John 11

1Wa lā tā numūqī da bagwānum zihkā, Lazarus kla, gāyūtl lāḵ Bethany lāḵ gūqilās as Mary gla wīs nūlā Martha.

2Yikī da klātīdē ḵā Gīkumāyī yisa klādum, dīh īda ḵa āḵ gūga‐gwayaus yisīs sayā, ḵā wuqā nūqas Lazarus yiḵā zihkā.

3Wa yiḵī da numīma‐kās yālākum nūq lāk, nīkyā, Gīkumī dok, ḵī da tlāhwila yūs zihkā.

4Wa gīl mīs khālī Jesus āk, la nīkyā, kīsa ā hī zihkā gītl kās tlilī, hē ā glātl kā hyāhyīlanūs‐ts God, kā hyīlāgītliḵ Ḵwanūqas God.

5Hāhwila nūq tī Jesus as Martha, glū zāyēs, glū Lazarus.

6Wa gil gītl mas khālā kīḵs zihkā ī, la hīksē ma wīs gla līs uḵ‐ās ḵā mātluḵsa nāla.

7Wa yiḵ ātlā‐kāwaya sik, la nīk ḵīs disciples, wīhyints ītīd lāḵ Judæa.

8Lāh dāḵwī da disciples nīk yik, Gīkumī, ātlma ā sī da Jews nāpāpā īḵsda lūkl; la‐īḵsda tas ītīd lāk ā?

9Lī Jesus nānāḵmaya, kīsa ī mātlzā kagyū gwiklilā gīlī da num ḵsa nālā ā? gil ma ā sī da bagwānum kāsa ḵā num ḵsa nāla, kīs tā quh īdā, kā īḵs dūqila ā ḵā nāqātlēḵ sa awīnāgwīs īḵ.

10Wa gil mīs glī da bagwānum kāsā lāḵ ḵā kānūkl, lā tā quh īda, kā īḵs kīsa ī da nāqātla gīgakī lāk.

11Wa ga um wātldums; wa ātla‐kāwī sīḵ da la nīk lāk dāḵwuk, yiḵunts glīglaglaulē ī Lazarus a, la mī mīḵ‐īda, lā tā glā klun kun gwīh‐īdī kī lā ḵīs mīḵ‐īnayā.

12Lāgītl tsī da disciples nīk yik, Gīkumī, gil mī lāḵā sī mīḵā lāḵ, la mī ek‐īdi kl.

13Hē ā glatl qayū wī Jesus ī la‐īnayas tlilā: lāk dāḵw glā tā nīk iḵ he qāyū sī da mīḵā lītl kāla‐um.

14Lāgītl ts nīkī Jesus lāk dāḵwuk, tlilī Lazarus ā;

15La mī sun ekyīkula kāk dāḵws, yiḵ gin kīs ig hī lī, kāk dāḵws aula ūs uqis a: wa wīgā hyints lāk ī.

16Lī Thomas ḵā glīkula sa wā ḵa ās Didymus, nīk ḵīs nī‐numūq wī hyints ūgwākā, kunts tlī‐tlila unts gla wī.

17Wa gil mīs gāḵ ī Jesus, la kautl āklilā kīḵs la ma ā ḵūgl mū pun hwā zīs lāḵā digās.

18Wa nuhwātlī Bethany lāḵ Jerusalem, mātl gānumh stā mile wālatlas as.

19Kīnum ī da Jews gāḵ lāḵ Martha glū Mary, zilwāk‐āk kā qīh‐īda ās as wuqāh dāḵw dēs.

20Gil mī sī Martha kautl‐āklila kīḵs gāḵa ī qāsū‐tlilī Jesus, lā kākāyā lāk: qā‐ītl tsē mīs gla Mary lāḵā gūq.

21Lī Martha nīk yik Jesus, Gikumī, gil mī lāḵs dē kūs gā lāg, kīs lāḵs da tī hī qīh‐īdun wuqāk dē.

