John 4
4
1Gil gītl ma sā Gīkumāyī kautl āklilā ḵā Pharisees āḵs lā ī khā lāḵ Jesus āḵs lā ī kekāwāyīs baptize tsa wī disciplesīla sa wa lāḵ John,
2Wāh ma ī Jesus kīs hī baptize ī, hē ā glīs disciples
3La bōs Judæa, kās lē ītīd lāḵ Galilee.
4Lā gītlts gēmākā lāḵ Samaria.
5Wa gāḵ lāḵā gūqila lāḵ Samaria, Sychah kla, nahwātlā lāḵā num zakīs awīnāgwīs yiḵ zaw yūtlas Jacob ḵīs ḵwanūq Joseph.
6Hī tā lī kūtlūsta wūtlas Jacob. Lāgītlas Jesus la um kulkyā sīs kāyīnāyī, qāgālīs lāḵā kūtlūstau: la um nakēlā.
7Gāḵī da zidāk gāyūtl lāḵ Samaria tsē lāḵā wāp: lī Jesus nīk yik, nākā masla sun
8Kā ī disciples ā sīḵs la ī lāḵā gūqila kilhwāḵ hīmaūmasā.
9Lī da Samaritan zidāk nīk yik, mā dsīs nānākayā gītla gāḵun klāḵ gin Samaritan‐īg zidākā yiḵs Jew a‐ā kūs? Kā ī da Jew āḵs kīyosa ī qāyāpa ās gla wa Samaritans.
10Lī Jesus nānāḵmī nīk yik, gil mī lāḵs dē kūs kauklilāḵ zaw yas God, glū mātltēlāḵ gāda nīk gūkl, nākā masla sun, sū lāḵs da tā uḵ‐kyālā lāk, la mīs zaw lāḵs da sa qilāstē wāpa
11Lī da zidāk nīk yik, Ad, kīyosa ā kūs tsāyazē, la mīsūḵ qāyā‐ḵula um ḵa ūḵ da kūtlūstauḵ: wa wīzisā zau tā klasī ḵā qilāstē wāpā?
12Awīlā kāwāyā sis sunūh ūmpā ī Jacob, ḵā zawūtlā sa kūtlūstauḵ gāḵunūh, glūḵs nākā ma ūtlā ḵād lāq, gla wīs sāsum, gla wīs gilgaūmas?
13Lī Jesus nānāḵmī nīk yik, Yiḵā nāhwē nākā‐kl lāḵ gādā wāp‐ig nākīḵs dih īda umkl ītīd‐kl.
14Wa yiglā ḵā nāḵ īd kla ḵā wāpā un zawē kluk, kīs‐kl nākīḵsda īnūḵ‐kl, lē kla glī da wāpa un zawē kluk kūtlūstaula‐kl wāp‐kl lāk, lāgūstaulā‐kl lāk hīmunīsā qilā.
15Lī da zidāk nīk yik, Adē, zawla tsū gāḵun, kun kīsī nākīḵsda īnūḵwā glū kun qātl la gī gāḵ hī wālāmūlīs tsē.
16Lī Jesus nīk yik, halāgā, klīlāla ḵīs tlāwunuma ūs, kās gāḵā ūs.
17Lī da zidāk nānāḵmī nīkyā, kīyodsin tlāwunumā: lī Jesus nīk yik, nukā wīs tas, kīyodsin tlāwunumā:
18Kā īḵs lā ī sikyoqīs tlāwunum ūs, yū mī sūs kupētlūtā kūsāḵs kīsa ā kūs tlāwātsū: aulā glītl tsīs wātldum ūs.
19Lī da zidāk nīk yik, Adē, la mun dūḵwā‐klilāḵs propheta ā kūs.
20Ḵunūh wī‐ump wūtla umyā‐ḵūtlī lā ḵwā nagēḵ, lāh dāḵw tas nīk kīḵs hē ī Jerusalem umyā‐ḵulas zīmas lāḵ sūḵ bī‐bagwānumḵ.
21Lī Jesus nīk yik, zidāk ūqisla gāḵun, gāḵ um klī ḵīs kīs dumh dāḵw kla ūs umyāḵā‐kl ḵā Ump lā ḵwā nagēḵ kīs‐kl ḵād lāḵ Jerusalem.
22Umyāḵāk dāḵwa ā kūsā ḵī da kīs dāḵwa ūs kauglitla, umyāḵā tā nūhwā ḵunūh kauglitlā, kā ī da qilā gītlāḵs gāyūtlā ī lāḵā Jews.
23Gāḵa nāqilā um glūḵ gāḵ mī sūḵ, yiḵ lāh dum kla sa aulā kla umyāḵā‐kl, lā‐kl umyāḵulā‐kl ḵā Umpa lāḵ Spirit glū aulā, kā īḵs hī ma ī qayū‐badsī sa Umpā kā umyāḵāk ḵī da hī qīx ī.
24Spiritā ī God, hī mīs lāgītl sī da umyāḵē kī umyāḵā kī lāḵ spirit glū aulā.
25Lī da zidak nīk yik, kauklila mun klāḵ Messiah‐ḵs gāḵī kla, ḵā glīkula sa wās Christ, gil um‐kl wī sī gāḵ‐kl, lā klī nītlā‐kl gāḵunuhwā sa nāhwā.
26Lī Jesus nīk yik, yiḵ gāda yākuntāla gūkl, Nūgwā um.
27¶ Hī mīs gāḵ dums disciples sās, lāh dāḵw ḵunyāsa sīḵs yaīkuntālā ī gla wa zidāk: kīyos tā bagwānum nīkya, mādsīs uḵīḵsda sa wa? glū nīk lā ḵā, mā sīs yaīkuntāla gītlā gla wa zidākīḵ?
