John 12
12
1Lā gītl tsī Jesus kukla pun hwasātl gīwī sa hayākutl tsumāyī, gāḵ lāḵ Bethany, lāḵ uḵ‐ās as Lazarus, yiḵ qilāh īdā mātsa‐wās Jesus
2Lāh dāḵw zāqāḵstāla mas ik lāk, hī mī sī Martha aāksīlāk: lā tī Lazarus qākī‐lītl ḵā humāpī gla wī.
3Wa lī Mary uḵ‐īd ḵā num pound klādum spikenard zis, aul kilwūḵwa, kās kuls‐īd īḵ gūgagwayaus Jesus, la dīh‐īd tsīs sayā lāḵ gūgagwayaus: ek‐pa gilītlilī da gūq‐as ek‐pālē sa‐klādum
4La nīkī da numūq lāḵ disciples as, yiḵ Judas Iscariot ḵā logwītlī lāḵūd uk,
5Māzī kī sītl dē sūḵ da klādum īḵ kūyum kā yūduh pun yāgē pence, kā lā zawē lāḵā wīwūsīlākā?
6Ga um wātldum sēg, kīs hē nīnākītl tsīs awīlil‐kula īnāyā ḵā wīwūsīlākā; au um a glatl nīk kās gilūklī kīḵs gilūklīqā ī, lā tā dotl‐zūdanāhwā ḵā gīzūdāyū‐nāhwē ḵā klābāt ḵīs aāḵsīlā sa wī.
7Lā gītl‐ts nīkī Jesus qātl las gatālāq, lamā āḵs āḵīlāq kā ī da wanum‐tāk dum kla gāḵun.
8Kā ī da wīwūsīlākēḵs hīmunātla ma āḵ glā kūs uḵnūgwādis, lā glā tin īs hīmunātla um uḵūs.
9Kīnum tī da gāyūtlī lāḵā Jews lā kautl‐āklilā kīḵs hē ī lī gāḵā, kīs hī gā mī Jesus gāgi ḵītl‐ts, kā īs dādūḵ‐wā klila īnīk dāḵw ma ḵa ā sīḵ Lazarus ūgwākā, yiḵ qilāh īda mātsūk dēs
10¶ Lāk dāḵwī da gī‐gakumāyī priest nīk kā ūgwākīs tlilī Lazarus;
11Kā īḵs hī ma ī lā gītl‐ts kīnum ī da lā bo gāyūtl lāḵā Jews, la ūqis lāk Jesus.
12¶ Wa yiḵī da la tlinsa kīnum tī da ḵā la gāḵ lāḵā qītl; gilḵdāḵw mā ī kautl‐āklilāḵ Jesus āḵs gāḵa ī qāsūtlil lāḵ Jerusalem,
13Uḵ‐īdik dāḵw ḵā klināk sa glos, kās lāh dāḵwī kākāyālāk, hāsil, Hosanna ḵulā, āzīs ekyā sī da gākā lāḵ glīkum a sā Gīkumāyā yiḵ Gīkumāyas Israel.
14Lī Jesus khā ḵā ḵwanūq us‐awāwa ā, la qēgīk, la umḵ kyaduq īnāyas,
15Qālā kitlil‐ūkl ḵwanūqs Zion; doḵ, gāḵ um gās Gīkumī gūs, qēgī ḵgā ḵwanūqā sā usawāwa‐ā.
16Ga mīs kīs ma wīs glāh āyūzitl‐ts disciples as, wa gil mī sī Jesus ekīlāqa, lāh dāḵw gīgāīḵ-āklilā kīḵs hī ma ī kyakyitītl wūtl ḵā kyādūq, glūḵs lāk dāḵwīk dī hī qīgīlāk
17Wa yiḵī da kīnum bī‐bagwānum yiḵ dūqī mīs dēk lāḵīs lā‐īnīk dī klītl‐wutl zaulīs āḵ Lazarus lāḵā digās qilāh īdā mas ik, zikyātlilas.
