Matthew 20
20
1Kā ī da īkē awīnāqīs uḵs numā‐yhisa ī gla wā baqānum gūgwāda, ḵā lāwilsā ḵā gālī nāh‐īda kās lē hīlāḵ īāḵulilgisa kā īs awīnāqīs.
2La ēk‐ākyaul gla wī da īaāḵulā‐īnūḵ kā quarter kinē sī ḵōḵ numḵ sāḵ nālā, la yālāk zaulīs‐as lāḵīs awīnāqīs.
3La lāwils ḵā lā nānamā zā kīla, la doqilā ḵā ātl‐ogwila glāk‐glōs kīyōs uḵsū lāḵā klāsānau‐yī,
4La nīk dāḵwuk; hā gik dāḵw‐la ogwākā lāḵun awīnāqīs, hīmīsin zawē klī da hītl‐ā kla lūtl: lāk dāḵw mīs.
5La ītīd lāwils ḵā lā nakēla gla wī da lā yūdūh zā kīl qātl nakēla, hī um ḵa ā wīs qīh‐īdī.
6La sikyā zā kīl qātl nakēlāḵs lā ī lāwilsa lā doḵ‐wāklila ḵā ātl‐ogwila glāk‐glos la nīk dāḵwuk, mā zīs glōs dāḵw‐ītla lāq sinbund ḵwā nālāḵ kīyōs uḵsa‐wā?
7Lāk dāḵw nīk yuk, kēgl‐āḵs kīyosa ī baqānum hīlā gāḵunūh: la nīk dāḵwuk, hā gik dāḵw‐la ogwākā lāḵun awīnāqīs
8Gil mīs linsī da klīsila, ḵā gīkumā‐ya sa awīnāqīs nīk ḵīs hatlā‐kulilgis, klīlāla laga ḵā īaāḵulā, kās hatlāka ūs‐as hatlākumk dāḵw klāk, gēbind lāḵā ātlilḵs‐dīk dē lāga ā lāḵā gālā bīk dē.
9Gilk dāḵw mīs gāḵī da hīlānumk dē ḵā lāk dī sikyā zā kīl qātl nakēla, lāk dāḵw zaw sū nāwhā sa quarter.
10Gil mīs gāḵī da gilk dī hīlānum, lāk dāḵw wūtl‐um nīnkīkul kēkāwī klis uḵ‐klā, au um ḵa ā wīs quarter zawēk dāḵwāk.
11Gilk dāḵw mīs uḵ‐īduk, lāk dāḵw wutl‐um kīkayūt ḵā gūgwādī,
12Nīkya, yik dāḵw gada ātlilḵs‐dīk num zā kīla mīk īāḵula, lās namātlā mas um kuky gla wunūh, yiḵ gānūh tlā‐whamā‐līk sinbun dā um ḵwā nālāḵ, hī mīs kā zilqē sa klīsila.
13La nānāḵmī ḵā numūqī lāk dāḵwuk, nīkya, ādē, kīyos yāksāmun qīh‐īda as ūtl; kīs dās ēk‐ākmun hatlā‐kās quarter lūtla?
14Uḵ‐īdaga ḵā hūsī kās lā ūs, hīmun zawē kluḵ gada ātlilḵs dīk ḵun zaw yūtl.
15Kīsa ī ēk kun hī mī qīgīlin qayū kun qīgīla tsa nūs ma? klīklis‐tautla sa kā un ēkīnāya?
16Yū mīs qētla ās klūḵ, yiḵā ātlilḵs da‐yī gālā‐gīwī‐kl, lā klī da gālā‐gīwāyī ātlilḵs dī‐kl: kā īḵs kīnumā ī da klīlā‐lāqa, hūlatl bīdū tī da doka‐wāqa.
17¶ Lī Jesus qayūtlil lāḵ Jerusalem uḵ‐īd ḵā mālū‐gwagīyū disciples hīgāmā la nīk dāḵwuk lāḵā diyhilā.
