John 13

1Wa lāḵ gālāgīwaya sa qītla sa hayā‐kutl tsumā‐yī, kauklilī Jesus ā kīḵs gāḵ ma ī gāḵ‐āklilīs lāh‐dum ū‐gwītlī bo sa awīnāgwīs īḵ kās lē lāḵā Umpā; tlāhwila nūq sīs hus māk yiḵā yū lūḵ da awīnāgwīs īḵ, lābundā um tlāhwilā nūqs.

2Wa yiḵs kīs mā ī qātl zāqāḵstālā, lī satan gīgākās lāḵ naukāyās Judas Iscariot ḵwanūq as Simon, kās lāḵūdīk.

3Kauklila mī sī Jesus ā ḵī dā Umpā‐ḵs lā ī zaw sa nāhwā lāḵ āyāsaus, glūḵs gāḵā ī gāyā‐nāqil lāḵ God, glūḵs lā‐nāqilā ī lāḵ God.

4La glāḵwilītl lāḵīs zāqāḵstālā īnāyī, kās hyilḵ‐ālītlī ḵīs nuh‐wunāyī, lā uḵ‐īd ḵā dīkumyū, kās wusīk‐īdīs.

5La gwuḵ‐zūd ḵā zūzuḵwamāzī, kās zūzuḵw sīs īdī ḵīs disciples, dīduk‐sīsā sīs wusīgānu wī da dīkumyū.

6Wa gāḵ gāḵ‐āklil lāḵ Simon Peter, lī Peter nīk yuk, A Gī zūzuḵw sīsā klas gāḵun ā?

7Lī Jesus nānāḵmī nīk yuk, yiḵ gin qīgīlas ig kīs ums kauklila kig, ātl um klis kautl‐āklilākl kig.

8Lī Peter nīk yuk, kīsī klā Kūs zūzuḵw sīzundi‐kl gāḵun. Lī Jesus nānāḵmīk, gil mī lāḵ gin kīs lāḵ zūḵwīdi lāḵ‐ūkl, kīs lāḵ tas gāyūtl lāḵ gāḵun.

9Lī Simon Peter nīk yuk, Gīkumī qālā hīgā um gin gūgwayūgw ūgwākā um ā hyī gin āyāsūgw glū gwun hyūmsig.

10Lī Jesus nīk yuk, yiḵī da lē zūḵuqā kīsa ī lā ītīda īma, hī‐gā mīs gūgwayū, la mā ā glas zūḵuqā: wa lāh dāḵw mī sis zūḵaqā, kīs glātl nāhwāmā.

11Kā‐īḵs kauklilā ma ā ḵī da logwītlī lāḵūduk; hī mīs lāgītl‐ts nīkyā, kīs dāḵwus nāhwā um zūḵuqā.

12Wa gil mīs qātl zūzuḵw sīsāk, la uḵ‐īd ḵīs nuh‐wunāyī, kās qāgālītlī ītīdā, la nīk yuk, kauklilah dāḵw mas ī ḵun qīh īda as ūkl ā?

13Glīkulāh dāḵwa ā kūs gāḵun klas Kākūklāmas glū Gīkumāyī: nukāh dāḵw mī sis; kāḵ gin aulā mīg.

14Wa gil mī gin, klāḵ gin Gīkumāyīg glū kākūklāmas la zūḵw‐īd ḵūs gūgagwayau kūs lāk dāḵw lāḵs ūgwākā lāḵ zūzuḵw sīsā‐pulāḵ.

15Kāḵ gin līg zaw ūkl kās dūḵ‐damāh dāḵwūs, kās ūgwākāh dāḵwā ūs hī qīgīlin lā qīh‐īda ās ūkl.

16Aulin nīk ūkl yikī da hīlūbātl zānāyāḵs kīsa ī wālas ā kāwī sīs gīkumāyī, kīs um ḵa ā wī sī da yālākum ī wālas ā kāwī sī da yālākum nūqās.

17Gilh dāḵw mī lāḵā kūs kauklilā lāḵ ḵīk, ā zī sīs ek‐kusulā lāḵa ūs kāsū hī lāḵ qīgīlā lāḵī.

18¶ Kīs un wīlā nīk ūkl: kauklila mun klā ḵun lē kūglaqā: kā glā aulā mī‐sī da kyāduqī, yiḵī da humh‐īd klāḵ gin humēg, hī um la qāqīḵglā gāḵun.

