Matthew 13
13
1Hī mīs lāk dums Jesus lā‐wils lāḵā gūq, kās lē qā‐īs lāḵā kla‐mā‐īs.
2Kīnum zī‐kyas tī da gāḵ kāpīko lāk, hī mīs lā‐gītl‐ts lāḵs lāḵā sakilīs, la qāḵsālāk; nāwhā mī sī da kīnum baqānum glāk‐gla‐wīs lāḵā klamā‐īs
3La kīnum‐ī wātldum as lāk dāḵwuk lāḵā parables, nīkya, doḵā zimīnūḵ, la kās‐īd kās lē zimā;
4Yiḵs lā ī zimā, qupā‐līsilī da wa‐ōq zimza‐īmas lāḵā diyhilā, gāḵī da pīpāglū‐mas humhīduk
5Qupā‐līsī da wa‐ōq lāḵā tīza‐qīs, ḵā kīyōs aula‐um uḵ‐ātsā dikyā: la hālā‐gūstau, kā īs kīzīnāyī wunka‐gīla lāḵā awī‐nāqīs:
6Wa gil mīs īkya‐gīlī da klīsila, la qamilhīda: kā īḵs kīyosa ī klūpik, lā gītl‐ts whilsīda.
7Qupakā tī da wa‐ōq lāḵā yāksamī kītum la qāḵ‐īdī da yāksamī kītum, kās tākyau‐na mīk:
8Qupuls tī da wa‐ōq lāḵā ēk awī‐nāqīs, la qāḵ‐īda ā tsā hīmā‐ūmas, lākinda punī da waoq, kaklā‐skum gūstau punī da wa‐ōq, yūdūhsum gūstau punī da wa‐ōq.
9Yiḵā puspāyū nūqā, wīga yhī wud‐klilā.
10Gāḵī da disciples, kās nīkīk, māsīs nīkītlā sa parables lāk dāḵwuq?
11La nānāḵmī kās nīkīk, kēglā‐glā sīḵs hītl‐kōlumā ākūs kauklilāk īsā kau‐glitl tsūḵ lāḵā īkē awīnāqīs, kīsā glatl hītl‐kōlum kauglitl dāḵw sūḵ.
12Yiḵī da uḵnū‐gwādē, hī‐um zaw sū klī, la mī sī kīnum klī uḵ klas: hī mī sī da kīsā uḵnū‐gwāda, lā klī ītū‐ḵwā sū klī la wāh uḵs.
13Hī mī sin lā‐gītl nīk sa parables lāk dāḵwuq, kā ī da doqātla īnāyī kīs dāḵwūḵ doqila; gla wī da wud‐klilā īnāyī kīs dāḵwūḵ wud‐klilā, kīs dāḵw um ḵa ā wī sūḵ āyūsilā.
14La mī sī wātldum otlas Isaiah aulāmā lāk dāḵwuq, yiḵā nīkya, yiḵs hūklīlī klīḵ lāk dāḵw klis wud‐klilā‐kl, lā‐kl ḵa ās kīs āyūsilākl; glū doqātla doqilāk dāḵw klis, kīs tā klis qilbātl‐tū‐kl:
15Kā oḵ nī‐naukā yāḵ sa bī‐baqānum‐ḵs lā īḵ kīs khēlī‐kātla, lāk dāḵwūḵ quns‐qundā ā tūq‐wīd sūs pusbāyū dāḵwīḵ, lāk dāḵwūḵ putlumk‐īda ḵūs kī‐kayākus‐īḵ; kās kīsī lāḵ doqilāk dāḵw lāḵ sūs kī‐kayākus‐īḵ, glū wudklilā lāḵ sūs pusbāyū, glū ābūsilāk dāḵw lāḵ sūs nī‐naukā‐yīḵ, hī mīs ko klāyū lāḵ, lā lāḵun ek‐īdā mas dāḵw lāḵuq,
16A zīs ēkyāḵ sūs kī‐kayākus‐īḵ kāḵs doqilā‐īḵ, gla wūs pusbāyūḵ kāḵs wud‐klilā‐īḵ.
17Lin aul nīk yūtl, klā kīḵs kīnumā‐ī da prophets wotla gla wa ēsak wotla bī‐baqānum wātlā‐kīlotl kās doqilī ḵūs lāk dāḵwā kūs doqitla, lotlī kīs doḵ‐wāklilāq; glū kās wudklilē ḵūs wud‐glitl dāḵwā kūs, lotlī kīs wudklilāq.
18¶ Hūklīlā kinātl dāḵw lāḵ qībatla asas parable‐a sa zimīnūḵ.
19Gil ma ī da numūq wud‐klilāḵ wātlduma sa īkē awī‐nāqīs, kās kīsī āyūsilāk, wa gāḵī Satan, uḵ‐īd ḵā lāk tī wāh zimē lāḵ naukā‐yas: ga mīs zimēkt lāḵā diyhilā.