28Wa lī da zidāk bo sīs tsāyāzī, kās lē lāḵā gūqila, la nīk ḵā bī‐bagwānum.
29Kīlaga dūḵwīd ḵā bagwānum, yiḵā nīkī gāḵun klasun nāhwā qīgīlasāyādsa wātla, īdsau ga mī da Christ?
30Lāh dāḵw lautl zaulīs lāḵā gūqila, kās gāḵī lāk.
31¶ Wa yiḵs la ī gētla, lāh dākw wāhyī disciples as hawāḵ‐ulāk nīkya, Rabbī humh‐īdagā.
32Au mīs nīkya, hīmā‐ūmadsadāmun kun humāya ḵīs kīs dāḵw ūs kauglitla.
33Lā gītl dāḵwītl tsa disciples nīnakyaula, la mā ī numūqa bagwānum gāḵs lāq kā humē sūḵwā?
34Lī Jesus nīk yik, hī mun hīmaūmasī da nānākīgāyā ḵā yālākum nūqā un, glū kun qātlā masīḵ uḵ sa wās.
35Kīs dāḵwas nīkya ā, mūskum klī maqilākl lā‐kl wīs glī gāḵ kla klūklapunḵ klā? dūqātlā la, nīk yin klūkl, īkyīs tā mas lāḵs kī‐kayākus īḵ, kās dūḵwīda ūsā ḵā awīnāgwīs āḵs la mā ī mulātlā gīmūh lāḵā klūklapunḵ.
36Yiḵī da kupē hutlākā sa wā ī, la mīs kapīkauḵ nūnawīmas lāḵ hīmunīs qilā; kā nāhwā mī sī da zumā gla wī da kupē ekyīkaula.
37Wa ga mīs aulā tsī da wātldum kīḵs numūqa ī da zumā, ūgwilā mī sa kupē.
38Yālākī gyūs kās kupē ūs lāḵīs kīs dāḵwūs īāḵulāsd: ātl‐ūgwila mī da īāḵulāh‐dē, lāh dāḵw tas lākum lāḵ yāwī‐hyīh dāḵwās.
39¶ Yiḵā gāyā‐nāqila lāḵā gūqila kīnum gāyūtl lāḵā Samaritans ūqis uk, kā wātldum ā sa zidāk, ḵī da nītlā, nīkī gāḵun kla sun nāhwā qīgīlasayādsa wātla.
40Gil gītl ma sa Samaritans gāḵ‐āklil lāk, lāh dāḵw hawāḵ‐ulāk kā hī mīs lī kupetla glūh dāḵwī; mātl pun hwās tā hī gāḵ lī.
41Wa kīnum tī da lā ūgwākā ūqisa kā wātldum as.
42Wa lāh dāḵw nīk ḵā zidāk, la munūh ūqis īda, kīs glānūh hī ūqisītlīs wātldum ūs, kāḵ gānūh la mīg wuklilāq, la mī sunūh kauklila kūḵs qū mā ī da Christ, ḵā qāqila kla ḵwā hēstālīs īḵ līlqilāklāya.
43¶ Wa yiḵ la ātla kāwī sa mātliḵ sa nālā la kāsīd, kās lē lāḵ Galilee.
44Kā Jesus āḵs hī ma ī nīkī, yikīḵs kīsa ī hūklīlāqī da glīḵs‐āla īnūḵ lāḵīs husāk awīnāgwīs.
45Gil mīs gāḵ‐āklil lāḵ Galilee, lā ī da Galilæans ēhwākums dūqilīh dēḵ nāhwā qīgīlats lāḵ Jerusalem lāḵā qītl: kāk dāḵws la mīk dī ūgwākā lāḵā qītl.
46Gāḵī Jesus ītīd lāḵ Cana yas Galilee, yiḵ wine‐h‐īda madsasa sī ḵā wāp: lā tā numūqī da nauḵsaula bagwānum ḵwungwāda tī sa zih‐kā lāḵ Capernaum
47Gil mīs kautl‐āklilāḵ Jesus āḵs gāḵā ī lāḵ Galilee gēh‐īd lāḵ Judæa, lā lāk, hawāḵulāḵ kā gāḵīs ek‐īda mas uḵ ḵwanūq as, kā īḵs la mā ī wāwīkyikā.
48Lā gītl‐ts nīkī Jesus, hī gā ma ī kāsū dūqilāḵ māmātl‐tīkyayī, kīsā las ūqisa
49Lī da nauḵsaula bagwānum nīk yik Adē, kīlagā īs ma ā sun ḵwanūqā wīkyiḵ īda.
50Lī Jesus nīk yik, halāga, la mī qilīs ḵwanūqa ūs, la mī sa bagwānum ūqis uḵ wātldum as Jesus lāk, la mīs kās‐īda.
51Wa yiḵs la ī banūtlila, la nākū gla wīs hīlūbātl‐zanāyī, lāh dāḵw nīk yik, la um qilīs ḵwanūq ūs
52La wūklāḵ ek‐īduh dum as, lāh dāḵw nīk yik tlins wūtl, lūtl aglabū zā kīlāḵs lā ūtl qīdī dā zihkūlum lāk
53La mī sī da ūmp kauklilā kīḵs hī ma ī nīk dums Jesus lāk, la mī qilīs kwanūqa ūs, la mīs ūqis īda glū nāhwīs gūq.
54Ga mīs ītīd la mātl puna māmātltīkī uḵēs Jesus āḵs gāḵā ī lāḵ Galilee gēh‐īd lāḵ Judæa.
Currently Selected:
John 4: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