19La mun nānīkītl gīwā lūklā kīḵs kīs ma ī hī qīh‐īdī, kā gil mīkl‐ts hī qīh‐īd klī, lāh dāḵw klis ūqis klin nūgwā mā.

20Aulin nīk ūkl, yiḵī da dādālā klā ḵun ungwē yālākum‐kl dādālā klī gāḵun, wa yiḵī da dādālā klā gāḵun dādālā klī ḵā yālākum nūqā un.

21Gil mīs nīga‐āgūtlī Jesus, lā ḵwunālā lāḵā spirit, la nītlā, nīkyā, aulin nīk ūkl, numūqū lāh dāḵw‐ūkl lāḵūd klun.

22Lī da disciples dūqāyā pālā, wa‐yūqis uḵ ungwī qayaus.

23Numūq tī da tīkyabo lītlāḵ Jesus gāyūtl lāḵīs disciples, yiḵ tlāhwilēs Jesus.

24Lī Simon Peter kyiklāk kās nīk īk, nītlā las gāḵunūh ungwī qayaus ūḵ.

25La nuklumh‐īda, lāḵīs qaīlas‐āḵs tīkyātla āḵ ūboyas Jesus kās nīk yīk, Gīkumī, ungwā zī?

26Lī Jesus nānāḵmīk hī mun zipīd gītl klā un, kun zawēs lākī; wa gil mīs zipīd tsīs zipīdāyū, lā zaws lāḵ Judas Iscariot yiḵ ḵwanūq as Simon.

27Lī Satan lālākā kiḵs lā ī qātl humāp ā: lī Jesus nīk yuk, ḵīs qīh‐īda as klā ūs hānāqilā lāga kī.

28Wa kīyos tā kauklilā sī da qizītl lāḵā humhdumītl lāḵ qībātla‐as as wātldum ā sīk.

29Wutl mīs nīnkī‐kulī da wa‐ūq, hī nīnākitl tsī aāḵsīlā‐īnāyas Judas ā ḵā klābāt, nīk yuk uḵkyālī Jesus āk, kā līs kilhwā sū nūq kā ī da qītl, glū lā lāḵ zawē nūq lāḵ ḵā wīwūsīlākā.

30Yikīḵs lā ī qātl humāp ā hī wīls mīs: kānūkl tā.

31¶ Gil mīs lāwildsa āgūtla, lī Jesus nīkyā, la mī da ḵwanūqa sa bagwānum glorified, lā klī God glorified lāk ī.

32Lā klī God glorify kī qilīxma, lā klī hīh‐īda um‐kl glorify kī.

33Gīn‐ginānum numātlātlā bīdū klin lā‐kl kupētlā‐kl glūs: ālēh dāḵw klis gāḵun, hī mī sun wātldum ūkl‐un wātldumh īdē ḵā Jews, yiḵ un laās klā, kīyos dāḵw tas qīh‐īda ās gāḵsumāyā.

34Alūmas tag wātldum gin zawēg‐ūkl, kās tlāhwila‐pah dāḵwa ūs; lāḵ un qīxdumāḵ gin tlāhwilā nūqī gūs kās ūgwākāh dāḵwa ūs tlāhwilā‐pā.

35Hī ums lāgītl klūs kauglitl klis nāhwā bagwānuma yiḵs nūsa ā kūs disciples ā, kāsū lā‐kl tlāhwilā‐pā‐kl.

36¶ Lī Simon Peter nīk yuk, Gīkumī wī zau klas lī? lī Jesus nānāḵmik, yiḵ un la‐ās klā, kīyos ma wīs glas qīh‐īda ās lāskum ī gāḵun lāk ī; ātl um glā klis lāskum ī‐kl gāḵun.

37Lī Peter nīk ik Gīkumī, māzin kīyos‐ītlā qīh‐īda ās lāskum ī lā gūkl? Zaw mī‐kl gin klas gin bagwānum īnīg kās.

38Lī Jesus nānāḵmīk, la mas zaw‐kl sūs bagwānum īnāyā kūs kā un ā? Aulin nīk ūkl, kīs um‐kl kākā‐ū qigātl klī da kākā‐ū, kāsū lā‐kl hīhwā‐kl gāḵun yūduh pun zāqā‐kl.

Currently Selected:

John 13: Kwak

Highlight

Copy