20Wa yiḵī da zimā‐yī lāḵā tīzaqīs, ga mīs wud‐klilā ḵā wātldum, hīh‐īdā mīs ekīkula lōkluk;
21Wa kīyōs tā klūpiks lāk, kīs tā kētla: gil mīs tlālā‐whīlāh‐īd kā ī da wātldum, hīh‐īdā mīs wānīḵ‐īd.
22Wa yiḵī da zimzākā lāḵā yāksāmī kītum, hī‐um wud‐klilā ḵā wātldum, awīlil‐kutla sa awīnāqīs‐īḵ, hī mī sa wātlā‐kēlēḵ kī‐kayādī, tātā‐gāla ḵā wātldum, kīyōs tā lā hīma‐ūmas.
23Wa yiḵī da zimā‐yī lāḵā ēk awī‐nāqīs, hī‐um wud‐klilā ḵā wātldum, glū āyūsilāk; ḵā hīma‐ūmazadī, la gāḵā masuk, lākinda punī da wa‐oq, kaklā‐skum gūstau punī da wa‐oq, yudūh sum gūstau punī da waōq.
24¶ Lī sa ogwila parable lāk dāḵwūḵ, nīkya, yiḵā īkē awī‐nāqīs numā‐yhisa ī gla wa numūq baqānum yiḵā zimē sa ek zimza‐īmas lāḵīs awī‐nāqīs.
25Gil mī sī da baqānum mīḵā, gāḵī da klīsīlēk zimzākā sa yāksāmī zimza‐īmas lāḵā zīzidanū, kās bowēs.
26Gil mīs qāḵ‐īda, gāḵ nītl‐īda ā tsa hīma‐ūmas, gāḵ nītl‐īd ogwākī da yāksāmī kītum.
27Gāḵī da ī‐aāḵulil‐gisa sa awīnāgwī‐zadī kās nīkīk, īzauk tas hī‐um zimyū‐wī da ekī zimza‐īmas lāḵīs awī‐nāqīsū sa? Wīzau gāyotlī da yāksāmī kītuma?
28La nīk dāḵwuk, hī dī da klīsīlē hī qīhīduk: lāk dāḵw nīk yuk, nīk mī sis kunūh lāunūh uḵ‐amū kaulā kā?
29Au‐mīs nīkya, kī; āklas aāḵ‐ginālāḵ‐uḵ klūpikya sa zīzidanū, kāsū lā lāḵ uḵ‐amū kaulā lāḵā yāksāmī kītum.
30Wīgā yhī numā‐gūs taul qāḵā kā hē klis lā‐kl klūkla‐punuḵ‐kl: gil um‐kl wīs klūklapunuḵ‐kl lā klin nīk‐kl ḵā kī‐kīklilī‐zīnūk, kāpēkau um as‐kl gil ḵwā yāksāmīḵ kītum, yiklāq ka yaītl‐tsimā‐līsūḵ kā whumtī‐kl tsūḵ: kapī‐zaula lā yhī glā ḵā zīzidanū lāḵun gūq.
31¶ Lā ḵa ī sa ōgwila parable lāḵ dāḵwuk, nīkya, yiḵā īkē awī‐nāqis‐uḵs hē ī qīx ī da num skum stū mustard zimza‐īmas, yiḵ uḵ‐īd sa‐wa sa numūq baqānum, kās zimh‐īdīs lāḵīs awīnāqīs:
32Yiḵī da aula umāyā‐kī sūḵ nāwhāḵ zimza‐īmas: gil mīs glā qāḵ‐īda, kās wālāzakayē sūḵ qāsqaḵulāḵ, kās glos‐īdī, kās gāḵaīda pīpāklū‐mas qaza‐kē klilāḵ klinā‐kyas.
33¶ Lā ḵa ī sa ogwila parable lāk dāḵwuk; ḵā īkē awī‐nāqīs‐uḵs hē ī qīx‐ī da bābā‐wāyū, yiḵ uḵ‐īd tsa‐wa sa zadāk, kās qalākla‐kēs lāḵā yūdūh wuḵ klā quḵā, la nāwhā um bāwhī‐da.
34Nāwhā um gāda wātldums Jesus lāḵā kīnum bī‐baqānum nīk sa parables; kīs nīk sa kīyōs parable lāk dāḵwuk.
35Kā aulāh‐īdā mī lāḵ sī da wātldum otla sa prophet, nīkya, yākagātl klin klasin simps yisa parables; nīk klin kla sī da qalā‐gluq dē gēh‐īd lāḵ gilgālī‐sa otlūḵ da awīnāqīs‐īḵ.
36¶ La yālāḵ‐īd ḵā kīnum bī‐baqānum kā lālāgīs, lā la‐īkl lāḵā gūq: gāḵī disciples‐as lāk, nīkya, āyū‐zūdas gāḵunūh whā sa parable‐a sa yāksum kītum sa awī‐nāqīs.
