John 5
5
1Wa ātlā‐kāwī sīk qītl dāḵw tī da Jews, la mī sī Jesus lāḵ Jerusalem.
2Lā tā kawīsī da hī lī Jerusalem nahwātlāk gēhsaulasa sa lāmādū, Bethesda ḵula sa wā sa Hebrew, sikyā porch lāk
3Ga mīs kīkulhw zaulīdsa tsā kīnum zī‐zihkā, pupās, īaūzagīla, tlītlilkin.
4Kā ī da angel a sa Gīkumāyāḵs gāḵ nāhwa ā ḵā numḵ‐unḵ nāhwā, gaḵ lastā ḵā kawīs yāwīh‐īd ḵā wāp: wa yiḵī da gālastā nāhwē kīḵs lā nāhwā ī qātl yāwīhyī da wāp, hī mīs la ek‐īda nāhwī lāḵ nāhwā zihkūlum‐ātla īnī sīs zihkūlum.
5Numūq tī da la māmū skum gūstauḵunḵīlā sa mātlqanātl‐unḵ zihkā hī gāḵ lī.
6Gil mī sī Jesus dūqila kīḵs qilsā ī, kauklilā mī sī kīḵs lā ī kētla hī qētlī, lā nīk yik, nīk mas kās ek‐īda ma tsa wa ūs ā?
7Lī da zihkā bagwānum nānāḵmīk, Adē, kīyosun bagwānum, yiḵs lā nāhwā ūḵ da wāp īḵ yāwīh‐īda, kā lāstin dun lāḵwā kawīs īḵ, gil nāhwā mī sun wāh qīyūtlil lāq, kun gālākum tsa wī sa ūgwilā.
8Lī Jesus nīk yik, glāḵ wīda ga uḵ‐īd āḵs qilātla ās īḵ kās kās‐īda ūs.
9Hīh īda mī sa bagwānum ek‐īda matsa wa, la uḵ‐īd ḵīs qilātla ās, kās kās‐īdī: Lā tā Sunday ḵā nālā.
10¶ Lā gītl tsī da Jews nīk ḵī da la ek‐īda Sunday ūḵ, hī mī sis kīsītl‐ūs hītl‐kūlum dālā ḵūs qilātla āsa kūs
11Au mīs nānāḵmīk, yiḵī da ek‐īdā mas gāḵun, hī ma ās nīk gāḵun, uḵ‐īdāḵs qilātla‐ās īḵ kās kās‐īda ūs.
12Lāh dāḵw wuklāk, ungwā dsī da bagwānum a nīk yūkl, uḵ‐īdāḵs qilātla ās īḵ kās kāsīdā ūs.
13Lā tī da ek‐īda matsa‐wī kīs kauklilāk ungwī: kā Jesus āḵs la ī qāqayā‐kas nūqa, kīnum ā ī da bagwānum lāk.
14Atlā kāwī lī Jesus dūḵwā‐klilāk lāḵā temple, la nīk yik, dūqātlāla, la ums ek‐īda matsa‐wa, qātl las ītīd uḵ yēkīnāyī, āklī ḵunklā kāwāyī gāḵā lūkl.
15Lī da bagwānum nītlā ḵā Jews yiḵs hē ī Jesus ā ek‐īda māsik
16Hī mīs lā gītl tsa Jews yāksumḵ Jesus, nīk kā tlilīs kā īḵs hē ī qīgīla ḵā Sunday
17¶ Lī Jesus nānāḵmī lāh dāḵwuk, Ḵun Umpa īāḵula mī gāḵ āklil lāq, ūgwākā mī sun īāḵula
18Hī mīs lā gītlts la ḵunklilī da Jews nīk kā tlilīs, kā īḵs kīsa ī au‐um mūmasā ḵā Sunday, la ā ḵād nīk yiḵs auyada as God, la numātla mas ḵīs baqīnāyī glū God
19Lī Jesus nānāḵmī nīk dāḵwuk aulun nīk yūkl, yiḵā Ḵwanūq kīyosa ī qīh‐īda‐as qīgīlas nūq qilīxma, hīgāma īs dūqitlā qīgīlat sa Ump: kā nāhwē qīgīlat sī, hī mīs uḵ sū sī da Ḵwanūq hī qīgīlī.
20Kā ī da Ump‐āḵs tlāhwila nūqa ā sa Ḵwanūq la nītlāk sīs nāhwē qīgīlas: awīlā‐kāwī tā klī sūḵ da nīlum klā sīk, kās ḵunyāzumh dāḵwūs.
21Yiḵī da Ump‐āḵs uḵūstau ā ḵā tlilī kās qilāh‐īda mas īk, hī mīs qīgīlat sa Ḵwanūq qilāhīdā mas ḵīs qayau.
22Kāḵs kīs ma ā ḵā ī da Ump dādalītāḵ ungwē bagwānum, lā glā tā zaws nāhwā dādalīta īnī lāḵā Ḵwanūq;
23Kā nāhwī sūḵ bagwānumḵ māyāhyilā ḵā Ḵwanūq, hī qīx ī māyāhyātla īnayā ḵā Ump: yiḵī da kīsa māyāhyilā ḵā Ḵwanūq kīsī māyāhyilā ḵā Ump yiḵā yālākum nūqas
24Aulun nīk yūkl yiḵī da hūklīlē ḵun wātldum, glū ūqisa ḵī da yālākum nūqā un, uḵnūgwādīs hīmunīs qilā, kīs gāk lāḵā dādalītā, lā tā lāwē lāḵ tlilī, kās lē lōs lāḵā qilā.
