MALAKIA 4
4
Lalpa nî a lo thleng dâwn
1“Ngai teh u, ni chu a lo
thleng e,
Rawh tuina mei angin a kâng a ni;
Mi chapo zawng zawngte leh
sual titu zawng zawngte chu
Buhpâwl an ni ang a,
chu ni lo thleng chuan
anmahni a kâng ang;
Zung leh zâr chenin
a zuah lo vang,”
Sipaihote Lalpa chuan a ti.
2“Nangni ka hming ṭihtute tân
erawh chuan
Felna ni, a thlaa tihdamna
nên a lo chhuak ang a,
In kal chhuak ang a, bâwngnote
hrên lai thaukhawh angin
in tualchai ang.
3Mi suaksualte chu
in rap bet ang a;
Nî ka ruatah chuan in kephah
hnuaia meivâp an ni dâwn si a,”
Sipaihote Lalpa chuan a ti.
4“Ka chhiahhlawh Mosia dân,
Horeb tlânga a hnêna ka thupêk,
Israel mi zawng zawng tâna
thuruatte leh Rorêlnate kha
hre reng rawh u.
5Ngai teh u, Lalpa ni ropui
leh râpthlâk tak
a lo thlen hmain,
Zâwlnei Elija chu in hnênah
ka rawn tîr ang. #Mt 11.14; 17.10-13; Mk 9.11-13; Lk 1.17; Joh 1.21
6Ani chuan pa leh fate inkârah
Inrem lehna a thlentîr ang;
Chuti a nih loh chuan,
ka lo kal ang a,
Anchhiain lei hi ka nghaisa
dah ang e.”
Currently Selected:
MALAKIA 4: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
