Luke 6

1Wa yiḵs lā ī kātsaula ḵā Sabbath lāḵā zitazūlīs, lī disciples as qīlpā lāḵ īūḵtauyā sa zīzidanū, kās humāp īḵ, zukiāk lāḵīs āyasūh dāḵwī.

2Lā glā tī da gāyūtl lāḵā Pharisees nīkia, mās dāḵw zīs uḵītlā ḵā kīs hītlkūlum qīgīlas ḵā sabbath nālā?

3Lī Jesus nānāḵmīh daḵwuk, nīkia; la mā sī ḵād kīs dāḵw kiākiāduq sīlāḵ ga, qīh īda ās wūtlas David, yiḵs lā ūtla pūsk̤uh īda, yik, glūh dāḵwī da wa‐ūq mau lūtlas;

4La ūtla la īkl lāḵ gūqa sa Ike Gīkumī, lūtlī uḵ‐īd kās humh‐īdī ḵā qāquhsum kumā lītl, lūtl ḵa ī zaw ḵīs wa‐ūq mau lūtla; yiḵī da kīs hītlkūlum kās humāyī, hīgamī da laulbletī?

5La nīk lāh daḵwuk, yiḵ Ḵwanūqa sa bagwānum gīkumī um ḵa ā sa sabbath.

6¶ Yiḵs lā ā ḵād ītīd sabbath a, lā laīkl lāḵā kāpīkawāzī kās kākūklā masi: wa numūq tā bagwānum hī gāḵ lī, la mīs tlilī hītl‐kiūtl‐zānes.

7Lī da kīkiātīnūḵ gla wa Pharisees dādūqātlak, kū hītlā‐lāḵ lāḵ īda sabbath, kāh dāḵws k̤e kās kālūlumk.

8Kauklila mīs glīḵ nīnk̤īkīk dāḵwas, la nīk lāḵā bagwānum yiḵā tlil‐kiūtl‐zāna, glāḵ‐wīd kās glāḵwātla ūs lāḵwā nuḵzauk: la glāḵ‐wīd kās glauḵ‐zawī.

9Lī Jesus nīk lāh dāḵwuk, la mun wuklā klūklāḵ numhīdatle, hītlkūlum mā ī hītlāh dumī da sabbath a, glū mūmasīlāh dum lāḵ? kās qāqilāh dum ī, we hyī k̤īlāh dum lāḵ?

10La dūḵsīstālah dāḵw kīḵs wīla ī, la nīk kā bagwānum, sāh īdā gaḵs ayasūḵ: hī mīs qīh īdī: lī ayāsaus nākumzauh īda.

11Lāh dāḵw gla tā la kūtā ḵīs nīnūtlā ī, la qīqāḵaula kās qīh īda as klis Jesus.

12¶ Wa la mīs ḵā numḵ sa nāla, lā lāḵā nuge kās hawāḵulī; wa la sunbund ḵā kānūkl hawāḵulā ḵā Ike Gīkumī

13Wa gil mīs la nālā, la klīlālā ḵīs kīkākūklā‐matsawī lāk: la dokūt ḵā mālūgwagiyū lāh dāḵwuk, yik dāḵwuk la glīḵ īd tsū sīs yīyālākum:

14Simon, yiḵ glīḵīd tsa wā ḵa ā sīs Peter, glū Andrew yiḵ zāyes, hī mī sī James glū John, hī mī sī Philip glū Bartholomew,

15Hī mī sī Matthew glū Thomas, hī mī sī James yiḵ ḵwanūqas Alphæus, glū Simon yiḵā glīkula sa wās Zealot;

16Hī mī sī Judas yiḵ ḵwanūqas James, glū Judas Iscariot, yiḵā zawes.

17Wa gāḵ gāḵāḵā glūh dāḵwī kās glāḵwātlī lāḵā numā‐zūlīs, hī mī sa kīnumī ḵīs kīkākūklā‐matsawī lāk, gla wa kīnumī līlqulāklā ī gīgāyūtl zau lāḵ Judæa glū Jerusalem, glū gāyūtl lāḵ klīklamāīs as Tyre glu Sidon, yiḵā gāḵī kās hūklīlīk, glū kās hītlā sa wī lāḵ dāḵw ḵīs zīzāhkūlum;

18We yik dāḵw ḵī da tlālāwotlile sa kīs hīlūmas demons la hītl‐īda.

