Matthew 12
12
1Hī mīs lāk dums Jesus ḵā Sabbath lāḵā awī‐nāqīs qāḵula tsa zīzidanū; hī mīs pōskā‐āz disciples as, hī mīs la qilpau‐la tsī ḵā ōḵtau‐ya sa zīzidanū, kās hamāpīk.
2Lī da Pharisees doqilāk la nīk yuk, doḵ, disciples ūs uḵ‐ā āḵā kīs hītl‐kolum uḵ sū ḵoḵ Sabbath īḵ.
3Au mīs nīk lāk dāḵwuk, kīs dāḵwas gā‐gādūq sīlāḵ qīh‐īda as wotlas David, yiḵs lā otlā pōskā, gla wī da wa‐oq maulotla‐sī;
4Qīh‐īda as wotlas‐īḵs la otla la‐īkl lāḵ gūqas God, kās humh‐īdī ḵā hamēkamā‐lītl, ḵā kīs wotla hītl‐kolum kā hamēs, gla wīs wa‐oq maulotla, hīyha‐mī da priests hamāpuk?
5Kīs masī ḵād gā‐gādūq sīlāḵ lāḵā wātldum as God, qīgīlasa sa priestā ḵā Sabbath lāḵā temple īāḵulā āḵā Sabbath, kīs tā ozagīlā‐qā?
6Lā tin nīk yūtl, yik gada gīgilīsilāk lāḵwā awī‐nāqīs‐īḵ awīlā‐kāwā‐yī gā sa temple.
7Gilk dāḵw um lāḵ wī sis kauklilā lāḵuḵ qībatla‐asas gada, ēwhilin klāḵ wīwāḵ‐bazā lazī, kīs hī dī sacrifice, kīs lāḵs dis ozagīlā ḵā kīs yāksāmā.
8Kā ī da Kwanūqa sa baqānum‐ḵs Gīkumā‐ya asa Sabbath.
9¶ Hī mīs la kās‐īda‐ātsīk, kās le lā la‐īklā lāḵ hī‐hawāḵulāzīk dāḵwas:
10La doqilā ḵā numūq baqānum tlilk zana: lāk dāḵw wudklāk, nīkya, ēk zau ma īḵs hītlāk dumā ī da Sabbath? kāk dāḵws ozagīlā mī lāḵuk
11Au‐mīs nīk lāk dāḵwuk, ungwī da baqānumā lāk dāḵwūtl, ḵā uḵnū‐gwādēs num lāmādo, gil um lāḵ wīs qakyā‐ḵātl zau lāḵ lāḵā wunkēsī lābuq ḵā Sabbath, kīs lāḵā ī dāh‐īda lā kā, kās uḵ‐wūtl zū dīk?
12Au ma wīs glī ēkyā‐kāwā‐ī da baqānum‐ā sa lāmādo: hī mīs ek‐ītl um sīḵs hītlāk dumā ī da Sabbath.
13La nīk ḵī da baqānum sāh‐īdāgā tsūs āyasūḵ: la sāh‐īda; la mīs ēk‐īdā maza‐wa, hī qīx ī da up‐zūtl zana.
14¶ Lāk dāḵwī da Pharisees lāwilsa kās kwīḵulāk dāḵwī kā ī, kās tlilā mas dāḵwī lāḵuk:
15Kauklilā mī sī Jesus āk la bōs: kīnum zī kyas tī da lāskamā yāk, la ek‐īdā mas nāwhāk;
16La hayāklūlā ḵā līlqalā‐klā‐yī, kā kīs dāḵwīs kālā māz:
17Kā aulāmī lāḵ sī da wātldum otlas Isaiah ḵā prophet wotla, nīkya,
18Dok, gin ḵwanūq, yiḵun la qayūbiza‐ya; ḵgin tlāwhilak, yiḵ ēkī‐kamas gin naukik: la mun zaw klisin Spirit‐ī lāk, lā klī hī qīx klī da dādalītā ḵā kīs mātl‐tēlāḵ God.
19Kīs klī katātla‐kl, kīs‐kl hāzuḵs‐tāla; kīs um‐kl ḵā ī wudglitl lāḵā glāsānau‐yī.
