Israelfɔ Ɩlʋ 43
43
Nana Bulu, Gyi Mɩ Asʋn Ha Mɩ
1Oo Bulu, gyi mɩ asʋn ha mɩ.
Kɔ ɔmá ánɩ́ bʋtɛkpa fʋ ɔma.
Lɛ mɩ tsu afunupʋ pʋ́ lalahɛ abwɛpʋ anfɩ ɩbɩtɔ.
2Tsufɛ fʋgyi mɩ Bulu pʋ́ mɩ ɔtanʋkpa.
“Ntogyi sʋ fasi mɩ wa ɔkpa?
Ntogyi sʋ mɩ alupʋ bʋdɩn mɩsʋ,
mʋ́ sʋ nɔ́wa nwɛ natɩ tsʋntsʋn?”
3Ha fʋ ɩwankɩ pʋ́ fʋ ɔnɔkwalɩ ɩkpa mɩ ya
fʋ onuto ɩbʋ amʋʋ igyi fʋ otsiakpa amʋsʋ.
4Mɛnɩ nɔ́yɔ Bulu afɔdɩɛ-ɔswɩ asɩ ɩnʋ.
Nɔ́yɔ mɩ Buluá ɔtɛhɩɛ ha ansɩ tegyi mɩ wa.
Oo Bulu, mɩ Bulu!
Nɛ́da ɔsankuo kanfʋ fʋ.
5Mɩ ɔkla, ntogyi sʋ asʋn dɛ fʋ han alɩ?
Ntogyi sʋ fawa nwɛ alɩ?
Pʋ ansɩ dɩnka Bulusʋ,
tsufɛ nɛ́lakanfʋ mɩ bʋalɛ ogyipʋ pʋ́ mɩ Bulu.
Currently Selected:
Israelfɔ Ɩlʋ 43: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