19Wa nāhwā mī sī da kīkakaula pāpāga‐āklila āk: kāḵs tloqī masa īda gāḵaula lāk, hītltsīstā masuk nāhwā.

20¶ La dūhwīd ḵīs kīkākūklā‐matsawī, kās nīkī; ek‐wīstā sīḵs wīwūsīlākā īḵ, kā īḵs hūsa ūsī da gīkāsa sa Ike Gīkumī.

21Ek‐wīstas yūkl la pūsk̤a: kāḵs pūklilā ma tsa wī klīk: ek‐wīstas yik dāḵwūkl la qāsa, kāk dāḵwuks ekīkulī klīḵ.

22Ek dāḵwīstas, kū lā klī bagwānum klīsīla klūkl, glū kū lā‐kl qīsdā mas klūkl, glū kumgīla klūkl, glū kū lā‐kl kiāyūd klūkl nīk ḵīs glīkum ūs yāksamā, ḵā Ḵwanūqa sa bagwānum sīnat klis.

23Ekīkulā la lāḵ, lāk dum klas hī qela klī, duhwā umkl lā tsīs ek̤īkī kla ūs; kā dok, ḵīs qenum kla ūs wālas ī lāḵā īke awīnāgwīs: kā īḵs hī ma ā ḵa ās qīgīlas dāḵwūtl‐ts wī‐ūmp wūtla sī ḵā prophets.

24Lākālāh dāḵw ta glā klis yūkl kīket! kā sīḵs lāh dāḵw ma ā kūs lokl ḵīs hītlil kula lazī yūs.

25Lākāla klis yik dāḵwūkl, pīpūklila īḵ; kā sīḵs puske klīḵ: lākāla klis, yik dāḵwūklāḵs ekīkula īḵ; kā sīḵs qāklilī klīḵ glū qāsā‐kl.

26Lākāla klis, kū nāhwā klī bagwānum ek īs wātldum īnī kla ūkl! ka īḵs hī ma ā ḵa ās qīgīlas dāḵwūtl‐ts wī‐ūmp wūtla sī ḵā nīnāwālāh būtlūtla.

27¶ Lā glā tin nīk yūkl, yūkl wuklila; tlāhwilā nūq lā tsīs hayūtūs, qīgīla la tsa ek lāḵā klīsīla lūkl,

28Ek la ḵī da hunqe lūkl, hawāḵ‐ulā la kā ī da mīmtl‐tsīle yūkl.

29Wa lāḵī da mih‐īdeḵs ūnūklumā yīḵ qestā la tsīs ubsānūklumā yūs lāk; wa hī mī sī da tlīnume ḵīs ḵuḵwiyā yūs qālā hyī ḵād yekstūs tsīs dādātsawā‐qūs lāk.

30Zaw la ḵī da nāhwā dākiāla lūkl; hī mī sī da uḵ‐īde ḵīs māmīkias ūs qālā āītūḵwāk lāk.

31Wa hī mīs qayūs kā qīgīlats bagwānum lūkl, hī umāts ūgwāk qīgīlas lāh dāḵwuk.

32Wa gil ma ā kūs tlāhwilā nūq sa tlāhwila nūqūs, wī zau tīs egā sa ūs? kā ī da yaīksāmāḵs tlāhwila nūq ma ā ḵa ā sī da tlāhwila nūq dāḵwās.

33Wa kāsū qīgīlāh dāḵw sa ek lāḵī da qīgīle sa ek lūkl, wī za wī ḵa īs egā sa ūs? kā īḵs hī ma ā ḵād qīgīlatsa yaīksāmī.

34Glū kāsū glīkiūmas lāḵīs qāqenuma ā sūs, wī zau tīs egā sa ūs? kāḵs hī ma ā ḵāt qīgīlī da yaīksamī glīkiūmas ḵīs qāqenuma ās.

35Tlāhwila nūq la hyī glā tsīs hayūtūs, glū āek̤iakīlāk, glū glīkiūmas uk kīs hwuntātlas, wa lā klīs qenum kla ūs wālas‐kl, lāh dāḵw klus sāsum‐kl tsī da Hīnūme Ikiāla: kā īḵs ek ma ā ḵa ā ḵī da kīs mūla gla wa yaīksāmī.