20Yiḵā nulḵutl kla reed kīs klī kūḵs‐und kla kī gla wa qāyhilā kla kītum‐kl kīs klī kilḵīd kluk lāga‐ā‐kl lāḵīs ēkyauk dum‐kl lāḵīs ēkyauk dum‐kl lāḵīs hēkaula īnāyī.
21Lā klī da līlqalā‐klā‐yī hēlī‐kātlas glīkum as.
22¶ La gāḵ yū ī da numūqī lāk uḵnūgwādisā demon, papās ḵād, umḵoḵsīla: la ek‐īdā masuk, lā gītls yāka‐gātlī da umḵok dī doḵ‐wāklilā ḵād.
23Nāwhā mī sī da baqānum ḵunyasas, nīkya, īzau yū‐um Kwanūqs David?
24Lā tī da Pharisees wudklilāk, la nīkya, kīsa oḵ da baqānumḵ lāwūdā lāḵā demons, hīyha‐um lāwēla masītl zūḵ kī Beelzebub ḵā gīkumā‐ya sa demons.
25Kauklila mī sīḵ nīnkīkīk dāḵwas, la nīk lāk dāḵwuk, yiḵā nāwhā līlqalā‐klīḵs qilyākaulā‐ī yāk‐īda i, gla wī da nāwhā town glū lā ḵī da numskums gūqa yiḵs qilyā‐kaulā‐ī kīs klī hēk‐sē um‐kl qā‐īs‐kl:
26Gil um lāḵ wī sī Satan zukodālā lāḵuḵ Satan, la mīs qilyā‐kaula um lāk; wētlā zau tā klī hēk‐sē gītl um klas qā‐īs klī awī‐nāqīsas?
27Wa gil um lāḵ wī sin hē lāwē mas‐ītl lā ḵī Beelzebub ḵā demons, ungwā tī lāwēlā masītlā sūs sāsum ākūs? Hī gītl um‐kl wīs dādalītā klū‐kl.
28Wa gil um lāḵ wī sin he zukodālā gītl lā ḵī Spirit as God ḵā demons, gāḵ mī sis gāḵāklilaz awīnāqīs as God.
29Wa ītl lā ḵī ḵā‐īda numūq baqānum lāḵ gūqa sa tlōqī‐mas baqānum‐a, kās tlīnamīḵ māmī‐kyas as, hīga‐um kō yitlīdā ma wīs glā lāḵā tloqī‐mas baqānum? lā lāḵ wīs gla ēk lāḵ tlīnamā lāḵuḵ guq‐as.
30Yiḵī da kīsa qāsāwī gāḵun hī‐um klīsīlā gāḵun; gla wī da kīsa kapē gla wun gwītlā tē.
31Nīkītl‐ūtl yiḵā nāwhā yēkinā‐ya gla wa blasphemy klalīsta‐āq‐kl lūtl baqānum: lā tā klī da blasphemy ḵā Holy Spirit kīs‐kl klalīstaāq‐kl lūtl baqānum
32Yiḵī da num skum‐ūd klas yāksum wātldum lāḵ Ḵwanūqa sa baqānum, klalīsta‐āq klī lāk: wa yiḵī da ozūdāla klā ḵā Holy Spirit, kīs klī klalīsta‐āq‐kl lāk, kīs‐kl lāḵwā awīnāqīsīḵ, kīs um‐kl ḵād lāḵā gāḵ‐kla.
33Wē yhī ēk‐īdā matsū um lāḵī da glōs, glū ēkyā masuḵ nūna‐wīmas as; glū qulsā mas um lāḵā glos, gla wīs nūna‐wīmas qulsa: kā ī da glos āḵs mātl‐tītla ī kā īs nūna‐wīmas.
34Yūtl māyūglum dāḵw sa sītlum, wīk‐īdā zau lāḵās sīḵs ya‐īksāma‐īḵ, wātldum nūq sa ēk? kā īḵs hī mā ī wātldum sa simpsī qāīzā sasa naukā‐yī.
35Yiḵī da ēk baqānum gāyūtl zaul lāḵīs ēgālazī gāḵsa nāwhā ēkya: lī da yāksāmī baqānum gāyūtl zaul lāḵīs yāgālazī gāḵsa nāwhā yāksamā.
