛ pʋ mɩ ntam dɩnka fʋ ɔnɔsʋ?
17Tsufɛ fʋ mʋ́ fʋtamakleá ntswii fʋ.
Fʋtɔtswɩ mɩ asʋn ɛ tsalɩfwɩ.
18Fowun owikplu fakpla buo mʋ.
Fʋa mbʋa atɔpʋ bʋ mba.
19Asʋkpan kugyikʋ tɛtalɩ dalɩ fʋ ɔnɔ.
Fʋhɩɛ fʋbʋ afunu.
20Fʋtetsia asɩ blɩ fʋ pio ɩwɩ asʋn.
Fʋtɛtalɩ kpɔɩ fʋ yin mʋ bi kʋraa.
21Ɩnɩá fʋdɛ ntobi anfɩ fɛ́ɛ́ bwɛ
mmɛkpla fʋ sʋ a, fʋkɩ fɛɛ, ngyi fɛ fʋ.
Nɛ́lɛ mʋ́ fɛ́ɛ́ blɩ,
wa ɩyɩn wa fʋ ngya.”
22“Mɩsʋ atanpʋ, mlɩyi ɩnɩ oyibi.
Nɩ megyi alɩ nɛ́tɩtɩ mlɩtɔ pransapransa,
ɔhɔpʋ ɔkʋkʋ má ɩnʋá ɔbɔ́hɔ mlɩ.
23Ɔha ánɩ́ ɔtɔpʋ ɩpan bɔ afɔdɩɛ ha mɩ
lawa mɩ numnyam.
Ɔha ánɩ́ ɔna yilebwɛ ɔkpasʋ a,
mʋ nɔ́hɔ nkpa.”
Currently Selected:
Israelfɔ Ɩlʋ 50: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