18Hīḵ sī lā mīs, lā gītl tsī da kīnum bagwānum la kākāyālāk, kā īḵs lāh dāḵwa ī khālā kīḵs qilāh īdā mas a āk.
19Lā gītl‐ts nīnā‐kyaulī da Pharisees, doḵs kīyos dāḵwa ā kūs qayau? doḵwā nāhwāḵ līlqilāklī la‐um wīlīsta lāq.
20¶ Lā tā Greek ī da wa‐ūq lā kēkī ḵā lā umyāḵā lāḵā qītl.
21Wa hīk dāḵw mīs gāḵ lāḵ Philip, ḵā hī lī Bethsaida lāḵ Galilee, kās wuklīk, nīkyā, Ad, dūḵ‐wāklilā īḵs‐dunuhwā ḵūḵ Jesus āk
22Gāḵī Philip nītlāḵ Andrew, gāḵī Andrew glū Philip, lāh dāḵw nītlāḵ Jesus
23Lī Jesus nānāḵmī lāk dāḵwuk, nīkyā, gāḵ mūḵ gāḵ‐āklilūḵ ekīlāk dum ūgwītlā ḵā Ḵwanūqā sa bagwānum.
24Aula kyasin nīk‐ūkl, hīgāma ī kū tīḵbutālīs lāḵā gāyūtlī lāḵā zīzidanū lāḵā dikyā kās tlilī, numk sē um lāḵ wīs; wa gil um lāḵ wīs gla tlilāḵ, lā lāḵ kīnum lāḵī ālīgā‐lāḵās
25Yiḵī da tlāhwila nūq kla sīs baqīnāyī, hyisā mas klīk, wa yiḵī da klīsila kla ḵīs baqīnāyī lāḵwā awīnāgwīs īḵ, lā klī āḵīlā‐kl kī lāḵā hīmunīs klā qilā‐kl.
26Gil um lāḵī ungwē bagwānum nānākīgāya īḵsda gākun, wīgā hyī lēgī gāḵun; wa yiḵun uḵ‐ās klā, hī um ḵa ā wīs ūgwākā‐kl uḵ‐ās klisun hīlūbātl‐zānāyī: gil mī lāḵī ungwē bagwānum nānākīgayā‐īḵsda gāḵun, lā klī a‐ēkīlā sūkl sin Umpā.
27La um gin bah‐wunēg ḵwunāla, wa mēkyāla klin? Ump, wāḵlā gāḵun lāk‐ig, ga mī gin gāḵītl lāk‐ig.
28Ump glorify la ga ḵīs glīkum ūs; wa gāḵa ā sa nīkyālē lāḵā īkī, la mūtl ḵa un glorify uk wa la mī sin ītīdi‐kl glorify kluk.
29Lā gītl‐ts nīkī da kīnum bagwānum glāk‐glawīs wuklilāk, qinhwā īḵ, nīk tī da waūq, angel zī da yākigatlāq.
30Lī Jesus nānāḵmāyā nikyā, kīsa ī nūgwa nīnākītl tsī da hīkagātlā, sūk dāḵw ma ā kūs nīnākītl tsī.
31La mūḵ dādalītā sū klū da awīnāgwīs īḵ: la mūḵ zukūdāyū klūḵ da gīkumāyāḵ sa awīnāgwīs īḵ.
32Wa yin, gil mī‐kl gin wīḵūs‐tū yū‐kl lākwā awīnāgwīs īḵ, lā klin nīḵā kluḵ nāhwā bagwānum kā gāḵīs gāḵun.
33Hīd qayū sīs gāyālas kla.
34Lā gītl‐ts nānāḵmāyī da kīnum bagwānum lāk, khālī gānūh lāḵā law, yi kīḵs hīmunī sī klī da Christ ā: wa māzīs nīkītla ūs, yiḵ Kwanūqā sa bagwānum kīsa ī īs wīḵūstū yau? ungwāzī da Ḵwanūqā sa bagwānum?