37La nānāḵmī kās nīkīk, yiḵā zimē sa ēk zimza‐īmas hī‐um Ḵwanūq sa baqānum;
38Hī mīs awīnāqīs‐ūḵ da hayēs‐tālīs‐īḵ awī‐nāqīs; yiḵā ēkī zimza‐īmas hī‐um sāsum sa īkē awīnāqīs; lā tī da yāksāmī kītum sāsum sa yāksāmā;
39Hī‐mīs klīsīlī da zimh‐īdēs yik Satan; hī‐mīs klūkla‐punḵī da qilbē kla sa awīnāqīsīḵ; hī‐mīs kī‐kīklilī‐zīnūḵ wī da angels.
40Yikīḵs kapē sa‐wā ī da yāksāmī kītum kās whūmta sa‐wī sa yhīyha‐kula; hī mīs qīh‐īda as‐kl sūḵ da awīnāqīs‐īḵ, ko lā‐kl qilbā‐kl.
41Yiḵā Kwanūqa sa baqānum yālākā‐kl ḵīs angels, lā klī kāpīkau‐kl ḵī da nāwhē wānīkē gīla, gla wī da nāwhē uḵ‐ā yāksāmī qīgīlas;
42Lā klī zuḵ‐klālā klis lāḵā lā‐kla yhīyhakula‐kl; hī mīs lā‐kl qāqa‐klaulas‐kl, glū kinkyā‐taulās kluḵ gīgī.
43Wa lā‐klī da ēkya qukātla‐kl hē qīx klī da klīsila lāḵ awī‐nāqīsa sīs Ump dāḵwā: yiḵā pusbāyū nūqā wīga yhī wudklilā.
44¶ Yiḵā īkē awīnāqīs‐uḵs numā‐yhisa‐ī gla wī da dāla qalā‐gluq lāḵā awī nāqīs, ḵā khā sa‐wa sa baqānum kās qalātl‐īdīk, kā īs ekīkula la lāḵōd ḵīs nāwhā uḵ‐ā, kās kilh‐wī dī ḵā awī‐nāqīs.
45¶ Wa ītīd, yiḵā īkē awī‐nāqīs hē ī qīx‐ī da kilwīnūḵ baqānum, ālē ḵā ēkī pearls:
46Yikīḵs, gil mā ī khā ḵā num pearl kayūḵwā, la lāḵōd ḵīs nāwhāk dī uḵ‐ā, kās kilh wī dīk.
47¶ Wa ītīd, yiḵā īkē awī‐nāqīs hē ī qīx‐ī da kīglā‐yū, yiḵā zuḵs‐tānū lāḵā dumsyhī, kās kāpī‐kāwī ḵā nunwhā‐īmas.
48Yikīḵs, lā ī kūtā, lāk dāḵw nīḵālīs‐āk lāḵā klamā‐īs, la qāgā‐līs, kās kapī‐zaulī ḵā ēk lāḵīs uḵzau‐lāsāk, lā tā zukulā ḵā yāksāmī kā qīdīs.
49Hī mīs qīh‐īda as‐kl ḵā lā‐kla qilbē‐kl tsūḵ da awīnāqīs‐īḵ; gāḵ klī da angels, kās wāxīs‐tindī‐kl ḵā yāksāmī gla wa ēkī,
50Lā klī zuḵklālā klis lāḵā lā‐kla yhīyhakula‐kl; hī mīs lā‐kl qāqa‐klaulas‐kl glū kinkyā‐taulās kluḵ gīgī.
51La‐mās āyūsilā nāwhā ḵīkā? Lāk dāḵw nīk yuk, kēgl.
52La nīk dāḵwuk, wa hī um lā‐gītl tsa nāwhā scribe yiḵā kākoklā‐mazuq sa īkē awīnaqīs numāyhis gla wa baqānum gīkumā‐ya sa gūq, yiḵā gāḵ‐wutl zaulā mas gāyūtl zaul lāḵīs ēgālazī ḵā ālūmas gla wa lā kīmas.
53¶ Yiḵs lā ī Jesus qilbā mas ḵā parables, la kās‐īda.
54Gāḵ lāḵīs husāḵ awī‐nāqīs, kākoklā‐mas tī ḵā bī‐baqānum lāḵ hawāḵ‐ulāzīk dāḵwas, lāgītl‐ts ḵunyasāk dāḵwā, nīkya, wayūtl zūḵ da baqānum‐ā ḵūs naukādā‐lazīḵ, gla wūs kīsīḵ aūmps qīgīlas?
55Izau yū um ḵwanūq sa gitīnūḵ‐wā ā? īzau ī abump as ūḵ glīkula sūs Mary ā? gla wīs nātl‐numwiyūtā, James, glū Joseph, glu Simon, glū Judas?
56Gla wīs wī‐wāqā, kīzau ī ḵa‐ō yū‐um lūḵ gla‐wuntsa? wayūtl zau tū ḵwā ḵōk?
57Lāk dāḵw wānīkās: la Jesus nīk dāḵwuk, kīyōsa‐ī glīḵs‐āla‐īnūḵ kīs yhīlā sa‐wa, hīgā‐mīs husāḵ awī‐nāqīs, gla wīs gūqī.
58Kīyōs tā qīh‐īda āts kīnum‐ī kīs aūmps qīgīlats lāk, kā īs kīzīnīk dāḵw oqisā.
Currently Selected:
Matthew 13: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