18Doqātlā laga, la munts qayūtlil lāḵ Jerusalem; lā klī da Kwanūqa sa baqānum zawē‐kl lāḵā gī‐gakumā‐yī priests gla wa scribes, lāk dāḵw klī nīk‐kl kā tlilēs,
19Lāk dāḵw‐kl ḵā ī zaw klis lāḵā Gentiles kā māmī‐klatla sa wī sīs, glū kās whisā sa wīs, glū kās glapī‐dāyū wī‐kl lāḵā kayū‐yaula: lā klī qilāk‐īdāmā‐tsū‐kl ḵā lā‐kla yūdūh pun whas nālā‐kl.
20¶ Wa gāḵī abumpas sāsum‐as Zebedee gla wīs sāsum, umyā‐ḵāk, lā ḵa ā hawāḵ‐ulā ḵā numk‐īdatlē lāk.
21La nīk ḵā zadāk, mā sīs uḵ‐īḵsda sa‐wā? nīk tī da zadāk‐āk, wīga nīk kā gada mālūgwun ḵwanūqa kā qasātlī lāḵ sik, numūq lā ḵūs hītl‐kyūda‐kē yūs, kā numūqī sī lā ḵūs kumḵūda‐kē yūs, lā ḵīs gīkā sa ūs.
22Au mī sī Jesus nānāḵmī nīkya, kīs dāḵwus kauklilā ḵīs uk‐kyāla sa wūs: hītl‐āzaulāk dāḵw mas nāḵ‐īda ḵā qāstā ḵun nāḵ‐īd tsū kla? lāk dāḵw nīk yuk hītl‐āzaula munūh.
23La nīk dāḵwuk, ḵun qāstē aulāk dāḵw klis nāḵ‐īd kluk: wa lā‐glāḵ qātla lāḵ gin hītlkyū‐dakā, gla wun kum‐ḵūdakā, kīs glā nūs kun zaw‐ya, zawē um‐kl wīs glī lāk dāḵwī da qāqutlīla gītlak sin Umpa.
24Gil mī sī da nakōq wud‐klilā ḵīk, lāk dāḵw zībūs‐īdisa mālūq nātl‐numwiyūta.
25Lī Jesus klīlālāk dāḵwuk nīkya, kauklilāk dāḵw ma ā kūsā ḵā gī‐gakumā‐ya sa Gentiles hānā‐gāzīk dāḵwā as, gla wī da ī‐awīla gīkumīk dāḵwā as.
26Kīs glā klis hī qīx dāḵw klī: yiḵī da lā kla awīla‐kī klūs wīga yhī hīlūbātl zanā yūs:
27Yiḵī da gīkumī kla lāk dāḵw‐ūtl, wīga yhī īāḵulilgis‐ūs:
28Hī qīx ī da Kwanūqa sa baqānum kīsa ī gāḵ kās aāḵ‐sīla sa‐wī, hīd kās hīlūbātl zanā‐yī, hī mīs kās zawē sīs baqānum īnāyī kā kyalūm ḵā kīnum.
29¶ Yiḵs lāk dāḵwa ī kās‐īd gēh‐īd lāk Jericho, kīnum zī‐kyas tī da līlqalā‐klāyī lās‐kumēk.
30A dok, mālūq papās bī‐baqānum qāstau līs ḵā diyhila, gilk dāḵw mīs wudklilāḵ Jesus āḵs hayākulā ī, lāk dāḵw hāsil, nīkya, Gīkumī, wāḵ la wōs unūh, yūtl ḵwanūqs David.
31Lī da līlqalā‐klāyī kyiltā‐lāk dāḵwuk, kā kwīklatlāk dāḵwīs: auk dāḵw mīs ḵuntl‐īd, la hāsilā nīkya, Gīkumī, wāḵ la wōs unūh, yūtl ḵwanūqs David.
32La glāḵ‐wālīsī Jesus, kās klīlalīk, la nīkya, mās dāḵwīs qayau ūs kun qīh‐īda‐ās‐ūtl?
33Lāk dāḵw nīk yuk, Gīkumī, kā dih‐īdīs gānūh kī‐kayākus‐ik.
34Lī Jesus wōs‐ts, la pāstū‐duḵ kī‐kayākus dāḵwas: hīh‐īdik dāḵw mīs dīh‐īda, kās lāskumā yīk.
Currently Selected:
Matthew 20: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
