John 14
14
1Qālā hyūs naukāyā kūs ḵwuntātla, yūkl ūqis dākwuḵ God, ūqis um ā hyī ḵād gāḵun.
2Lāḵ gūqā sun Umpā kīnum ī da gūqā lāk ī: gil mī lāḵs dē sī kīs hī qētlī nītlā um lāḵs da wī sun klūkl: la mī sun lā‐kl kun qātlātla masīkl ḵīs uḵ‐ās kla ūs.
3Wa gil um‐kl wīs un lā‐kl qātlātlā mas‐kl ḵīs uḵ‐ās kla ūs, gāḵ klin ītīdi‐kl, kun dādālī klūkl, kās lē klūs ūgwākā‐kl hī‐kl gāḵ lun uḵ‐ās klā.
4Wa yiḵ un la‐ās kla lāh dāḵw ums kauklila, gla wī da tihyilē lāh dāḵw um ḵa ās khāla kī.
5La nīkī Thomas āk, Gīkumī wīlāq zau nūh kauklilā ḵīs la‐ās klā ūs, wa māzau tunūh kauklilā gītl klā ḵā tihyilē?
6La nīkī Jesus āk, nūgwa um tihyilā, ḵā aulā, gla wī da qilā gītl: kīyos numūq gāḵā las lāḵā Umpā, hīga umḵs gāḵ mā wīs gla ī gāḵun.
7Gilhdākw mī lāḵs dē kūs kauklilā gāḵun, lā lāḵs da ḵa ās kauklilāh dāḵw ḵun Umpā: gēgiklila lāq la ums kauklilah dāḵw kī, lā ḵa ās dūqilā kī.
8Lī Philip nīk yuk dūqā mas laga tsa Umpa gāḵun, la mīs hītl‐ākl kā unūh.
9Lī Jesus nīk yuk, kīs dēḵ masī‐gl mātltīga āklil gāḵun ā Philip, ḵun lā wāh wāwāsdum kupētlā glūs ā? Yiḵī da lē dūqilā gāḵun, la mī dūqilā ḵā Umpā; mā sīs nīkītlā ūs dūqā mas laga tsa Umpā gāḵunūh?
10Kī sas ūqis un gīgākī lāḵā Umpa, glū gīgā‐kayī dā Umpā gāḵun ā? ḵī da wātldum un nīgim ūkl, kīs un yākuntālas kā nūgwīs nīḵs: hīma ā sī dā Umpā ḵā gīgakayā gāḵun, hī um uḵ ḵīs qīgīlasa.
11Uqis la gāḵun klāḵ gin gīgakayī gā ḵā Umpā, gla wī dā Umpā‐ḵs gīgākaya ā gāḵun: wē hyis ūqis lāḵ gāḵun kā ī da qīgīlas.
12Aulin nīk ūkl yiḵī da ūqīs klā gāḵun, ḵī da qīgīlas in, hī um ḵād qīgīlās kla sī ūgwākā‐kl; wa awīla kāwī tā klī lāk‐ig, yik lā kla qīgīlas kla sī; kāḵ gin lē klig lāḵā Umpā.
13Wa yiḵīs nāhwālā ḵā ūs uḵ‐kyāla sū lāḵ lāḵ un glīkum, hī um‐kl wīs in qēlā klī, kā glorify mī lāḵ sī da Umpa lāḵī da Kwanūq
14Gilhdāḵw mī klā kūs uḵ‐kyālā sū nūq lāḵ gāḵun lāḵ un glīkum, lā klin hī qēlā klī.
15¶ Gilhdāḵw mī lāḵā kūs tlāhwila nūqun, lāh dāḵw klis āḵīlā‐kl ḵun wātldum.
16Lā klin uḵ‐kyālā‐kl ḵā Umpā, la mīs ī zaw klūklas ūgwilā kla Hāyātlil‐kulā‐kl, kā kupētlī‐kl tsī glūs hīmunātla um‐kl,
17Ya um ḵī da Spirit as aulā, yiḵī da kīyos a qīh‐īda‐ās dādālā sū sā awīnāgwīs īḵ, kā ūḵs kīzīnāyīḵ dūqilā kī, kīs ḵād kauklilā kī: lāh dāḵw glā tas kauklilā kī, kā īḵs kupētla ā glūs, gīgākī‐kl ḵād lāh dāḵw ūkl.
