Popular Bible Verses from Luke 6

Share

Zaw la, la mī sis zaw sū‐kl, kīkela la, kusmungiq, nātla‐wāq, tsītsuhwila, zawe kla ḵā ās bagwānum lūkl: kā īs munsātla īnīh dāḵw kla ūs munsīdāyū klī lūkl ītīdi‐kl.

Yiḵā ekī bagwānum gāyūtl zaulāḵ lāḵ egālaze sīs naukāyī gāḵaula ḵī da ekī; lī da yāksamī bagwānum gāyūtl zaulāḵ lāḵ yāgālaze sīs naukayī, gāḵaula ḵī da yāksāmī: kā īḵs hī ma ī yākuntālā yū sī da gaīsī lāḵīs naukāyī.

Tlāhwila nūq la hyī glā tsīs hayūtūs, glū āek̤iakīlāk, glū glīkiūmas uk kīs hwuntātlas, wa lā klīs qenum kla ūs wālas‐kl, lāh dāḵw klus sāsum‐kl tsī da Hīnūme Ikiāla: kā īḵs ek ma ā ḵa ā ḵī da kīs mūla gla wa yaīksāmī.

Wāḵ la, hī um qīx īs Umpa ūs āḵs wīwāḵbusa ā.

Qālā hyī ḵād munsā ḵīs bahwite yūs, wa lāh dāḵw klus kīs munsā sūkl: qālā hyī ḵād yākmūtāḵ, wa lāhdāḵw klus kīs yākmūdum‐kl, klalīwī lāḵ qīgīla sa sīs bahwite yūs, lā klī klalīwī sū klīs hūs‐ūs.

¶ Lā glā tin nīk yūkl, yūkl wuklila; tlāhwilā nūq lā tsīs hayūtūs, qīgīla la tsa ek lāḵā klīsīla lūkl, Ek la ḵī da hunqe lūkl, hawāḵ‐ulā la kā ī da mīmtl‐tsīle yūkl.

Wa hī mīs qayūs kā qīgīlats bagwānum lūkl, hī umāts ūgwāk qīgīlas lāh dāḵwuk.

Wa lāḵī da mih‐īdeḵs ūnūklumā yīḵ qestā la tsīs ubsānūklumā yūs lāk; wa hī mī sī da tlīnume ḵīs ḵuḵwiyā yūs qālā hyī ḵād yekstūs tsīs dādātsawā‐qūs lāk. Zaw la ḵī da nāhwā dākiāla lūkl; hī mī sī da uḵ‐īde ḵīs māmīkias ūs qālā āītūḵwāk lāk.

Kā īḵs kīyosa ī ek glos gāḵaula masuḵ yāksamī nūnawīmas; kīs um ḵa ā wīsī da yāksamī glos gāḵaula masuḵ eḵī nūnawīmas.

Kā ī da nāhwā glos yiḵs mātl‐tītla ī kā īs nūhwuḵ klā wā yī: kāḵs kīsa ī bagwānum humsā figsa lāḵ kukunī umsā, kīs um ḵa ā wīs humsā grapesa lāḵ tumhwmisa.