Kəth Apos Labar Ata Kəra Kakaɗə Ni
Labar Ata Kəra Kakaɗə Ni
Baɗitari kakaɗər Kəthlər Aposəlayeri, an kakaɗu natə mdə ku ləkəma ni ata mnya kakaɗər Luka. Mwaɓər mdə na ku rəbutə kakaɗə ngəni na olari, an ka tsa ngkərɓəla apatə Mambəl na Ɓɗakkarkara ku pwar mji nu Yesu na ntangkəma akwa ngkər labar na msəra ni akwa Urushalima, ka Yahudiya, ka Samariya ka kəl ka datər duniya 1:8. Kakaɗə ngəni an labar ata kəra ləkəmar mjir Krishan, baɗita akwa nca mjir Yahudi ka ləkəma har tə ku sə ndzi an hamta jiri ar shanga mji na akwa duniya. Mdə na ku rəbutə kakaɗə ni tsuwa ata bara ncanta aka mji na ata karatə kakaɗə ni abbər, mjir Krishan da aɗi mji na ata bara mula, wala bara hilantə gwamnati ar tsəɗiyir mjir Rom wa. Tsuwa hamta jirər mjir Krishan an nghyaɓəladzi addinər mjir Yahudi.
Kakaɗər Kəthlər Aposəlayeri ku ndəkəidzi akwa bwayeri makər na ata ngkərɓəla su ata kəra bwa natə mdə ku ngkər labar na msəra ata kəra Yesu akwa, ka vəi natə ikələziya ku ncidzi akwa. 1. Bwar kakaɗə ni na ntangkəma an ata kəra baɗitər ləkəmar Krishankur akwa Urushalima, ka ata kəra mwarər Yesu amtazi. 2. Bwa na suɗkur an ata kəra titiləmtadzər Krishankur akwa bwar tsəɗi Yahudiya. 3. Ka bwa na makərkur an ata kəra ləkəma Krishankur akwa bwar duniya na kalaktə Mandar Meditereniya har ka mzhitə Rom.
Su na olta shang akwa kakaɗər Kəthlər Aposəlayeri an Kəthlərər Mambəl na Ɓɗakkarkara, natə tsa ku si ka duna ata kəra mjir nuwa ahar Urushalima akwa virər Pentikost, ka apatə tsa ku ləkəma akwa pwar ikələziya ka jaktə duna aka ikələziya ata kəma duku kəga mjir pwar ikələziya, ka akwa shanga kəthlərayeri natə mdə ku rəbuta akwa kakaɗu ngəni. Labarər Krishankur na akwa baɗitari, mdə ku jaktə namtə ɗa kwadang atar hangkur ar ngkər ndərayeri, ka suayeri natə mdə ku rəbuta akwa kakaɗə ngəni ata kəra kəthlərayeri ata ncantə dunar labar ngəni akwa ɗəffa mjir nuwa, ka akwa mwardzər ikələziya.
Suayeri Na Akwa Kakaɗə Ni
Ɗəmhədzi kamnyar ngkər labar 1:1-26
a. Tsawur Yesu na aghəl ta shang ka alkawalər ni 1:1-14
b. Mdə na ku ndzi ata vəya Yahuda 1:15-26
Ngkər labar akwa Urushalima 2:1-8:3
Ngkər labar akwa Yahudiya ka Samariya 8:4-12:25
Kəthlərər Bulus 13:1-28:31
Lənggur Bulus na ntangkəma 13:1-14:28
Tsaptədzi ahar Urushalima 15:1-35
Lənggur Bulus na suɗkur 15:36-18:22
Lənggur Bulus na makərkur 18:23-21:16
Ndzəndziyir Bulus akwa pərsəna ahar Urushalima, ka Kaisariya, ka Rom 21:17-31
Mdə ku mwantə Bulus ahar Rom 27:1-28:31
Currently Selected:
Kəth Apos Labar Ata Kəra Kakaɗə Ni: KNB
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.