18Kīs klin tlūwāklā klūkl, gāḵ um klin lūkl.
19Numātlātlā bīdū klī lā‐kl kā ḵū, lā klūḵ da awīnāgwīs īḵ qātl dūqilā‐kl gāḵun; lāh dāḵw glā tas dūqilā um gāḵun; kāḵ gin qilēg, lā klis ūgwākā‐kl qilā‐kl.
20Wa lāḵī da nālā kla hī ums kautl āklilāh dum kluḵ gin gīgākayīg lāḵ un Umpā, glūḵs gīgākīh dāḵwa ā kūs gāḵun, gla wun gīgākayā īnā yūkl.
21Yiḵī da uḵnūgwādē sun wātldum ī, kās āḵīlī ḵa āk, hī um tlāhwilā nūqun: wa yiḵī da tlāhwilā nūqā un tlāhwilā klī sun Umpā, lā klin tlāhwilā nūq kla sī, lā klin nītl‐īd klas un qīxdum‐ī lāk ī.
22Lī Judas nīk yuk, kīs hīdī Iscariot, Gīkumī māzīs nītl‐īd gītl klā sūs qīxdum‐ā kūs gāḵunūh hīgā um‐kl, kīs glātl ḵwā nāhwāḵ awīnāgwīs ā?
23Lī Jesus nānāḵmī nīk yuk, gil mī klī ungwā klā bagwānum‐kl tlāhwilā nūq klun, lā klī āḵīlā‐kl ḵun wātldum ī: lā klin Umpā tlāhwilā nūq klis ī, wa gāḵ klinūh lākl kī, kunūh kupētlī‐kl glū klī.
24Yiḵī da kīs ā tlāhwila nūq un, kīs tā āḵīlā ḵun wātldum‐ī, wa yīḵī da wātldum‐ī ḵīs wuglitl dāḵw ūs kīsī nūsā, husī ḵī da Umpā ḵā yālākum nūqā un.
25Wa la mun nīks gādā wātldumg lūklāḵ gin gīgilkī mā wīs glī gūkl.
26Hī um‐kl wīs glī da Hāyātlil‐kulē, yiḵī da Holy Spirit, yik yālākum klā sun Umpā lāḵ un glīkum kākūklāmas klis nāhwā lūkl, mulḵwāklilā mas‐kl ḵā ūkl ā sun nāhwā wātldum ūkl.
27Yiḵ nākul‐kula gīgilk glā yin klūkl, yiḵun nākul‐kulā zaw yin klūkl: kīs hī qīxī zawya sā awīnāgwīs‐īḵ, ḵun zaw yūkl: qālā hyīs naukā yūs ḵwuntātla, qālā hyī ḵa ā kitlilā
28Kauklilāh dāḵw ma ā kūs‐āḵ gin nīkī gūkl, la mā wīs glā klin, wa gāḵ klin lūkl: gilh dāḵw mī lāḵs dē kūs tlāhwila nūq un, lāh dāḵw lāḵs dis ēkyīkulā sun lā‐īnīkl lāḵā Umpā, kā ī da Umpā‐ḵs awīlā‐kāwāyā un.
29Wa la mun qātlil nīk yūkl yiḵs kīs ma ā hī qelī, kās ūqis ī klūs, kū lā‐kl kī qīh‐īd klī.
30Kīs klin lā‐kl hānātl‐kl kiyūd‐kl glūs: kāḵs gāḵma īḵ qāsū‐tlil ūḵ da gīkumāyāḵ sa awīnāgwīs īḵ, wa kīyos tā uḵ sūḵ gīgākī gāḵun
31Kā kauklilī glā sūḵ da līlqilāklayāḵ gin tlāhwilā nūqī gā sa Umpā; wa lāḵ wātldum ā sa Umpā gāḵun, hī mun qāyīlēlī: glāḵwilītl lā ga, kunts lālāgī.
Currently Selected:
John 14: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
