Israelfɔ Ɩlʋ 42
42
Ɔwʋlʋ 2sɩ
(Israel Ɩlʋ 42-72)
Bulu Dunka Ɩkplanbɩ
Kora abi atosuna ɩlʋ ha ɩlʋ osunapʋ.
1Alɩá nani tɛnatɩ dunka abʋnkpatɔ ntsu a,
alɩ ntodunka Bulu nɩ.
2Bulu ɔmɛwʋlɩ dɛ mɩ ɔkla.
Ɔmɛwʋlɩ dɛ mɩ ha Bulu ɔkɩankpapʋ.
Ɔmɛnkɛ nówun mʋ?
3Ntsú ɩtsan mɩ ɔpa-onye,
tsufɛ mɩ alupʋ bʋdɛ mɩ fɩtɛ bregyibrɛ bɛɛ,
“Nkɩ fʋ Bulu amʋ mɛ?”
4Nɩ nɛkaɩn alɩá mʋ ɔdɔm bʋteyi opiansʋ a,
asʋn tɛhan mɩ ɩklʋn.
Tsufɛ alɩ brɛ amʋtɔ ntegya amʋ́ nkpa,
anɩtɔpʋ ɩpan mʋ́a ope yɔ Bulu woyitɔ brɛá anɩdɛ nkɛ gyi nɩ.
5Mɩ ɔkla, ntogyi sʋ asʋn dɛ fʋ han alɩ?
Ntogyi sʋ fawa nwɛ alɩ?
Pʋ ansɩ dɩnka Bulusʋ,
tsufɛ nɛ́lakanfʋ mɩ bʋalɛ ogyipʋ 6pʋ́ mɩ Bulu.
Asʋn dɛ mɩ ɔkla han.
Mʋ́ sʋ ndɛ Yordan ntsu ɔnɔ ɔsʋlʋ,
Hermon ɩbʋ pʋ́ Misar ɩbʋsʋ kaɩn.
7Faha ntsu labʋla wa mɩ, fɛ ntsuá ɩbʋ oklu dɛda,
ntɛ ntsu bʋlahɛá ɩdɛkpayi ɔwʋnlɩnsʋ.
8Ekekegyiɛkɛ ɔyɩkɛhɛ Nana Bulu tɔpʋ mʋ ɔdwɛá ɩma ɔka sɩsɩ mɩ.
Onyegyionye ntɔwa ɩlʋ kanfʋ mʋ.
Ntɔbɔ mpaɩ ha mɩ Bulu. Mʋtɛha mɩ nkpa.
9Nɛfɩtɛ mɩ Bulu, ogyi mɩ ɩbʋta mbɛɛ,
“Ntogyi sʋ fatan mɩsʋ?
Ntogyi sʋ mɩ alupʋ bʋdɩn mɩsʋ,
mʋ́ sʋ nɔ́wa nwɛ natɩ tsʋntsʋn?”
10Ɔblɔla ánɩ́ mɩ alupʋ bʋdɛ mɩ bwɛ,
bʋdɛ mɩ fɩtɛ bregyibrɛ bɛɛ, “Nkɩ fʋ Bulu amʋ mɛ?”
ɩlabwɛ ɔlɔ wa mɩ awútɔ, ɩdɛ mɩ dwiin.
11Mɩ ɔkla, ntogyi sʋ asʋn dɛ fʋ han alɩ?
Ntogyi sʋ fawa nwɛ alɩ?
Pʋ ansɩ dɩnka Bulusʋ,
tsufɛ nɛ́lakanfʋ mɩ bʋalɛ ogyipʋ pʋ́ mɩ Bulu.
Currently Selected:
Israelfɔ Ɩlʋ 42: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
