Malakayị 4
4
KỊNỊNYANAḄỌ Ḅe Eneḅaka Mẹ Ḅoarị
1Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa. 2Kụma ọmịnị ị̀ ḅịḅị pokiarị apụ ma, ọmịnị karakaraye-mịẹapụ mẹ ḍuko-wasamarị ịrụa mẹ obi-gwọọ kụrọ kẹ saakị tẹ ḅịya ọ́ sarama ḅara. Ó kiki ofori ḅara kẹ ḅioḅẹlẹ ḅa, asambịrịma anama koko-yọ ḅụ ịn pakama-ḅo tẹ mịẹ-mịẹ ḅara pembe ḅara. 3Àrị à mịẹ ḅẹ ye mịẹ ḅẹ ene mẹ ḅụ, ó si-sịḅịḅio-sụapụ ma nẹngịma ḅa, tẹ ịn fọọn kịka ḅa ọmịna aḅụọ suku-ḅio ḅụ.”
4“Ọmịnị ị̀ fịrịmẹnjịḅọ Mozizi toluma aị ma kẹ ḅiokoromaa, à sụa oloko ma na à tọn koroma aị ma na Sayịnayị Tụndụ ḅụ, tẹ à kẹ ọ̀ pịrịm ọ̀ kẹ ị̀ atomi Izirẹlịapụ pịrị tẹ in poki tẹ mịẹ ḅẹẹ oloko ma.”
5 #
Mat 11.14; 17.10-13; Mak 9.11-13; Luk 1.17; Jọn 1.21 “Kụma tẹrẹmẹ KỊNỊNYANAḄỌ ḅe opu ḅalafama ene mẹ ḅo, àrị ị̀ ịkịankoroḅọ Ịlayịja kẹ ọ́ fịrịma ḅa. 6Ọ̀ ḍapụ na awọmẹ na ọkị-ḅo siin gboloma ḅa, ọkọ-a kụma à ḅofa ḅo ọmịna bebe amakiri mẹ guluguluma.”
Currently Selected:
Malakayị 4: KBTP
Highlight
Share
Copy
Want to have your highlights saved across all your devices? Sign up or sign in
(C) The Bible Society of Nigeria