36Lā tin nīk yūtl, yiḵ nāwhā kla wolāla yū klis baqānum, nītlāk dāḵw klī sīs nīnākītl lāḵā dādalītā‐unḵ klā.
37Kā īḵs hī mā a kūs ēkmūdum gītl klīs wātldum klā ūs, hī um ḵa ā wī sīs wātldum klā ūs yākmūtā gītl klūtl.
38¶ Wa lī da gāyūtlī lāḵā Scribes gla wa Pharisees nānāḵmīk, nīkya, Kākoklā‐mas, nīkunūh kunūh doḵ‐wāklilīḵ māmātl‐tīgā‐ya lūtl.
39La nānāḵmī nīk lāk dāḵwuk, ḵā yāksamā īautlīd līlqalā‐klī dādoḵ‐wāklilā āḵ māmātltīkyā‐ya; kīyōs tā‐kl māmātl‐tīkī‐kl zawē kluk, hīgā‐mī da māmātl‐tīkyā‐yas Jonah ḵā prophet wotla:
40Kā Jonah otla yūdūh pun whas gla wa yūdūh‐wuḵs otla kānūtl gīkyā‐īzī ḵā qayim otla; yūdūh pun whas um‐kl ḵa ā wī sī Kwanūqa sa baqānum yūdūh wūḵsā‐kl kānūtl gīgākīk dum klasī ḵwā awīnāqīs‐īḵ.
41Yiḵ bī‐baqānum as Ninevah glāḵ‐wīdī‐kl lāḵā dādalīta unḵ kla glū‐kl gāda līlqalā‐klīk, kās mākzā‐masī klukik: kāk dāḵwuḵs lā ī klāyū ḵīs nī‐naukā‐yī kā wātldum as Jonah; doqātlā lagā‐ḵs, awīlā‐kāwā‐yī gādas Jonah otla.
42Yiḵ queen as Sheba glāk‐wīdī kla lāḵā dādalīta‐unḵ kla glū‐kl gāda līlqalā‐klīk, kās mākzā‐masī klukik, kā īḵs gāyā‐nāqila otl lāḵā qīsālē lāḵwā awīnāqīs‐īḵ kās hūklīlīḵ naukādālāzī yotlas Solomon; doqātlā lagā‐ḵs awīlākāwā‐yī gādas Solomon otla.
43Gil mā ī da kīs ēk spirit lāwē lāḵā baqānum, lā tā lā‐lāksaul lāḵā lumwhā awīnāqīs, ālē kās yhūs‐īdā‐ās, kās kīyōsī khā sa‐wa.
44Hī mīs la nī‐gāts, āīdaākā lēyhin lāḵun gūqa ḵun gāyu‐wilza sa; wa gāḵ khā kīḵs lūbītlā‐ī, ḵīqilīlqā, glūḵs lā ī hāyātl‐tsīlāqā.
45La kās‐īd, kās lē uḵ‐īda ḵā adglabū ogwila spirits ḵunklila yākyā‐kāwīs, wa lāk dāḵw la‐īkl lāk kās hēksē‐mī lē: wa lī da la ātl qīxdum sa baqānum yākyā‐kāwīs gilk tī qīx zāts: hī‐um ḵa ā wīs lā‐kl qīx‐zas klisūḵ da yāksamīḵ ātl līlqalā‐klā‐ya.
46¶ Yiḵs kīs mā ī qātl glīḵs‐ālā ḵā kīnum baqānum, doḵ, abump‐as gla wīs nātl‐numwiyūt glāḵwun‐ḵayā, wātldum nūqīḵs duk.
47Numūq tī da nīk yāk, dok, abāsī glū nātl‐numwiyūt glāḵwun‐ḵayā, watldum nūqīḵs dūtl.
48Aū‐mīs nānāḵmī nīk ḵā nītlēk, ungwā zin abumpa? ungwī ḵa un nātl‐numwiyūta?
49La sāh‐īd tsīs āyasū lāḵīs disciples, nīkya, doḵun abump gla wun nātl‐numwiyūt.
50Yiḵī da nānā‐kīgī klāḵ naukā‐ya sin Umpa yiḵā hē lī da īkē awī‐naqīs, hī mī sin numwiyūtī, glū wāqī, glū abumpī.
Currently Selected:
Matthew 12: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