22Kauklila mīs glun klā ḵīs uḵ‐kyāla sū lāka ūs lāḵ God, zaw um‐kl wī sī God tā sī lūkl.

23Lī Jesus nīk yik, glāḵ‐wilīs um klīs wuqē ūs ītīd‐kl.

24Lī Martha nīk yik, kauklila mun klā kīḵs glāḵ‐wilīs mī kla ītīd‐kl lāḵā qilā gilīs dum kla lāḵī da ātlilḵs dī klā nālā‐kl.

25Lī Jesus nīk yik, Nūgwa um qilā gītlā, yiḵī da ūqis a gāḵun, wāh ma ī tlilā, qilā umkl wīs glā klī:

26Wa yiḵī da qilā ma ūqis gāḵun kīs klī tlilā īnūḵ‐kl: ūqis masī ḵīk ā?

27Lā nīk yik, kēglun Gīkumī, ūqis mun klāḵs sūma ā kūs ī da Christ, ḵā Ḵwanūq as God, yiḵī da gāḵū gwītla lāḵwā awīnāgwīs īḵ.

28Gil mīs qātl nīk sīk, lā kās‐īda, klīlālāḵ Mary ḵīs zāya, ūpātla nīkya, gāḵ um gints Gīk klīlālā tāg lūkl.

29Wa gil mīs kautl‐āklila ḵīk, la hālāgilītl glāḵ‐wilītl kās lē lāk.

30Kīs mī Jesus gāḵ‐āklila lāḵā gūqila, au mā wīs glā hī wālatlīs nāka wās glū Martha.

31Wa yiḵī da Jews ḵā quzītlī glū Mary lāḵā gūq zilwāk‐āk, lāh daḵw lāskum īḵ Mary, yiḵs lāh dāḵwa ī dūqila kīḵs lā ī hālā gilītl lāwilsa, nīk yik lā‐kl qāsā‐kl lāḵā digās.

32Gil mī sī Mary gāḵ‐āklil lāḵ uḵ‐ās as Jesus, la dūḵwā‐klilāk, la humq‐wālīs lāḵ gūgwa‐yaus, nīgitawēk, Gīkumī, gil mī lāḵs dē kūs gā lāg, kīs lāḵs da tī hī qīh‐īdun wuqāk dē.

33Gil mī sī Jesus dūqila kīḵs qāsa ī, gla wī da Jews ūgwākā qāsā ḵā gāḵī gla wī, la qāglatauya lāḵī da spirit, la ḵwanāla sta āqa,

34La nīkya, wīk dāḵwa sī tsī lī? lah dāḵw nīk yik, Gīkumī, kīlā‐gā dūḵ wīduḵ.

35La qāsī Jesus.

36Wa lāh dāḵwī da Jews nīkyā, doḵ, āzī ḵunts tlāhwilā nūq dē ḵunts ūḵwā sī.

37Lāh dāḵw nīkī da wa‐ūq, kī zau lāḵs da ūḵ da bagwānumḵ yiḵwā duh‐īdā mas ā ḵā pupās dē, kīs ā mas ḵwā bagwānum dīḵ tlilā ā?

38La ītīdī Jesus qāglatauya, qāsū tlil lāḵā digās: lā tā hwupzaulā, la mīs magwiḵstālā ḵā tīsum.

39Lī Jesus nīkyā uḵ‐īdagā ḵwā tīsumḵ: lī Martha yiḵ wuqē sī dā ūzākyā, nīk yik Gī, lā gānumh stū yākpih īdā; kā ūḵs lā āḵ mū pun hwāzisā.

40Lī Jesus nīk yik, kīs dā un nīk ūkl ā, yiḵs gil mī klā kūs ūqis‐kl, lā klis dūqilā kluk qīxdum as God?

41Lāh dāḵw uḵ‐īd ḵā tīsum: lī Jesus īkyikumh īda, kās nīkī, Ump, kīlākyās lāḵs hūklīlā ā kūs gāḵun.

