Mateu 3

Yoano Chipapachisa yambujola

(Tala nawa Mar 1:1-8; Luk 3:1-18; Yoa 1:19-28)

1Ha matangwa waze#3:1 ha matangwa waze: Yoano yabutula kwambujola ngwe ha mwaka 27. Tala Luk 3:1-3. Yoano Chipapachisa yeza, yabutuka kwambujola mu puya ya Yudea ngwenyi: 2“Alumukenu ku mbunge, mumu Wanangana wa mwilu hiwakundama.”

3Yoano, mwenawo ambulwile mukwa munanyi wa Zambi Izaya ngwenyi:

“Mutambi wa mutu yoze wakukololoka mu puya ngwenyi:

‘Lulikenu jila ya Mwene,

Iulamisenu yikoka yenyi.’ ”

4Yoano te kakuzala mahina a kulinga ni mona ja kashitu munene, kamelu, ni muya wa kubu mu zalilo yenyi. Yalialia makumbi ni wuchi wa mu yambu. 5Akwa Yerusaleme, ni akwa Yudea eswe, ni akwa chifuchi cheswe te chasulangana ni lwiji Yordau yeezaza kuli Yoano. 6Yaashikisa milonga yo, mba Yoano yaapapachisa papachisa mu lwiji Yordau.

7Ha kumona Afariseu#3:7 afariseu: yimwe mbunga ya Ayuda waze asele tachi kufunga Shimbi ja Mose ni Shimbi jikwo jize Ayuda te haanawezela ku Shimbi jize. ni Asaduseu#3:7 asaduseu: yimwe mbunga yikepe ya Ayuda, chibichibi ya mahako waze atayijile shina mikanda ya Ubutukilo ndoo ku Shimbi ya Mukanda wa Zambi. anji kaanezaza hanga aapapachise, Yoano yaahula ngwenyi: “Yenu, vungu lia yihili, iya unakanutoweza kuchina ufwatulo wa Zambi uze muukeza? 8Lingenu yitanga yize muyilweza ngwo, hinwalumuka ku mbunge. 9Kanda nunyonga ni kulisamba ngwenu: ‘Abrahama kali kashakulu ketu,’ mumu ngunanwambe ngwami, Zambi mahasa kwalumuna mawe wano ni kwapwisa vungu lia Abrahama 10Zambi hasa kulu njimbu ku miji ya mitondo. Mutondo weswe uze kuushi kwima mihuko yibema maupakula ni kuumbila mu kahia. 11Yami ngunanupapachisa ni meya mu kulweza ngwo, hinwalumuka ku mbunge. Alioze yoze meza kunyima liami makanupapachisa ni Mwiku wa Linanga ni kahia. Kananguhiana yami. Chatelele nichimwe kujitula sapato jenyi. 12Kali ni lwalo mu kwoko lienyi wa kufuza nacho mbuto. Makakungila tiriku yenyi mu chila, alioze yizungu makayocha mu kahia kaze kukeshi kujima nichimwe!”

Yoano yapapachisa Yesu

(Tala nawa Mar 1:9-11; Luk 3:21-22)

13Hohene Yesu yakatuka ku chifuchi cha Galilea, yeza ku lwiji Yordau kuli Yoano hanga amupapachise. 14Yoano yamukanda ngwenyi: “Chatamba yena ungupapachise yami, kuchi uneza kuli yami?” 15Alioze Yesu ngwenyi: “Chitayize haliabwila. Mumu Chenacho chatutamba kumanununa ululi weswe.”

Mba Yoano yamutayiza. 16Muze Yoano hamupapachisa, Yesu yatutuka mu meya. Ha shimbu lizeliene mwilu yimwazulukila. Neye yamona Mwiku wa Zambi nikumuhulumukina ngwe liembe. 17Yevwa liji mwilu ngwo: “Yono mwe Mwanami yoze nakuzanga kuhiana, nakuwahilila nenyi.”

Currently Selected:

Mateu 3: CHK1970

Highlight

Copy