35Lī Jesus nīk dāḵwuk, num‐ātlātlā bīdū klī da nāqātla kupētlā‐kl glūs: kāsāk dākw la yiḵs uḵnūgwādih dāḵw ma wīs gla ā kūsa sa nāqātla, kā kīsī sī da pudikilā hītlzāḵ‐klī yūkl: kā ī da kāsā lāḵā pudikilēḵs kīsa ī kauklilā ḵīs la‐nāqilas.
36Yiḵs uḵnūgwādik dāḵw ma wīs gla ā kūsa sa nāqātlā, ūqis lā ḵā nāqātlā, kās ḵwanūq wī dih dāḵw mī lā ḵūs as nāqatlā: ga um wātldums Jesus, la kās īda, kās tēkumh īdī kāk dāḵwī.
37¶ Wa wāh ma ī kīnum īs qīgīlas māmātltīkyā‐yā, kī zumīs ūqis dāḵwuk.
38Kā aulī sī da wātldum ūtlas Isaiah ḵā prophet, yiḵ nīgim ūtlasī, Gīkumī ungwā zī dā ūqisa ḵunūh wātldum ī? ungwā za wī ḵa ī da nīlā sas āyāsau sa Gīkumāyī?
39Ga mīs kīyos‐ītl dāḵws qīh‐īda ās ūqis īdā, kā Isaiah‐ḵs la ī īzāqā,
40La ī sēskum duḵ kī‐kayākus dāḵwas, pīsā mas ḵā āḵ nīnaukīh dāḵwas, kū dūqilāh dāḵw lāḵ sīs kī‐kayākus, glū kū qilūklātla lāḵ sīs nīnaukīh dāḵw, kās lōsī hī mīs kun klū hītlīdā mas lāḵ uk.
41Ga um nīgim ūtl‐ts Isaiah, yiḵs lā ūtlā dūqilā‐ḵ egālazēs, hī mīs nīgim sī.
42¶ Kīnum ī sī dā gāyūtl lāḵā gī‐gakūmāyī ūqis uk; kīs dāḵw ūlāqās kā ī da Pharisees kū kyāya‐wilzum lāḵ lāḵā synagogue.
43Kā īḵs hīh dāḵwa ī tlāhwila kāwī nūq kās awīlā gīlā sūs bagwānum lāḵ God.
44¶ Wa lī Jesus hāsil nīkyā, yiḵī da ūqisā gāḵun kīsa ī nūgwā ūqitsūs, hī um ūqitsū sī da yālākum nūqā un.
45Gla wī dā dūqilē gāḵun, hī um dūqilī ḵā yālākum nūqā un.
46Gāḵī gīn nāqātla lāḵwa awīnāgwīs īḵ kā kīsī sī da ūqisā gāḵun hīk sē um lī da pudikilā.
47Wa gil um lāḵ wīsī ungwē bagwānum wuklilā ḵun wātldum kās kīsī āḵīlāk, kīs tin dādalītāk: kāḵ gin kīsīg hī gāgi ḵītl kun dādalītī ḵwā awīnāgwīs īḵ, hē ā glātl kun qāqilī ḵwā awīnāgwīs īḵ.
48Yiḵī da klāqē gāḵun, kīs ḵād dādālā ḵun wātldum dādalītā sū um klī, yiḵ un wātldum ī, hī um dādalītā‐kl kī lāḵā ātlilḵsdī kla nālā‐kl.
49Kāḵ gin kīsī gin qilīx um nīkyā; hī um glī da Umpā ḵā yālākum nūqā un, zaw ā sā wātldum gāḵun, kun wātldum ū‐gwītlā, kun nīgim ū‐gwītlā.
50Wa kauklilā mīs un klāḵ wātldum ā sīḵs hīmunī‐sīla‐ā qilā: yiḵī da nāhwē yin watlduma, la umḵ wātlduma sī da Umpa gāḵun, hī mī sun la wātldum ī.
Currently Selected:
John 12: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