36Wāḵ la, hī um qīx īs Umpa ūs āḵs wīwāḵbusa ā.

37Qālā hyī ḵād munsā ḵīs bahwite yūs, wa lāh dāḵw klus kīs munsā sūkl: qālā hyī ḵād yākmūtāḵ, wa lāhdāḵw klus kīs yākmūdum‐kl, klalīwī lāḵ qīgīla sa sīs bahwite yūs, lā klī klalīwī sū klīs hūs‐ūs.

38Zaw la, la mī sis zaw sū‐kl, kīkela la, kusmungiq, nātla‐wāq, tsītsuhwila, zawe kla ḵā ās bagwānum lūkl: kā īs munsātla īnīh dāḵw kla ūs munsīdāyū klī lūkl ītīdi‐kl.

39¶ Wa lā ḵa ā nīk sa nīkdamā lāh dāḵwuk; qīhīda ās nūq ma ī da pupās wātulā ḵā pupās ā? kīs kla īḵs mālūqa ī qukium zau lāḵ hwūbīs lāḵ ā?

40Yiḵī da kākūklā kīsa ī kauklilā kāwī sī da kākūklā mas āk: wa gil mīs glā lā kakauklumā hī um‐kl wīs lā‐kl qīx klī da kākūkla mas āk.

41Wa mā zau tīs dūqātla gītla ḵā qubutl‐tauya sīs numwayūt ūs, kīsa āḵ glā kūs gīga‐īkula ḵā glāstauya ḵīs hūs ūs kayākus ā?

42Wīh īda zau lāḵas nīk ḵīs numwayūt ūs, numwayūt uḵūdā hyin klā ḵwā qubutltauya ḵūs kayākusā kūs, yiḵs kīs a āḵ glā kūs dūqilā ḵā glās‐tauya ḵīs hūs ūs kayākusā? Yūkl klīqis, lāwū‐dā umas glā ḵā glāstauya ḵīs hūs ūs kayākusa, wa lā‐kl wīs glas ek dūqilā‐kl kās lāwūdā ūsā ḵā qubutl tauḵ kayākusā sīs numwayūt us.

43Kā īḵs kīyosa ī ek glos gāḵaula masuḵ yāksamī nūnawīmas; kīs um ḵa ā wīsī da yāksamī glos gāḵaula masuḵ eḵī nūnawīmas.

44Kā ī da nāhwā glos yiḵs mātl‐tītla ī kā īs nūhwuḵ klā wā yī: kāḵs kīsa ī bagwānum humsā figsa lāḵ kukunī umsā, kīs um ḵa ā wīs humsā grapesa lāḵ tumhwmisa.

45Yiḵā ekī bagwānum gāyūtl zaulāḵ lāḵ egālaze sīs naukāyī gāḵaula ḵī da ekī; lī da yāksamī bagwānum gāyūtl zaulāḵ lāḵ yāgālaze sīs naukayī, gāḵaula ḵī da yāksāmī: kā īḵs hī ma ī yākuntālā yū sī da gaīsī lāḵīs naukāyī.

46¶ Wa māsīs glīkulāh dāḵwītla gāḵun klas Gīkumī, Gīkumī, kīs ḵād hī qīgīlin wātldumī?

47Yiḵ nāhwē gāḵ gāḵun, glū hūklīla ḵun wātldum, kās uḵek, la mun nītla klūkl yis numāhyid sā sas.

48Hī da qīx ī da bagwānum gūqīlā ḵā gūq, yiḵā lāpā wunkagīla, la gūq dumā gīla lāḵā tīsum ī: wa gil mīsa yuḵwā īkīsta la tsūksum dālā ḵā gūq kīyos ta qīh‐īda‐ats nutl‐īduk, āālaāqā ī.

49Wa yiglā ḵī da wuklila kās kīsī hī qelī, numāhyis gla wa bagwānum gūqīla ḵā gūq lāḵā tukiā kīyos gūq dumā; yiḵā la tsūqsum dālā sa wa, wa hīh‐īda mīs klīhstā; lī kuhw‐mūtā sa gūq wālas ā.

Currently Selected:

Luke 6: Kwak

Highlight

Copy