25Aulun nīk yūkl, gāḵā nāqilā mūḵ, gāḵ mī sūḵ, kū lā klī da tlilē wuglā‐kuḵsdī kluḵ Kwanūqas God, wa yiḵī da wuklilē lā‐kl qilā‐kl
26Kā ī da Ump āḵs uḵnūgwāda as qilā qilīxma, la mī sī zaw ḵā Ḵwanūq kā uḵnūgwādī sīs qilā qilīxma;
27La um ḵa ā wīs zaw sa tlāhwāyī lāk kā dādalītīs, kā īḵs Ḵwanūqa ās bagwānum
28Qālā ḵunyāsas gāda; kā īḵs gāḵā nāqilā ma ā, yiḵ lāk dum kla sa nāhwāḵ yū lūḵ da dīdigayāḵ wuglā‐kuḵsdī kla kī,
29Lā klī gāḵa‐mūkau‐kl; yik dāḵw ḵī da uḵā ḵā ek, lā‐kl lāḵā qilāh‐īd kla lāḵ qilā; wa yik dāḵw ḵī da uḵā ḵā yāksāmī, lā‐kl lāḵā qilāh‐īd kla lāḵ dādalīta
30Kīyosī gin qīh‐īda ās qilyā‐kula sū nūqā, hī māḵ gin wuklilēg lin dādalītā; la nukulin dādalītā īnāyī; kāḵ gin kīsīg lālūklā ḵun nūs naukāyā, hē ī da naukāyā sa Umpa yiḵā yālākum nūqā un
31Gil mī lāḵ gin qilī‐kyāla um lāḵ, kīs tā aulun wātldum.
32¶ Ugwilā mī da zikyātlilē un, kauklila mī sun kla ḵā zikyālum yiḵ zikyālum as gāḵun klāḵs aulā ī
33Yālākum nūqā ūtla kūs lāḵ John, la mūtl wī sī zikyātlila sa aulā.
34Wa yiglā ḵī da zikyālum un kīsa ī gāyūtl lāḵ bagwānum; hī glā tun lā‐gītl nīkyā, kās qāqila‐āq mī lāḵ ūs.
35Yikīḵs hī ma ūtlī da nīgwāzī ḵā hyīkula qakātla ḵād: lāh dāḵw wūtl‐ts nīk kās ekyīkulā ūs yāwāsī las nāqātlēs.
36¶ Lā glā tī da zikyālum ī yikun uḵī awīlā kāwāyīs uḵās John: kā ī da zaw yā sā Umpa gāḵun kun uḵsū kun qātlā mātsa wa, yiḵī da qīgīlas un, hī um zikyātlilun klāk gin yālākumī gā sa Umpa
37Wa yiḵī da Umpa ḵā yālākum nūqa un, la um zikyātlil un: kīs dāḵw ma ā kūs wuglākuḵsdīh dum nūq kī, kīs um ḵād dūqilāḵ qētla āsā sī
38Wa kīs dāḵw tas gīgākula lāḵ wātldum as: kā yālākum as kīs dāḵwa ā kūs ūqis uk.
39¶ Dūqāla ḵā kyī‐kyāduq, kāḵs hī ma i yūs nīkī tluḵnūgwād klis hīmunīs qilā; hīma ās zikyātlil un
40Lāh dāḵw tas kīs nīk kās gāḵa us gāḵun, kās qilāh dāḵwa ūs.
41Hyīla sa wa wīs glin klas bagwānum.
42Kauklilī gā glun klūkl, yiḵs kīsa ā kūs uḵnūgwādis tlāhwila lazēs God gīgākī lāh dāḵwūkl.
43Gāḵ mun lāḵ glīkumā sun Umpa, lāh dāḵws kīs dādāl gāḵun; gil mī lāḵā sī ūgwilī gāḵ kla lāḵīs husmāk glīkuma, hī tās dādālasū klī.
44Wīh īdih dāḵw zau lāḵās ūqis lāḵ, yiks hyās‐hyīlāya pālāh dāḵwa ā kūs, kās kīs dāḵwa ūs lālūklā ḵā hyā‐hyīlh klina gāyā nāqil lāḵā hīgāmā God?
45Qālā nīnkīkulin yākmūtā klūkl lāḵā Umpa, numūqa ā sī da yākmūtē ūkl, yiḵ Moses a ḵīs hīlīkumh dāḵwā ūs.
46Kāḵs gilhdāḵw mī lāḵs wūtlā kūs ūqis uḵ Moses, lā lāḵs dis ūqis gāḵun, kā īḵs kyātā ūtlin.
47Wa kāsū kīs ūqis ūḵ kyātā yūtlas, wīh‐īda zau tā klas ūqis‐kl ḵun wātldum?
Currently Selected:
John 5: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