42Kauklila mī gā glāḵs hūklīla ā kūs gāḵun hīmun‐ātlama: gā tī gāda kīnum glāk‐glawīs lā gītlin nīkī, kā ūqis dāḵw mī lāḵ sī gāḵs yālākum nūqa ā kūs un.

43Wa gil mīs nīga‐āgūtla, la lāqi‐gātl hāsila, Lazarus kīlāga gāḵ‐ukauḵ.

44Wa yiḵī da lāk dī tlilā gāḵ gāḵ‐ukau, yigliqīs āyasū gla wīs gūgwayū yisa kunībumk dī: yiklumāla um ḵa ā wīsī ḵā sākumāyī: lī Jesus nīk dāḵwuk, qītl‐īdā gāq, kā lālāgī sūḵ nēnāqā.

45Kīnum gītla sī da gayūtlī lāḵā Jews, ḵā gāḵī lāḵ Mary, la dūqātlāḵ qīh‐īda as as ūqis uk.

46Lā tīda wa‐ūq lā lāḵā Pharisees, kās nītlāk dākwuk yis qīh‐īda as as Jesus.

47¶ Qāqakū‐gwītlā sī da gī‐gakumāyī priests gla wī da Pharisees nīkyā, wīh īd klunts? kā ūḵ da bagwānum āḵs kīnum a ūḵs iāḵ qīgīlas a.

48Gil mī‐kl gints kīs gatālā kluq, lā klūḵ da nāhwāḵ bagwānum ūqis kluq: gāḵ klī da Romans tlīnamā‐kl ḵunts awīnāgwīs īḵ gla wunts līlqalāklāyā‐īnāyīḵ.

49Lā tā numūqī da gāyūtlī lāk dāḵwuk glīkādis Caiaphas, hīd gīkumī priest ī, nīk lāk dāḵwuk, kīyos dāḵwa ā kūs kauglitla,

50Kīs dāḵw um ḵa ā wīsis gīga‐īkulā ḵīḵs ekyā ī kā unts gūqilūt īḵ kā tlilīs numūqā bagwānum kā unts gūqilūt īḵ glū kā hītlilī sa līlqilāklayīḵ.

51Wa ga mīs kīs qilī kigālums: yikīḵs hē ī gīkumī priest ī, qalgātl nīk kīḵs tlilū‐gwītla ī Jesus kā ī da līlqilāklayī;

52Kīs ḵād hī‐ga um kā ī da līlqilāklayī, hī um ḵād kās kāpīkūwī nānum kauḵ sāsum as God ḵā gwīk‐gwilīsa

53Wa hī mī sī da nālā lāk dāḵw gēgiklilāts qīḵula kā tlilīs.

54Kīs gītlas lī Jesus la nāl kās gīgilkayī ḵā Jews: au um lā lāḵā awīnāgwīs īhyātlā ḵā lūblabīs, lāḵā town glīkādis Ephraim, hī mīs gāḵ la lī gla wī da disciples

55¶ La mīs īhyātlī da hayākutl tsumāyā sa Jews: wa kīnum ī da lā lāḵ Jerusalem, unya um kās geh‐īda as lāḵā awīnāgwīs gāgālatl gīwī sa hayākutl tsumāyī kās kīkulāk dākwī.

56Lāh dāḵwa ās ālēḵ Jesus, la nīnākyaulāh dāḵwā yiḵs lāh dāḵwa ī glāh‐glawītl lāḵā temple, mā‐sūḵs nī‐naukīh dāḵwā kūs? īs kla ānā wī sī gāḵ‐kl lāḵwā qītl klāk?

57Kā ī da la wātldum sī da gī‐gakumāyī priest gla wī da Pharisees, kā gil mī‐kl tsī kautl‐āglitl klī uḵ‐ās kla sī, kā lēs nīlum ā, kā lāk daḵwīs uḵ‐īduk.

Currently Selected:

John 11: Kwak

Highlight

Copy